مصر موتورز مجتمع السيارات - ايه المفروض اعمله علشان اغير وانا ماشى طواالى

مصر موتورز مجتمع السيارات (https://www.masrmotors.com/vb/index.php)

- صنى SUNNY (https://www.masrmotors.com/vb/forumdisplay.php?f=205)

- - ايه المفروض اعمله علشان اغير وانا ماشى طواالى (https://www.masrmotors.com/vb/showthread.php?t=73779)

رد: ايه المفروض اعمله علشان اغير وانا ماشى طواالى

اقتباس:

المشاركة الأصلية كتبت بواسطة elgdawy2007 (المشاركة 592784)

اقولك انا الكلام ده لو انت محمل ناس او حموله فى السياره وكنت طالع مطلع مثلا والمطلع ده عالى فلو السياره كانت مثلا على d وكانت سرعتك مثلا 80 كم فده بيكون حمل على الموتور عشان كده انت فى الحاله دى بتجيب الغيار رقم 2 فى الفتيس والغيار ده مسموح بيه لغايه 90 كم فى النيسان عشان يديلك عزم للموتور وكمان ميكونش حمل على الموتور ايضا فى حاله الوضع d غير كده لو المطلع مش جامد وكمان سرعتك معديه 90 كيلو يبقى تخليك على الغيار d افضل ولو كنت معاك ناس كتير فى السياره يبقى تلغى الاوفر درايف حتلائى اللمبه بتاعته نورت فى التابلوه عندك لغايه 100 كم وبعد متطلع المطلع تقفله عشان ينقل للسرعه الرابعه فى الموتور اما لو كنت مش محمل ناس فى السياره غيرك انت وواحد فقط فخليه شغال يعنى متلغيهوش طلما السياره واخده سرعتها وماشيه كويس مع الاحتفاظ بالوضع d طبعا اثناء السير اكتر من 90 كيلو فى المطلع

انا فاهم كلام حضرتك كويس جدا وكلو تمام
بس سؤالي مش في نقطة تعمل الحركة دي "امتى" او "ازاي"، انا سؤالي "ليه؟"
وعشان اوضح سؤالي اكتر، هستأذنك اني استخدم المثل بتاع حضرتك:

هنفترض اني ماشي 80 ومحمل ناس كتير على شارع عادي، العربية هتكون مثلا على التالت، ال RPM على 3000، وانا دايس الدواسة لحد النص ورجلي ثابتة على كده
جالي مطلع كوبري حاد شوية
طبيعي جدا اول ما ابدأ اطلع الكوبري العربية (ورجلي زي ما هيا على دواسة البنزين) سرعتها هتقل، ال RPM هايقع ويبقى 1500 مثلا، وطبعا لسة العربية على التالت

من تجربتي الشخصية، انتا في اللحظة دي لو دوست بنزين شوية كمان العربية بتسقط غيار لوحدها. بمعنى انك بتلاقي العربية نزلت للغيار التاني لوحدها، ال RPM بقى 3500 او 4000 مثلا، وبدأت سرعتك تزيد من تاني. والعربية مبترجعش للتالت تاني الا لما مطلع الكوبري ده يخلص او سرعتك توصل 90 او 95 (ساعتها الRPM هيبقى 4500 او 5 وقرب على الأحمر)

اللي انا عاوز اقوله ان دوسة البنزين الزيادة دي عملتلك كل الشغل، من غير ما تلعب انتا في عصاية الفتيس خالص، سواءا الأوفر درايف او الغيار رقم 2. يبقى ايه لازمته بقى؟

تقبل تحياتي،

رد: ايه المفروض اعمله علشان اغير وانا ماشى طواالى

الفكرة يا عبده إنك مش المفروض تخلي العربية تنقل على التالت على المطلع علشان مايبقاش حمل على الماكينة إنه يرفع قوة كبيرة (لو عربيتك محملة) وعلى ترس صغير فا بنقلك على الـ 2 بيضمنلك إنك ماتستناش الجير يفهم إنه كدة تعبان وينقل هوا على الـ 2 لوحده إنتا بتتصرف على إنك سيد الموقف.
ولما كان قصدي في المشاركة الي فاتت إنك مش عايز تمشي على التالت إنك بتحاول تريح الماتور بنقلك على ترس أكبر حتى يكون العزم أكبر (مع إمكانية السير على التالت مافيش مشكلة) بس زي ما إنتا بتقول لو لقيت العربية كركرت منك هتضطر تزود سنة بنزين علشان تنزلها على التاني طيب وليه من الأول لو إنتا شايف المطلع عالي والعربية تقيلة في الحركة أو إنتا قاطر حاجة مثلا زي مقطورة الأسلملك إنك تهدي سرعتك وتنقل على التاني من قبل المطلع.
وفي كل الأحوال نادرا جدا لما حد منا بعد مابيتعود على سواقة الأوتو بيبص على الجير أصلا والغيار الوحيد المستخدم أثناء السير بكل ظروفه هوا الـ D.

رد: ايه المفروض اعمله علشان اغير وانا ماشى طواالى

اقتباس:

المشاركة الأصلية كتبت بواسطة dr_eslam_66 (المشاركة 599338)

الله ينور عليك
يعني الموضوع ببساطة شديدة ان حركة دوسة البنزين بتاعتي دي بتأذي العربية والاحسن اني اعملها بأيدي انا من الأول عن طريق تسقيط غيار
كلام زي الفل
بس انا ما زلت بردو من المعارضين للموضوع :biggrin: عشان بصراحة شفت ناس كتير بتسخدمو بطريقة غبية ويوصل العربية لحد 5000 RPM والعربية بتبقى بتصوت وهتموت على الغيار الأعلى، وهو يقولك لأ اصل كده احسن عشان المطلع، لغاية ما كرهوني في الحركة دي

والف شكر على التوضيح