رد: نمر عربيتي ضاعت او اتسرقت
 

الف شكر ليك ياباشا
وبالنسبه للاختلاف معايا فانا سمحتلك ... هههههههههههههههه
بالنسبه لكلام حضرتك فان الحيازه فى المنقول سند الحائز حسن النيه ده كلام تمام ومفيش خلاف عليه اطلاقا
لكن احنا هنا بنتكلم عن ان الحائز معه هنا توكيل فرضا مخول له بهذا التوكيل البيع للنفس وللغير والتعامل مع المرور اذا هو هنا مش حائز بناء على عقد بيع هو موكل من المالك وده لان التوكيل مينقلش الملكيه الا فى حالة البيع للنفس او للغير فهنا هو مجبر لنقل الملكيه ان يكون بيده عقد بيع مسجل يلغى الوكاله ويجعل منه مالك امام جميع الجهات الرسميه



الصراحه مش واضحه ليا بس بالنسبه للعقار فالحيازه مع العقد الابتدائى تكفى هذا على حد علمى واستسمحك عذرا بانى ساراجع القانون المدنى وارد عليك بما يتوجب فعله

وشكرا لك مره اخرى

ROSE4U

رد: نمر عربيتي ضاعت او اتسرقت
 

ههههههههههههههه متشكر انك سمحتلي
حضرتك الملكية في العقار بتنتقل باحدي طرق ثلاث ليس لهما رابع :
1- التسجيل في الشهر العقاري
2- التقدم المكسب القصير ( عقد ابتدائي * مدة خمس سنوات )
3- التقادم الطويل ومدته 15 سنة مع اشتراط نية التملك وبالطبع الظهور بمظهر المالك

بخصوص المال المنقول :
حضرتك التوكيل هو عبارة عن توكيل بالبيع والشراء والمشتري حائز معه توكيل ابتدائي صحيح
واول قاعدة في اي كتاب مدخل قانون " الحيازة في المنقول سند الحائز "

وهضرب لحضرتك مثال بسيط :بخصوص المنقول بفرض ان هناك مالك للمنقول بعقد مسجل وباع لمشتري(أ) ولم يسجل أ العقد ثم قام (أ) ببيع المنقول لمشتري اخر (ب) ، فاراد (ب) المشتري الاخير تسجيل العقد ،
هنا يجوز له وبمنتهي البساطة تسجيل العقد بدون الرجوع لاول مالك للمنقول بعقد مسجل

بخصوص الاموال العقارية : قام (أ) بشراء عقار من مالك بعقد مسجل ولكن أ لم يقم بتسجيل العقد الابتدائي ،

وهنا حالتين : قيام (أ) ببيع العقار ل(ب) مشتري ، اراد (ب) تسجيل العقد ، هنا ( البيع غير صحيح ولا تنتقل الملكية ل(ب) لصدور العقد من غير مالك
الحالة الاخري ك قيام البائع ( الذي باع العقار الذي باع ل(أ) ولم يقم أ بتسجيل عقده بالبيع مرة اخري لمشتري اخر (ج) قام بتسجيل ملكيته قبل (أ)

هنا تنتقل الملكية ل(ج) لان القاعدة الاساسية في العقار ان الملكية لا تنتقل الا بالتسجيل

وفي هذه الحالة لا يحق ل(أ) سوي الرجوع علي المالك الاول بالدعوي المدنية

معلش استحملني شوية يا استاذ a_e
وكل الاحترام والتقدير لحضرتك ولرأيك:Wkiss5:

رد: نمر عربيتي ضاعت او اتسرقت
 

بالمناسبة انا احترمت حضرتك جدا جدا لما قولتلي هتراجع القانون وهترد عليا ( حضرتك ممكن تراجع اي كتاب في الملكية )
كامل الاحترام والتقدير لشخصك الكريم

رد: نمر عربيتي ضاعت او اتسرقت
 

معلش هو التعليق متاخر بس اهوه جة اليوم اللى احتجت فيه المعلومات القيمة ديه وحبيت اشكركم على المشاركات والحوار الراقى اللى استمتعت بيه شخصيا

وده رابط لموضوع عن نفس المشكلة ودعولى بقى احل المشكلة ديه يا لاقى النمر يا اطلع غيرها بسلام
ماذا تفعل عند سرقة اللوحات المعدنية - مصر موتورز مجتمع وسوق السيارات العربى