|
رد: سؤال فى كهرباء السيارة و نصائح قبل السفر
بص يا باشا انا سألت الكهربائى بتاعى وقالى ان الاحتمال الاكبر ممكن يكون من الدينامو برضو او السير بتاعة او الوصلة من الدينامو للبطارية
وقالى ميقدرش يحدد الا بالقياس وورانى جهاز كده بيقيس بيه شحن البطارية وكفائة التوصيلات وخرج الدينامو وقالى مقدرش افتى من غير قياس لان القياس هو اللى هيحدد بالظبط العيب فين |
رد: سؤال فى كهرباء السيارة و نصائح قبل السفر
شكرا لكل اصدقائى و اخوانى اللى شاركو فى الموضوع
و الف شكر لأخى العزيز ابو نورا .. الف شكر يا باشا على تعبك ,,, جزاك الل كل خير للأسف هنا الصنايعية 99 % منهم مابيفهموش و مابيعرفوش يصلحو حاجة بيعرفو يغيروا بس انا رحت النهاردة لواحد تالت و قاس الشحن من عند البطارية بس لقى مؤشر الجهاز مش ثابت برده بيلعب ... فا قالى الدينامو و طبعاماجبش سيرة السير ولا الوصلة و خد الدينامو الاصلى القديم علشان حاول يصلحه و هيرد عليا بكرة ان شاء الله فا انا لما اروح له بكرة بإذن الله هخلية يشيك على السير و الوصلة و ربنا يقدم اللى فيه الخير و الف الف شكر ليكم يا أعزائى على اهتمامكم و تعبكم معايا |
رد: سؤال فى كهرباء السيارة و نصائح قبل السفر
الاول يا باشا توصل مصر بالسلامه ان شاء الله ..
انا قريت الموضوع من الاول بس مرضتش افتي ... بس كنت حاسس ان حل الفزوره هو الدينامو ptmnlo123per1127 بس عادي لما العربيه تدور و هي على المور الواحد يحس ان نور التابلوه واطي سنه ... واول ما يمشي بالعربيه يعلا شويه ... اعتقد ان الدينامو حتى لو سليم ادائه بيفرق لو العربيه ماشيه او ثابته ... والله اعلم ... دي مجرد خواطر ذهنيه .... |
رد: سؤال فى كهرباء السيارة و نصائح قبل السفر
تمام يا سام رام باشا
كلامك مظبوط 100% بس الفكرة ان الاختلاف فى قوة الكهرباء دة مايوصلش لدرجة الرعشة اللى صاحبنا قال عليها وبردو انا مش فاهم اوى ... يعنى كلامى مجرد رأى |
رد: سؤال فى كهرباء السيارة و نصائح قبل السفر
ابشركم يا اخوانى الاعزاء انه بفضل الله تم حل المشكلة
تخيلوا بقى اتحلت ازاى (تمت إعادة برمجة كمبيوتر السيارة ) :) سبحانك يا رب |
| الساعة الآن 10:28 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017