مصر موتورز مجتمع السيارات - بنزين 80- 90- 92- 95 ايهما تفضل

اكيد العربيات القديمه وبردو اللى اسعار قطع غيارها رخيصه وسعر الماكينه المستعمله وطلمبة البنزين رخيصه يبقى احسن حاجه ليها ال 80

لانك ممكن تحسبها ما بين فرق سعر ال 80 وال 90 وحجم التوفير اللى ممكن تعمله فى خلال سنه مثلا حسب استهلاكك

يعني مثلا لو استهلاكك 3000 كيلو فى الشهر
لو بتحط بنزين 80 هاتدفع حوالى 250 ج شهريا بنزين
انما لو بتحط 90 هاتدفع حوالى 450 ج شهريا

وبكده تكون بتوفر شهريا 200 ج يعني سنويا 2400 ج
اعتقد انك بعد سنتين ممكن تعمل عمره كامله للعربيه بمبلغ ال 4500 ج فى العربيات اللى ارخص من 40 الف

اما لو عربيتك 70 الف فما فوق يبقى حرام عليك تبهدلها بال 80 ويكون افضل حاجه ليها 92

وانا عن نفسي معايا سبيرانزا 516 موديل 2011 وفى اغلب الوقت بحطلها 92 واحيانا 90 وبرغم كده مش متظبطه معايا
فما بالك لو حطتلها 80 :cry2W9: