المشاركة الأصلية كتبت بواسطة mar mar (المشاركة 506990)

اهلا بيك في المنتدي
شكرا علي التقرير الرائع ده ROSE4UROSE4UROSE4U

المشاركة الأصلية كتبت بواسطة dr.wael7yran (المشاركة 506958)

الفلوانس عروسة جميلة
و انا لو معايا اجيبها و انا مغمض
لان اللي بينافسها في سعرها الالنترا الشكل الجديد و الكروز و الهوندا سيتي و المازدا 3
و اكيد هي تكسب
تسلم ايدك على الموضوع :GROWIN~12:

المشاركة الأصلية كتبت بواسطة MBedair (المشاركة 506966)

كويس يعني بمعدل اد ايه ؟ اصل الميجان بعد ٣ سنين بتتباع بنص الثمن تقريبا

المشاركة الأصلية كتبت بواسطة prime_prime97 (المشاركة 506271)

رينو فلوانس نزلت مصر فى شهر 5 2010 و هى عربية جميلة
الموتور :
1.6 16v 110hp (manual 5 speed ) , 105hp (auotmatic teptronic 4 speed )

و الموتور بتاعها كويس و بيبقى سحبها تقيل لمل يكون محمل عليها 4 افراد لكن السحب مابيتأثرش بالتكييف
top speed :185km M/T -180km A/T

الشكل الخارجى :
شكلها من برة جميل جدا و ابعادها كبيرة
Length:4618 mm
Width:1808 mm
Height:1478 mm
Wheel Base :2700 mm

و شنطتها واسسسسسعة 530L
و دة مقاس العجل :
R15/65/205
205/60/R16(جنط سبورت )
و طبعا فى الاول محدش بيعرف يسوقها عشان ابعادها لكن بتيجى بالتعود و على فكرة العربية محتاجة باركينج سينسور مش موجود غير فى الهاى لاين و بيتركب فى التوكيل و بيتركبلة شاشة عشان تعرف وراك اد اية بالخطوط (مش كاميرا )
و خزان الوقود كبير 60L يمشيك حوالى 640كم و استهلكها فى البنزين كويس
الشكل الداخلى :
شكل من جوة تحفة و تقفيلها اكتر من ممتاز العدادات واضحة و فيها كمبيوتر
و فيها دراع ورا الدركسيون بتتحكم فى بكل وظائف الكاسيت و الكاسيت لى شاشة لوحدوا فوق
تكييفها كويس (احسن من الميجان ) و العربية واسعة جداااااا من جوة ورا و قدام
عوامل الامان :
طبعا فيها ايرباج ABS ,EBD ,BAS ,2 و دة كلة اساسى غير ان الهاى لاين فيها 6 ايرباج
طبعا ثبات العربية اكتر من ممتاز و دة المعروف عن اى عربية اوروبى و العربية ثابتة حتى على ال 180 و الميجان 3 واخدة 5 نجوم فى اختبار الامان (الميجان 3 هى هى الفلوانس )
مشاكلها :
فى رعشة مابين الاول و التانى و دى لسة ملهاش حل
عوامة البنزين و دة كان سببة ان البنزين بتاعنا الكبريت فى نسبتة اعلى و دى اتحلت خلاص بعوامات جديدة تتناسب مع البنزين
المساحات كانت بتتقطع بسرعة و دة كان عيب فبها و بتتغير بنوع احسن 300جنية فى فرنش موتورز
ضمانها 3 سنين او 100,000 كم ايهما اقرب و الصيانة تبدى من ال 5000كم و كل الصيانات الفردى زى ال 5000 و15000و25000 ....الخ كلها ببلاش
و البوجيهات بتتغير من اول ال 20,000
التوكيل بتاعها كويس جدا و طبعا قطع غيارها غالية لكن كل العربيات الاوروبى فى نفس الفئة قطع غيارها غالية و دى اسعرها :

Fluence M/T authentic 122,000>E1
A/T authentic 132,000>E2
A/T dynamic 142,000>E3
A/T dynamic +sunroof + rear parking sensors 150,000>E3S
A/T dynamic sunroof +rear parking sensors +xenon lights (high line) 167,000>E3HL


يارب يكون الموضوع عجبكوا مستنى ردكوا و تقيمكوا