مصر موتورز مجتمع السيارات - دلونى لانها عجبانى

مصر موتورز مجتمع السيارات (https://www.masrmotors.com/vb/index.php)

- جاك JAC (https://www.masrmotors.com/vb/forumdisplay.php?f=144)

- - دلونى لانها عجبانى (https://www.masrmotors.com/vb/showthread.php?t=73750)

رد: دلونى لانها عجبانى

اقتباس:

المشاركة الأصلية كتبت بواسطة د.كمال (المشاركة 569987)

الجاك b15 من اسبوعين كان تمنها 82 الف والعربيه خاماتها متغيرتش من يوم منزلت حتى الان ......ومنزلش منها اتوماتك .
والاخ إللى بيقول خاماتها رديئه وتقفيلها سيئ .....الظاهر شاف عربيه تانيه غير الجاك . .

ياجماعه واحده واحده عليا . تمنها 84 الف والا82 الف كتيرعليها ..خامتها رديئه والامتوسطه . توكيلها ضعيف . وايا ما كان تقفيلها ............ بعد الخناقه دى بناقص من دى عربيه .

رد: دلونى لانها عجبانى

اقتباس:

المشاركة الأصلية كتبت بواسطة amada (المشاركة 570095)

بغض النظر عن قرارك النهائى الى ذكرتة

انا بس اتمنى من اعضاء جاك يعودوا لسكونهم تانى لان بصراحة اى حد بيخش يقول اى كلام وهو لا شاف العربية اصلا ولا ركبها
محسسنى ان احنا الى مش راكبين العربية
العربية بقالها معايا سنة ونص ومغيرتش قطعة واحدة من العربية وعاملة 25 الف كيلو للاخ الى دخل الاسبيرانزا فالموضوع
قرار شراء اى حد للعربية ميتوصفش بالساهل كدة
دة انا عربيتى معملتش معايا اى حاجة واقسم بالله مطلع عينيها فمطبات وسفر ونقر وشوارع زى الزفت ومشتكتش وعمرى ما قلت ولا هقول لحد انصحك بكذا
تخيل لو نصحتة بحاجة وطلعت مش عجباة تتحمل دعوة واحد؟؟؟؟؟؟؟
لكن بكل بساطة بنقول انصحك بكذااا !

واستاذ احمد معدى ال 60 الف كيلو ومغيرش حاجة برة العربية غير بلى العجل
وكل ملاك العربية الكرام تكاد تكون الشكاوى مبسطة
لكن اة الوكيل ضعيف انا مقلتش حاجة
لكن اى حد يخش يفتى ويقول خامات رديئة
وواحد يرد يقول مقبولة
بقيت حاسس انهم بيتكلموا عن عربية لا املكها
وبنفضل ساكتين ساكتين ونرجع مع اول موضوع نلاقى ناس تخش تقول اى كلام الى يكلم عن السعر والى يكلم الخامات الرديئة!!!!! رديئة!!!! رديئة ازاى طبلوة جلد وفرش جلد وصاج محترم لعربية ب 80 الف جنية
امال الدايو خاماتها تبقى اية؟؟؟؟ ولا الشفورلية افيو ودى شخصيا كانت معايا
بجد الواحد بقى بيخش هنا يتحرق دمة وبس لناس بتكتب كلام لا تعى معناة اصلا
عموما اتقوا الله فى كلامكواا

رد: دلونى لانها عجبانى

اقتباس:

المشاركة الأصلية كتبت بواسطة odaoda (المشاركة 570115)

طبعا شاكر جدا لحضرتك هذا الجهد علشان توضحلى الحقيقه . لكن فيه نقطه مهمه جدا وهى انى لما فكرت فى العربيات الصينى ضحيت بحاجات مهمه منها سعر اعاده البيع وانى هجازف وممكن ارجع اندم بمعنى انى ضحيت براحه البال .المهم طبعا فكرت فى اسبرانزا وذلك لانها الاكثر انتشارا واللى زى الناس مابيغلبش . وكمان علشان هى فى الرينج اللى انا محدده (70 الف) وبصراحه ماكنتش اعرف الجاك وماشفتهاش قبل كده .وبعدين شفت عربيه سودا فخمه عليها علامه النجمه فسالت صاحبها فشكرلى فيها عالاخر وقالى انها صبنى .صينى!!قالى اه بس احسن من اليابانى . جه فى بالى مادام صينى ومش معروفه اكيد رخيصه ومدام الراجل بيشكر فيا للدرجادى ايه المانع انى اجيبها . منها حاجه فخمه وجيده ومحدش يعرفها ورخيصه ..واتفاجئت لما قاللى انها ب76 الف ... وقلت اكيد دى عربيه فالته وعدم انتشارها ان ممكن تكون لسه نازله ومخدتشى وقتها...وبدات ابحث وبصراحه مالقتشى منتدى مهتم بيها الا هذا المنتدى المحترم ..وكانت الصدمه الاولى ان لقيت سعرها 82 او 84 الف والتانيه تناقض الاراء حولين العربيه دى .المهم مهما كانت حلوه الاربعه وتمانين دول دخلونى فى حسبه الجبن تو والاوبترا زيرو .والانسر والكرولا المستعمله استعمال خفيف ...وبصراحه عربيه صينى بالتمن ده وملهاش دعايه ؟؟؟. امال الناس هتشتريها بناءا على ايه !!! مع احترامى لكل ملاك العربيه ...تمنها دخلنى فى حاجات تانيه اامن وان لم تكن افضل على اسوا الفروض .

رد: دلونى لانها عجبانى

حضرتك انا ردى لم يكن موجة لشخصك ابدا والله
انا عارف قرار شراء عربية صعب ازاى انا كلامى كان موجة لاشخاص يتحدثون بالباطل ولم يستخدمو العربية اصلا
وحضرتك بتقول لقيت العربية عليها اختلاف (الاختلاف دة من مين ؟؟؟؟ ) واراء متباينة !!!!!!!!!
فى هنا فالمنتدى اكثر من 10 ملاك للعربية ممكن تسالهم واحد واحد ونشوف الاختلاف دة
هو دة الى انا بكلم فية ان الاختلاف الى صور للبعض من رواد المنتدى جاى من ناس مستخدموش العربية
طب بيخشوا ويفتوا لية فالى مستخدمهوش اصلا
وبلنسبة لموضوع عربية اامن فاختبار امان البى كلاس على المنتدى هنا حضرتك تقدر تشوفة
اخر شئ بس
انا لو مكانك ومعايا 84 الف اولا مش هفكر فمانويال وخصوصا لو مدينة زحمة فكر فاى حاجة اوتوماتيك
انا الى شدنى للجاك وسعها الداخلى وجودة خامتها مقارنة بفئتها لانى محتاج عربية واسعة
حاول تشوف حاجة اوتو كويسة وبارك الله فيك وفالعربية الى هتشتريها بأذن الله وتكون احسن من 100 :GROWIN~12::GROWIN~12::GR OWIN~12:جاك:GROWIN~12:

رد: دلونى لانها عجبانى

إحنا بنكتب هنا فى قسم الجاك وبنرد على أى حد محتاج سؤال أو إستفسار عن العربيه بصرف النظر عن إنه هيشترى العربيه ولا لأ .....سواء إشترى أو مشتراش مش هيحط فى جيبنا حاجه
أنا بقول كده برد على الناس إللى بتخش تفتى وتيجى من أقسام تانيه عشان تشكر فى عربياتهم ....طب إحنا ملاك الجاك عمر محد فينا دخل على أى قسم تانى وراح مشكك فى عربياتهم ونطلع العيوب إللى فيها ونقعد نشكر فى عربيتنا .....بالعكس لو واحد فيهم إشترى عربيه بنبارك له ونهنيه وعمرنا ماقلنا لواحد متشتريش العربيه دى وتعالى إشترى عربيتنا .........بصراحه حاجه تجيب غثيان .