رد: رساله الى هورس موتورز وكيل جاك .
 

يارب ,فعلاً الناس بتوع هورس موتورز لديهم قصور فى مسالة التسويق للاسف بل هم فشلوا بلفعل فى تسويق سيارات جاك ,والغريب ان شركة جاك لايهما متابعت تسويق هذه السيارات ولاتنظر نجاحها فى مصر بشكل جاد وكان الموضوع لايعنيها فى شىء (حاجة غريبة الحقيقة!!!!!!!!!!!!!!!)

رد: رساله الى هورس موتورز وكيل جاك .
 

استاذ ايمن ... اتشرف برد حضرتك
شوف حضرتك انا بشتغل فى الجزائر وكان ليا حكايات مع العربيات دى مش كتر اوى
اولا انا كان معايا رينو سيمبول ومش عايز اقولك ؟؟؟؟؟؟؟ (تركى بس ال 128 افضل)
بعد كده أجرت عربية رينو سينيك كانت ممتازة جدا
ثم فكرت فى الصينى فجبت جريت ووال فلوريد عربية صغيرة لكن ممتازة
(معلش هطول عليك .... ) مواصفاتها موتور 1300سى سى - تكييف - باور - 4 ازاز كهرباء - سينسور بارك - راديو CD و MP3 - مرايات كهرباء - ABS و ABD - زجاج خلفى وللشنطة فيمية - العربية مفيهاش عيب عربية من الاخر جامدة

ثم فكرت اغير لعربية اكبر (الفلوريد هاتشباك) وبما ان تجربت الصينى كانت كويسة بالنسبة ليا ففكرت اشوف صينى .... وصعقت لما شوف الجاك B class امكانيات ايه وثبات ايه (مش عايز ازيد ولا يقولوا بيعملها دعايا) وفعلا نويت اغير وللاسف اتاخرت شوية ولكن ده كان من حظى ان لاقيت ال cross نزلت فبهرتنى جدا وبالفعل اشتريتها (شوف سعرها تقريبا ما يعادل 100000ج فى مصر) لكن تحفه
على العموم انا هحاول ارفع صورها اللى انا كنت صورتها لما اشتريتها من التوكيل

على العموم انا ليا شويت ملاحظات اعتقدم ممكن نستفاد منها كلنا وهى مش على السيارات ولكن على وكلاء السيارات اللى فى مصر:
اولا العربيتين اللى انا جربتهم (جريت ووال فلوريد - وجاك Bclass) دول انتشروا جدا هنا وكمان فى تنوع فيهم سواء فى الاوبش بتاعت كل موديل او تنوع الموديلات
فتصور حضرتك بالنسبة للجريت ووال في منها (فلوريد - فولكس c10 و c30 - كذلك عربيات نقل دوبل كابينة - وعربيات 4*4) والجاك فيها (A class السيدان والهاتشباك J3 - وال B class وكذلك سيارات النقل والميكروباص) كل ده منتشر والناس بتقبل عليه وبجد التوكيل ممتازة واللى مش موجود يجيبهولك مع اول طلبية يستلمها
ولكن المحزن انى لما كنت فى اجازة بمصر قولت اروح اشوف توكيل جريت وال لقيت ان عنده فلوريد 1500 سىسى سالت هل يوجد 1300 تخيل يقولى ان شركتها مش بتعملها ...... قولى تقوله ايه ؟؟؟؟؟
بالاضافة سالت طيب انا عايز ان فرشها اسود او رصاصى مش بيج (ذى اللى كانت معايا) برده يقولى احنا بنجيب البيج بس علشان ده ملائم فى مصر (اعتقد مسألة الفرش ده زوق شخصى) طيب بافى الموديلات متوافرة مثل الفولكس .. ميعرفش عنها حاجة
وتكتشف بعد كده انهم بدأوا الحجز للفولكس C30 اليومين دول

التجربة الثانية مع توكيل جاك روحت قولت اجرب شوف العربية معقولة .... سألتهم طيب ممكن احجز Test Drive ... للاسف الرد قتلنى !!!! الرد كان بالنص " العربية يا بيه مش محتاجة تجربية واحنا مش محتاجين نعمل ده علشان العربية انتشرت خلاص" قلتله انا مشوفتهاش فى الشوارع لسه يقولى ازاى يا بيه ابقى خد بالك .... المهم السعر كام يقولى 85 الف ... يا عم ازاى انا عارف انها 82 الف لا يابيه .... اوحت شويه دخل يسأل مديره ثم رجع يقول ايوه فعلا 82
واحد صاحبى سألهم على J3 قالوله ب 67 الف ... فى حين انها فى الجزائر مثلا فى حدود مايعادل 50 الف

الخلاصة علشان مطولش :
للاسف العربيات دى جواهر بس مع توكيلات متعرفش قيمتها
وللاسف من اللى شوفته بنفسى تحس ان اللى بينزل منها مصر الدرجة الثانية من ناحية جودة التقفيل
انا مش عارف اوصفلكم العربيات دى فى دوله زى اللى انا بشتغل فيها ازاى بتنافس الكورى واليابانى (مش عايز اقول دول الخليج فيها ايه)
امنيتى الاخيرة اننا تكون عندنا معايير لكل حاجة علشان ناخد بالفلوس اللى بندفعها
واعتقد ده مش صعب...... فى النهايه الامل موجود
وشكرا للجميع

بالمناسبة عربيتى اللى معايا فى مصر رينو رينبو موديل 97 وعايز اجيب الجاك B cross وللاسف مش موجودة

رد: رساله الى هورس موتورز وكيل جاك .
 

استاذى الفاضل ...المضوع معاك دسم ومفيد إن شاء الله ,كما إننى اشكرك على التواصل ..وبلفعل كما قلت فى كثيرمن مشاركاتى ان القائمين على تجارة السيارات وتوكيلاتها فى مصر لايصلحوا لبيع الترمس مش سيارات ,كما إنهم بيأتو بباعئين ممكن تجدهم اخر اليوم واقفين فى محل بقالة ,لأننى اعتقد (أ,ب) مبيعات وتسويق هو ان يكون عندك حب بأشواق لعالم السيارات يعنى مبتسبش مجال وفيه حاجة عن السيارات وإلا وبتكون لديك معلومة عنده ,ومطالع دائم بكل صغيرة وكبيرة عن هذا العالم ولكن للأسف ممكن هذه التوكيلات الموجدوه فى مصر تلاقيها آخر النهار برده شغالين فى سوق الخضار حاجة تكسف (هقول لحضرتك على قصة حصلت معايا ...معلش هطول عليك شوية) اثناء وجودى فى ايطاليا سنة 92 احضرت معى الى مصر عربية الفا روميو موديل الفا33 موتور 1500 المهم العربية سنة 97 الموتور جاب وش سلندر وطبعاً قطع الغيار مش موجوده فى مصر المهم ارسلت الى ايطاليا علشان يجيبوا قطع الغيار ولكن المفاجئة إن توكيل الفارميو فى ميلانو طلبو منى ان ارسل لهم القطع التى حدث لها العطل جميعها حيث انهم ارسلوا لى قطع الغيار الجديدة دون ان يأخذوا ثمن الشحن كما قالوا لى ان ثمن شحن القطع المعطوبة من مصر هى علينا ,شوف دول ناس مهتمين يعرفوا ايه السبب الذى ادى الى تلف الموتور وطبعاً بلذات ان العربية مستخدمة خارج ايطاليا يبقى لازم فى عوامل قد تؤدى الى التعجيل بحدوث مشاكل ,هذا مافهمته من (الكابو) المسئول عن قسم الصيانة فى توكيل ميلانو)شوف دول ناس بتفكر إذاى وإحنا بنفكر فى ايه للأسف وبقولها من قلبى حتى بعد الثورة مفيش فائدة فينا الى ان تقوم القيامة سوف نكون بنفس الوتيرة لأن واضح إن دى جينات وراثية لاتنتهى إلا بلموت....
الأهم من كل ده هو معرفتى بحضرتك واتمنى ان تمدنا بصور الcross وتفيدنا عن كل مايرتبط بها من معلومات وعن نسبة انتشارها لديكم فى الجزائر وسلامى اليك والى اهل الجزائر ,واشكرك شكراً جزيلاً على الأهتمام,وعلى فكرة ياريت تدينا فكرة عن قطع الغيار الخاصة بلجاك البى كلاس وكمان الكروس واسعرهم وكل شىء يمت بصلة بهذه السيارات الف الف مليون شكر لحضرتك:CONGRA~238:

رد: رساله الى هورس موتورز وكيل جاك .
 

رد: رساله الى هورس موتورز وكيل جاك .
 

الله عليكم بجد
حوار راقى ومعلومات قيمة وباين اوى حبكم للبلد دى اللى كلنا بنعشقها وصعبانا علينا
يا رب اصلح الحال