مصر موتورز مجتمع السيارات - أنا كرهت جاك بسبب توكيلها ,, اللي عنده شكوى منهم يا ريت يكتبها هنا

مصر موتورز مجتمع السيارات (https://www.masrmotors.com/vb/index.php)

- جاك JAC (https://www.masrmotors.com/vb/forumdisplay.php?f=144)

رد: أنا كرهت جاك بسبب توكيلها ,, اللي عنده شكوى منهم يا ريت يكتبها هنا

الاخ احمد ......أنا معاك تماما إن التوكيل سيئ فى عدم عمل دعايه للسياره وسيئ فى غلاء سعر السياره .
أما بالنسبه لخدمه السياره وعمل الصيانه والإصلاحات فأختلف معك تماما
وأنا هنا أتحدث عن التوكيل الموجود فى القاهره وليس توكيل الاسكندريه
فكل الذين قابلتهم فى التوكيل فى 6 اكتوبر لم يشتكى أحد من الخدمه والصيانه والاصلاح وكل الشكوى من الزحمه والتأخير فقط .
أما بالنسبه لقطع الغيار فجميع قطع الغيار موجوده فى التوكيل فى القاهره وهذا أنا تأكدت منه بنفسى أخر مره من شهرين فى التوكيل وكل قطع غيار السياره موجوده وسألت عليها مندوب البيع المسؤل عن المخزن وقضيت معاه حوالى ساعه على شباك المخزن أسأله عن قطع الغيار وشاهدت كل شيئ للسياره موجود .......فلو حضرتك محتاج أى حاجه ياريت تنزل القاهره وتجيبها وتركبها فى التوكيل وتريح دماغك من توكيل الاسكندريه .
أما بالنسبه للعيوب الموجوده عندك فهى غيرموجوده عندى ولا عند أى حد ممن قابلتهم بصراحه ومستغرب إذاى التابلوه بيطلع صوت فى المطبات .
أنا أعتقد إن عربيتك بالعيوب دى إللى ظهرت منها المسؤل عنها توكيل الاسكندريه (أعتقد إن العربيه معيوبه من يوم مانت إشتريتها ) فياريت متسكتش وتاخد حقك منهم وإنت راجل محامى وتعرف تتصرف .
أما بالنسبه للأخ إللى بيقول ياريت الإداره تلغى قسم الجاك .....أقول له ياريت متكتبش فى القسم تانى وتريحنا وترتاح واعتبره مقفول .

رد: أنا كرهت جاك بسبب توكيلها ,, اللي عنده شكوى منهم يا ريت يكتبها هنا

اقتباس:

المشاركة الأصلية كتبت بواسطة د.كمال (المشاركة 529729)

أزيك يا دكتور عامل إيه

على فكرة أنا من القاهرة و كل اللي حكيته و اللي محكيتوش كان في القاهرة في أبو رواش
و المراية اللي مش موجودة و الراجل اللي كان بيسأل على علبة الدريكسون و ملقهاش كان في القاهرة وأنا مرحتش أي توكيل غير أبو رواش

رد: أنا كرهت جاك بسبب توكيلها ,, اللي عنده شكوى منهم يا ريت يكتبها هنا

هو بالعقل معقول هيكون فيه فرق فى الخدمه وتوافر قطع الغيار للدرجادى بين فرعين لوكيل واحد !!!!!!!!!!!اكيد مستحيل ..والمفروض انه يهمه سمعته فى اسكندريه زى القاهره ولو كان فيه فروق بتكون بسيطه ومؤقته ..مش زى البلاوى اللى ينسمع عنها دى ..انا ملاحظ ان فيه اتجاه لبعض الاخوه مالكى جاك يهدف لتحسين صوره التوكيل بخلاف الحقيقه حرصا على سمعه ومستقبل السياره...واعتقد ان هذا الاتجاه سوف يضر بالسياره و مالكيها ويصب وقتيا فى مصلحه الوكيل المستهتر وسوف يقضى فى النهايه على مستقبل السياره .

رد: أنا كرهت جاك بسبب توكيلها ,, اللي عنده شكوى منهم يا ريت يكتبها هنا

اقتباس:

المشاركة الأصلية كتبت بواسطة mms (المشاركة 529959)

احزننى جدا ردك
شخصيا براعى ربنا فردودى لاى حد بيطلب المشورة
عيب اوى الكلمة دى يا استاذى لان اولا يروح الوكيل فداهية بس الواحد ميخدش دعوة وحشة من حد وكما تدين تدان
مستاء جدا .........

رد: أنا كرهت جاك بسبب توكيلها ,, اللي عنده شكوى منهم يا ريت يكتبها هنا

اقتباس:

المشاركة الأصلية كتبت بواسطة odaoda (المشاركة 529961)

اولا انا اسف اذا كانت فكرتى وصلت لحضرتك غلط انا لا اقصد اطلاقا ان حضرتك او باقى الاخوه ملاك السياره بتغيروا الحقييقه ...ابدا .....انما اللى قصدته ان فيه حرص من ملاك السياره المحترمين على عدم تنفير الناس من السياره بسبب اشياء تبدو من وجهه نظرهم ليست خطيره وبخاصه ان السياره جيده ...لكن بصراحه من وجهه نظرى ان الوكيل بينتقل من سيئ الى اسوا...وبدا الامر برفع سعر السياره بشكل غير مبرر اطلاقا مع اهمال شديد للدعايه ثم اهتمامه بتوزيع ماركات اخرى ثم اهماله فى توفير قطع الغيار ...وتنصله شيئا فشيئا من الضمان بان وضعله شروط تفصيليه وقصر مدته بالنسبه لاجزاء كتير فى السياره حتى اصيح بلا معنى ..اتمنى ان الصوره دى توصل لحضرتك...ومره تانيه اسف على سوء التعبير منى ...وكل التوفيق لحضرتك ولجميع مالكى السياره .