رد: سؤال فنى
 

المسألة نسبية وعلى حسب حالة الموتور ، اذا كان اول مرة يتفك غالباً هيبقى طقم شمبر فقط ولن يتعدى تكلفتة بغيار الزيت والفلتر والمصنعية ال 300ج وهم عبارة عن 90ج طقم شمبر برازيلى اصلى +110جركن زيت بالفلتر + 100ج مصنعية ولو طمع قوى يبقى 150ج ، لكن اذا احتجت المخرطة علشان الشمايز والكرنك يبقى موتور استيراد بدون تفكير وتركبلة طقم شمبر قبل ما تركبة مع تغيير اورسيلات الصبابات علشلن بتبقى ناشفة مع العلم ان اسعار المواتير فى السما اليومين دول يعنى لو موتور 1500سس وحالتة ممتازة مش هيقل عن 3000ج وفى الحالة دى هتصرف كمان الف شمبر وتغيير زيت وتسقيط موتور يبقة تعمل عمرة كاملة لموتورك احسن 100 مرة واقصى مصروف للعمرة الكاملة 2000ج ، وتقبل مرورى وتقديرى لكل الآراء خاصة رأى عمنا الكبير قوى المهندس سمير واخويا مستر استرا

رد: سؤال فنى
 

طبعا لما تفك الموتور الاول ممكن تعرف ان كان الموتور عايز عمره كامله ولا لا
اولا نبدا بحاجه صغيره مواتير الاداحتى لو جاى جديد واول دواره للموتور بعد 50000 بيحتاج طقم شمبر لان التقنيه قديمه حبتين هو هو نفس الموتور من 20سنه واكتر اما الموتير الحديثه هتلاقى الموتور 16 صباب يعنى الموتور 1600يعمل اكتر من 100حصان وقدره عليه واستهلاك اقل ونعومه انما الادا زى ماهى حتى لو انجكشن موتور 1600بس 68 حصان يبقى الفرق كبير يبقى الفضل انك لو العربيه لما الميكانيكى بفك الموتور هتعرف ان الموتور عايز ايه طقم شمبر ولا عمره كامله لو اتفقنا على طقم شمبر
110 الشمبر البرازيلى
45 جوان وش السلندر
10جوان وش التكيهات
60طقم كهرباء
50جركن زيت التعاون
200اجره ميكانيكى
يعنى الموضوع فى حدود550 الى600لة فى حاجه فى وش السلندر
الموضوع التانى الموتور لو عايز عمره كامله يكون احسن لو الميكانيكى كويس ومضمون تعمل العمره على ايدك وتبقى عارف الموتور فيه ايه وده هيكلف فى حدودمن2000 بس هيبقى افضل من الاستيراد لان كل اساسيات الموتور جديده من بساتم وشنابر وجوانات وطلمبه زيت وكتينه وسبايك كرنك كله جديد اما الاستيراد بعد سنه او اتنين عايز تفك تانى وتشوف ودى بطيخه مقفوله ايه الى جواه مش عارف هتصرف كام تانى وهيبقى نفس تكلفه العمره هى تمن الموتور الاستيراد2000جم انما الى ربيته على ايدك افضل بكتير وده رايى وانت الى هتدفع ههههمعاى ولا زى الى بيقول استيراد