مصر موتورز مجتمع السيارات - عندي حجات كتير غلط في العربيه!!

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - عندي حجات كتير غلط في العربيه!! (https://www.masrmotors.com/vb/showthread.php?t=77432)

رد: عندي حجات كتير غلط في العربيه!!

اقتباس:

المشاركة الأصلية كتبت بواسطة almoez (المشاركة 598511)

متشكر جدا يابشمهندس تامر..

انا لسا مغير فلتز البنزين من حوالي 4 شهور كنت فاكر موضوع السحب منه..بس مطلعش للاسف

معلش هيا الطنابير دي البتاعه المدورة اللي فيها الفرامل ولا ايه اصل انا مليش في الميكانيكا نهائي..؟

وهل بوجيهات 3 شمعه تنفع تركب عندي ولا لا لأن اسمع لازم البوجيهات الاصليه؟؟

موضوع الصيانه انا جربت التوكيل مرة واحده بس مش مرتاح معاهم لانهم بياخدوا العربيه ومعرفش بيعملو فيها ايه ممكن يقوليلي عملنا كل حاجه واكتشف لا..

بس الديسك والاسطوانه دا لازم اغيرة في التوكيل اساسي بس انا خايف اقولهم يكشفوا عليه يقولو غير وهوا ممكن ميكونش بايظ ولا صعب الكلام دا يحصل اصل انا دايما بفترض سؤء النيه :sd: من خلال كذا تجربه بسيطه مع الصنايعيه :)

وشكراً

كويس انك غيرت فلتر البنزين بس كان لازم كمان تغير فلتر الهوا عشان مشكلة السحب اللي عندك جزء كبير من حلها فلتر هوا خصوصا لو عربيتك انجكشن

والطنابير هي فعلا البتاعة الحديد اللي فيها الفرامل اللي ورا ومن قدام اسمها ديسكات - والبوجيهات ال 3 شمعة كويسة بس اهم حاجة تجيبهم اصلي NGK او حاجة في نفس المستوي بس خلي بالك عشان المضروب مالي السوق

وغير الديسك والسطوانة عند اي ميكانيكي كويس مش لازم التوكيل والميكانيكية الكويسن كتير ومالين اسكندرية - لو انت من سكان ميامي او قريب فيه عندك اتنين

فيه واحد في اسكندر ابراهيم امام الاكاديمية البحرية بعد تقاطع جمال عبد الناصر وانت رايح علي سكة القطار علي اليمين

وفيه واحد تاني بعد ما تعدي شارع خالد ابن الوليد وانت جاي من علي البحر ادخل اول شارع يمين اسمة الدكتور اسامة معروف جدا هناك لو سالت علية

انا عن نفسي ارشحلك بتاع اسكندر انا جربت الاتنين في عربية جولف والاتنين كويسين بس بتاع اسكندر حنين شوية عن الدكتور

واي استفسار انا تحت امرك

رد: عندي حجات كتير غلط في العربيه!!

ومتنساش تغير سير الكاتينة وبليته انت بتقول عاملة 73000ك ومغيرتش حاجة فيها ومو 2004

رد: عندي حجات كتير غلط في العربيه!!

اقتباس:

المشاركة الأصلية كتبت بواسطة akerima (المشاركة 598557)

متشكر جدا حضرتك بس اظن الافضل لتوكيل في الديسك والاسطوانه ولا الموضوع مش صعب ؟

رد: عندي حجات كتير غلط في العربيه!!

اقتباس:

المشاركة الأصلية كتبت بواسطة tonsy1979 (المشاركة 598869)

ومتنساش تغير سير الكاتينة وبليته انت بتقول عاملة 73000ك ومغيرتش حاجة فيها ومو 2004

فعل لم يغير بس هل دا ممكن يهدي صوت الماتور؟؟

وهل هوا دا وقته انه يتغير؟

سؤال اخير سير الكاتينه دا فين اصلا؟؟ :(

ومتشكر جدا

رد: عندي حجات كتير غلط في العربيه!!

اقتباس:

المشاركة الأصلية كتبت بواسطة almoez (المشاركة 598942)

ميعاد تغييره لو اول مرة 60000ك وبعد كدة كل 40000ك علشان تبقى فى الامان مسئلة صوت الماتور ممكن عن طريق تنظيف البوابة وحساسات الايدل وكمان الرشاشات هتلاقيها فرقت معاك جامد غير فلتر الهواء كمان