|
رد: انقذوا اطفال الصومال
جميل جدا اننا نساعد البلاد العربية الاسلامية ولكن الأجمل اننا نبدأ بنفسنا، ولو نزلت منطقة زي منشية ناصر أو الدويقة صدقني هتلاقي مناظر أسوء من الصومال بكتير، ده غير ان عندك جهات كتير اوي في مصر تستحق التبرع بأموال الزكاة زي مستشفى 57 وحاجات غيرها كتير لكن موضوع الصومال ده واخد أكتر من حقه اليومين دول بسبب الدعاية والحملات الاعلانية اللي خلتنا نشوف الصور دي، لكن فيه جهات مصرية لا تملك حتى ثمن الدعاية... أفتكر انها أجدر بالتبرع من اطفال الصومال... شكرا على طرح الموضوع
|
رد: انقذوا اطفال الصومال
ولا حول ولا قوة الا بالله العلى العظيم........ حاجة تحزن والله........ علشان الناس تعرف ان احنا فى نعمه.........
الحمد لله رب العالمين الحمد لله والشكر لله >>>الى كل من يقرا هذا الرد احمد ربنا على الى انت فية |
رد: انقذوا اطفال الصومال
ونعم بالله يا جماعه
وكلامك علي رأسي من فوق بس لو انت مثلا ناوي تطلع زكاتك 100 جنية خلي 80 جنية للاقربون و 20 لاطفال الصومال فعلا الناس دي مفيش عندهم اكل خاااااااالص علي الاقل الناس الفقيرة اللي هنا ممكن يأكلوا في مؤائد الرحمن او من اقاربهم لكن هناك العملية في الضياع اللهم بلغت اللهم فاشهد |
التبرع لصالح الصومال
وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا- المائدة 32 <o:p></o:p>للتبرع بنك مصر 101 / 1/18810 بنك فيصل 212051 سوفت كود FIEGEGCXCAI البنك العربى الافريقى 555600 سوفت كود ARAIEGCX البريد المصرى 148741 بجميع الفروع القاهرة : 42 شارع القصر العينى - دار الحكمة المعادى : 3 ش المشتل كورنيش المعادى من داخل القاهرة : 0104002121 -0104400045 - 0111116808 للتبرع من <?xml:namespace prefix = o ns = "urn:schemas-microsoft-com:office:office" /><o:p></o:p> الاسكندرية : 0100545152 مدينة نصر : 24019369 للتبرع من خارج مصر : fund@amueg.comمواقع اللجنة على الشبكة الدولية "الانترنت " www.amueg.com<o:p></o:p> http://www.youtube.com/watch?v=-x_C_FIi1g0 |
لية مفروض نتبرع للصومال ؟
رزقنا الله واياكم بركة هذا الشهر الذي قارب علي انتهاء ايامه وتقبل الله منا ومنكم صالح الاعمال وبلغنا ليلة القدر بفضله وتقبلها منا امين ماذا لو قلت لكم انني في ازمة شديدة واحتاج الي مساعدتكم كاي فرد منكم في هذا المنتدي الجميل سيكون رد الفعل موافقا للحديث التالي القائل المؤمن للمؤمن كالبنيان يشد بعضه بعضا طيب معلش انا هقولك انا ابقي لكم اية انا اختكم وفقط انني امر بازمة فكيف بكم اذا قلت لكم ان لي اخوة سيموتون جوعا لا علي فكرة مش هيموتو لأ دول بيموتو فعلا فين؟ في الصومال يا ستي طب ما احنا عندنا كل واحد مشاكل وفي اللي مكفية احكيلك عن عربيتي اللي عاملة حادثة ؟ ولا قريبي اللي مفروض يعمل عملية وعايز فلوس ولا اقولك عن الشقة اللي بحوش عشان اشطبها ؟ طيب معلش لحظة انت واخد بالك انا بقولك اية؟ اخواتك بيموتوا عشان مش لاقي اكلة او شربة احكي بتفصيل اكتر الام لما بتلاقي اكل بتفكر تختار مين من ولادها تاكله عشان الباقي هيموت؟ النازحين من جنوب الصومال للعاصمة ليحصلو علي الطعام انت عارف مفيش هناك مخيمات ملهومش بيوت عارف بتعمل بيت باية؟ اعواد من الشجر تضعها في الارض لعمل قبة تنصب عليها قطعة قماش لتكون لها سكن يا ستي في ناس كتير مبتشتغلش اصلا ومش لاقيين ياكلو هم كمان ايوة بس انت لو متعشتش هتفطر بكرة ولو مفطرتش هتتغدي لكن هو لو مفطرش هيصلو علية الجنازة علي معاد الغدا !!!!!! قال تعالي ومن احياها فكانما احيا الناس جميعا ما نقص مال من صدقة اللي عند ربنا مش بيضيع! غفر الله لبغي لانها سقت كلب ! غفر الله لها بهذه السقية لكلب فما بالك ببشر, ما ذا اعد الله لك باحيائه! وعلي فكرة المسؤولية مش عليك انت وبس لا روح لجيرانك وقرايبك وحاول معاهم لا معلش مش حاول لا خليك رخم!!! احكي عن اخواتك واستشهد بالايات قوله بلاش معطر الجو الشهر دة (اللي ب10 جنية) مشكلتنا هنا في مصر اننا مش حاسين بيهم وصل انت بقي الاحساس دة للي حواليك ولم فلوس وتاكد انك ليك علي كل جنية بتلمه اجر عظيم ومتخافش مش هيوقولو عليك الريان ولا حاجه وهتاخد الفلوس وتجري! عارف لية لانك مخلص نيتك لله ولا تريد منهم جزاء ولا شكورا وصدق النوايا سيبلغك الغاية وانت في احسن صورة (صدق الله فصدقه الله) يتبع،،،،، |
| الساعة الآن 11:54 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017