رد: ازاي تعرف ان اللي سايقه واحده ست ؟؟؟
بصراحة معظم الستات بتكون ماسكة فى الطارة (الدريكسيون) وكانها سايقة دبابة حربية
شوفت النهاردة واحدة فى شارع طلعت حرب قبل ممر بهلر بحوالى 7 متر هو الممر على الشمال وهى كانت فى الصف الشمال وعايزة تكمل على طول لقيتها لفت الطارة اقصى اليمين وعايزة تطلع على اليمين وطبعا الشارع كلة واقف وراها |
رد: ازاي تعرف ان اللي سايقه واحده ست ؟؟؟
هههههههههه كل الكلام ده والله حقيقى:Wkiss5:
|
رد: ازاي تعرف ان اللي سايقه واحده ست ؟؟؟
انا مش بدافع عن الستات لكن بصراحة انا بحترمهم حتى ولو هما مش بيعرفوا يسوقوا كويس كفاية ان هما بيبقى ماشين باحترام يعنى مش بيتعصبوا ولا بيقولوا الفاظ خارجة زى السواقين اياهم وعندى سؤال تخيل لاقدر الله انك خبطت عربية واحدة ست وخبطت تانى مثلا سواق تاكسى او ميكروباص وشوف الفرق فى المعاملة هيبقى ازى بالنسبة للست او لسواق الميكروباص ((( واسف جداااا على الاطالة ))) |
رد: ازاي تعرف ان اللي سايقه واحده ست ؟؟؟
اقتباس:
كلام 1000/1000 وبرضه لو لقيت عربيه جايه وراك وماشيه زجزاج او بتتنطط |
رد: ازاي تعرف ان اللي سايقه واحده ست ؟؟؟
مش عيب ان اللى سايقة واحدة ست
ومش عيب انهم بيسوقوا على قدهم انما العيب يبقى عيب لما يكون الرجالة هم اللى بيعملوا الغلط ويسوقوا الهبل على الغباء وانا عندى اقتراح تخلى الموضوع عنوانه ازاى تعرف ان اللى سايق مصرى مش جنسية تانية لما تلاقى اللى جمبك بيحدف عليك وبيلف عليك فى الدوران صف تانى وبيفتح النور فى وشك ويعميك ويمشى وهو بيتكلم فى التليفون وممشى الشارع كله وراه لما تلاقى واحد ماشى عكس الاتجاه ومش فى باله كوم الحديد الى واره عمال يزمرله لما تلاقى الى قدامك بيقفل عليك فى ثلاثة متر علشان يعدى هوه من حارتك انت ويجبرك انك تهدى بالذمة بقى دى سواقة بقى ده شعب استغفر الله العظيم وبعدين نعيب على الستات طيب الستات كثر خيرهم نقول ايه بقى على مصر الى كل حاجة فيها باظت وبقى اسلوب البلطجة المرورية هو الى بيحكم الشارع وعايز تشوف انزل شوف سواقين السرفيس والميكروباص بيعملوا ايه بيشترى الشارع لحسابه ويركنك واره كانك شفاف مش موجود وبعدين نعيب على الستات ده عيب على الرجالة وعجبى |
الساعة الآن 02:13 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017