مصر موتورز مجتمع السيارات - فكره لحل لمشكلة السحب فى 516

اقتباس:

المشاركة الأصلية كتبت بواسطة osa92003 (المشاركة 627573)

بص حضرتك اولا فى حاجه اسمها تفتيح موتور العربيه ودى بتكون فى التلين الاول ودى بتقرص على الغيارات شويه لتعديل وتوافق كمبيوتر العربيه لكن بما ان عربيتك مش بتليين فصعب عمله تفتيح الموتور والضغط على الغيارات لانها هاتتعب الموتور
ثانيا العربيه سحبها ممتاز جدا بس لازم نتعامل كويس بمعنى اول واهم حاجه ضغط كاوتش العربيه لازم لازم يكون الامامى 33 والخلفى 30 ده مهم جدا وده الموصى به من الشركه وياريت يكون نيتروجين علشان يحافظ على الضغط
ثالثا النقل على ار بى ام 3 اقصى حاجه والاول اقل من كده ومايضرش لو قرصت شويه لو عايز سحب جامد فى الرابع مثلا بس مش بصوره مستمره

انا ممكن اوفقك ان العربيه ممتاز بس سحبها مش ممتاز مقارنة بأى عربيه فى نفس السعر ونفس السى سى
فرنا -لانوس -لوجان - بى واى دى .......
والدليل على كلامى الموضوع المثبت من الرائع ابونورا (تصميم موتور الاسبيرانزا ومشكلة السحب
) بيقول ان ده مشكلة فى التصميم وفى ناس كتيير موافقه على كده
انت حتى لو نقلت بدرى على التانى او التالت وكبست بنزين على الأخر بتاخد وقت يمكن اكتر من الكيك داون بتاع الاتوماتيك
اللى انا بقوله انها لو تنفع اساسا يكون جميل وساعتها هتبقى عربيه تانيه خالص
انا بعد ماشتريت عربيتى وركبتها شويه اخدت عربيه بى واى دى من واحد صاحبى لفه
لأ فرق ماهول فى السحب مع انا الاتنين تقريبا نفس الباور هورس بس ال بى واى دى على سلك