رد: الداستر وأه من الداستر....يبدو أنها هي ولا شئ غيرها
 

ما شاء الله معلومات قيمة فعلا ربنا يبارك فيك أخي الغالي للمشاركة
هي المشكلة إني محتار فعلا زي ما حضرتك بتقول ما بين حاجتين مختلفتين خالص
عموما أنا محتار بين الداستر والأوكتافيا فقط
لكن القشقاي والكارينز وغيرها مش داخل دماغي خالص
هي فقط الداستر والأوكتافيا
هي الفكرة إن إحنا هنجيب حاجة زيرو وبصراحة أول مرة نشتري زيرو فمحتار بقى
بين الرفاهية في الأوكتافيا ولا الواقع اللي أنا عايش فيه مع الداستر

رد: الداستر وأه من الداستر....يبدو أنها هي ولا شئ غيرها
 

لا شكر علي واجب و يشرفني اني ارد ع سيادتك , معلهش انا كنت عايز اسأل حضرتك 6 اسئلة :
- حضرتك بتسافر كتير؟
- بتحب تمشي ع سرعات عالية ؟
- بتركب حضرتك في العربية عدد كبير؟
- مشاوير حضرتك معظمها في طرق غير ممهدة ؟
- يفرق مع حضرتك الدفع الرباعي ؟
- حضرتك بتفضل ان العربية تكون معدل تسارعها عالي؟
معلهش و اللة انا بحاول اساعد لان فرق السعر بسيط و ربنا يوفق حضرتك لما فيه الخير .

رد: الداستر وأه من الداستر....يبدو أنها هي ولا شئ غيرها
 

ربنا يبارك فيك يا رب
ولك جزيل الشكر على المتابعة الوافية والمساعدة في الإختيار وبالنسبة للأسئلة فهي فعلا في الصميم وهذه الإجابات عنها لعلها تسهل العملية بعض الشئ

- حضرتك بتسافر كتير؟
هو مش سفر بقدر ما هي مشاوير يومية كثير يعني بعمل بتاع 20 كم في اليوم في مشاوير متقطعة من المستشفى للبيت ومن البيت للعيادة وأوقات كثير في قريتنا ومن ثم لأرضنا الزراعية وطرق مكسرة لدرجة إني كل 3شهور بغير عفشة

لكن أحيانا ليست قليلة أيضا بسافر مسافات طويلة نسبيا100 إلى200 كم
تخيل أنا معايا عربية داتشيا97 وكل لما أحب أنزل القاهرة وأنا من سكان القليوبية يعني مش بعيد عن القاهرة لازم أخذ حد معايا زميل أو قريب لأني ببقى خايف جدا
للعربية تعمل معايا أي حاجة وياما حصل فنفسي في عربية أمشي بيها وأنا مطمئن من جهة الأعطال ومش قبل كل مشوار أشوف بني أدم يأتي معايا:w6w2005041113562663

- بتحب تمشي ع سرعات عالية ؟
سرعتى المعتادة100كم/س ومش بحب الجري

- بتركب حضرتك في العربية عدد كبير؟
غالبا أسرتنا 5 أفراد

- مشاوير حضرتك معظمها في طرق غير ممهدة ؟
معظم مشاويري في طرق الله وحده أعلم بسوئها

- يفرق مع حضرتك الدفع الرباعي ؟
جدا جدا

- حضرتك بتفضل ان العربية تكون معدل تسارعها عالي؟
نعم لأني أوقات كثير أحتاج لتجميع سريع وخاصة على الزراعي وكثير من مشاويري عليه


حضرتك عارف إيه مشكلتي
مشكلتي هي إني عارف إن الداستر أحسن لحالتي لكن الأوكتافيا هتطلع من عيني
لأنها فرصة شراء عربية زيرو كما إن بالإمكان شراء الأوكتافيا التي لطالما حلمت بها
منها لله الداستر طلعت لي في نصف الطريق
واللي مخليني مشتت أكثر هي إن عندي داتشيا 97 ممكن أخليها لمشاوير الفحت (لكنها بتخرب بسرعة وخاصة العفشة)وأخلي الأوكتافيا للمشاوير الطويلة
فالإختيار صعب فعلا

رد: الداستر وأه من الداستر....يبدو أنها هي ولا شئ غيرها
 

معلهش حضرتك الواحد بيغير رأيه من مرحلة لمرحلة تانية من حياته لان اكيد ان الاوكتافيا كانت حلم من احلام سيادتك , و لو مكنتش ظهرت الداستر عمر سعادتك ما كنت هتغير رأيك في قرار شراء الاوكتافيا و الظروف اللي سيادتك فيها ممكن تحدد اختيارك ليصب في مصلحة الداستر وده علشان الاسباب اللي حضرتك قولتها , وبالنسبة ليا انا كنت بحلم بعربية دفع رباعي حتي لو كانت نيفا و اما نزلت الداستر حققت لي اغلب حلمي في امتلاك عربية دفع رباعي قوية و موفرة في البنزين زي اغلب عربيات السيدان في نفس الوقت و حلال فيها الفلوس اللي ادفعت فيها .
بس لو حضرتك مبيفرقش معاك الكماليات اللي بتتمتع بيها الاوكتافيا فتوكل علي اللة و اشتري الداستر و خصوصا ان صالونها اوسع من الاوكتافيا بس سحبها اقل من الاوكتافيا و بعد كده اكيد هتقدر تستغني عن الداتشيا موديل 97 و مشاكلها الكتير و خصوصا ان الداستر ثابتة و متزنة في مشاوير السفر و انها مصفحة بالكامل من الاسفل فهتبقي امان اكتر لسيادتك و تقدر تعدي علي المطبات الجميلة في مصر من غير ما الشكمان يتخرم او تقلق من حمولة العربية لان حضرتك لو ركبت 10 افراد في العربية حضرتك مش هتحس بأي تغيير في السحب بعكس اغلب العربيات من نفس الفئة سواء ( التيجو1600- التريويس - الكارينز - الماهيندرا 1600) .
ربنا يوفق حضرتك لما فيه الخير و معلهش انا صدعت حضرتك و اي استفسار انا في منتهي السعادة اني ارد علي حضرتك .

رد: الداستر وأه من الداستر....يبدو أنها هي ولا شئ غيرها
 

انا متابع الداستر من زمن واقسم انها لا تقل عن الاكس تريل فى الجمال با اجمل واوفر فى البنزين وتوكيل رينو محترم انا اؤيد الداستر اكثر من اى عريبه تانيه ربنا يوفقك لما فيه الخير