مصر موتورز مجتمع السيارات - بونتو كلاسيك 2012 صربى ام لوجان كاملة 2012

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - بونتو كلاسيك 2012 صربى ام لوجان كاملة 2012 (https://www.masrmotors.com/vb/showthread.php?t=77222)

رد: بونتو كلاسيك 2012 صربى ام لوجان كاملة 2012

انا ممكن اكلمك عن مميزات اللوجان لاني امتلكها لما يقرب من سنتين وتقريبا عندي نفس ظروفك

1-الاعتمادية: الحمد لله لاتوكد اعطال من وقت شرائي لها وفيما عدا الصيانات الدورية لم اغير بها شيء الا طبعا القطع الاستهلاكية زي الفلاتر والبوجيهات وتيل امامي
2-عفشة العربية: من انعم العربيات اللي امتلكتها ولله الحمد انا غيرت كتير
3-(احساس شخصي) لاني كنت دائم امتلاك السيارات الالمانية فكان من الصعب جدا التغيير لاي انواع تانية لكن للاسف الالماني زيرو فوق مستوي امكانياتي وعند اتخاذ قرار شراء اللوجان كان في متهي الصعوبة لكن الحمد لله كان الاختيار موفق لما للوجان من شبه كبير بينها وما بين الالماني في الراحة والثبات والتماسك
4-توكيل محترم جدا (خصوصا لو انت من الاسكندرية) ومالوش في المراوغة وحركات العيال بتاعة كثير من توكيلات مصر
5-علو العربية عن الارض مناسب جدا لاي طريق وخصوصا لو الطرق سيء جدا والله ساعات بحس ان العربية دي اتعملت عشان الطرق المكسرة واللي عملوها معندهم شوارع مسفلتة
6-طبعا دا غير المساحة المهولة اللي مش حتصدق ان العربية دي تحويها الا لما تشوف وتجربها بنفسك

للاسف مقدرش افيدك عن البونتو لان عمري ما فكرت في الفيات عموما

رد: بونتو كلاسيك 2012 صربى ام لوجان كاملة 2012

اللوجان و البونتو حلوين و ممكن بروتون ساجا أوتوماتيك و سيدان و أير باج وثابتة و كل الأمكانيات الى عاوزها و بدأت تنتشر اليومين دول

رد: بونتو كلاسيك 2012 صربى ام لوجان كاملة 2012

:CHUBBY~36:

اقتباس:

المشاركة الأصلية كتبت بواسطة Eng.Ahmed Wagdy (المشاركة 600289)

يا باشا انت بتفكر في ايه
اللوجان 1598سي سي و البونتو 1242 سي سي
اللوجان 90 حصان موتور رينو ميجان 1 و البونتو 60 حصان (فرق التلت)
نظام الحقن اللوجان Multipoint injection و البونتو Singlepoint Injection
الوقت من 0 ~ 100 كم/الساعة اللوجان 11.5 ث و البونتو 14.3 ث
اللوجان فيها كمبيوتر رحلات و معدل استهلاك للبنزين و باقي كام ليتر بالضيط اما البونتو مافيش
البدلات في البونتو قريبه اوي من بعض
خامات اللوجان نظيفة جدا جدا بالمقارنة مع البونتو ,فالبونتو كأنك دخلت عربيه في بدايه التسعينات
اللوجان شكل جديد من 2009 اما البونتو شكلها من 2003 و هما بيغيروا في الفانوس الامامي بس

بعد كل ده سعر اللوجان 2012 full option ب 72 و البونتو ب 74 !!!!!!!!!!!!!!!

http://blogcarro.files.wordpress.com...gan_int_02.jpg
http://www.parts-specs.com/photos/02...assic-2006.jpg