مصر موتورز مجتمع السيارات - هل فى إنذار يعمل كده؟

اقتباس:

المشاركة الأصلية كتبت بواسطة tham1010 (المشاركة 482550)

أنا شاكر لكل من قام بالرد....

نلخص ما فهمته حتى الان

1- كل الأنذارات بتعمل المطلوب من السؤال وممكن العربية تدى إنذار بمجرد اللمس

2- تعلية حساسات العربية يكون لها أثار سلبية لان الإنذار هيفضل يضرب على كل حاجة حتى ولو كانت عربية عابرة بجانب سياراتى...

3- الحكاية عوزة تزبيط للحساسات بمعنى أنها لا تكون عالية على الأخر وكذلك لا تكون منخفضة جدا بحيث العيال تلعب عليها ماتش ملكمة والعربية مش تضرب إنذار...

** ممكن أسألكم سؤال/// ممكن ترشحولى نوع من إنذار يكون طيب وأبن حلال وموثوق فيه وفى صوته العربية تحت بلكونة البيت مباشرة وانا ساكن فى الدور الثانى يعنى نقول اقصى بعد يكون حوالى 50 متر لو حططتها فى ابعد نقطة. اعتقد كلكم مركبين إنذار..كذلك ممكن تقولوا لى مصنعية تركيب الأنذار لان مليش خبرة خالص يعنى الكهربائى لو قالى هات 200 جنية هدهيملوا

... متشكر ثانية لكل من رد على...

والله يا باشا النهارده كتبتلك مشاركة طويلة هنا بس وانا ببعتها النت فصل وراحت :08da300846c84943ae1

المهم .. انا لسه من كام يوم جايب انذار سباى ب 155 جنية .. وده انذار جميل وعملى جدا .. وماركة سباى تعتبر احسن ماركة موجوده فى السوق ..

- النوع اللى جبته ريموت مفتاح .. ولفيت بورسعيد كلها علشان الاقى ريموت مفتاح شكله يعجبنى لان اشكال المفتاح قليلة اوى ..

لكن الريموت الميدالية اشكاله بالهبل ونقى زى ما انت عاوز ..

- لو انت اصلا معندكش ريموت فبريكة يبقى انصحك بالريموت المفتاح افضل واشيك .. بس هتضطر توديها لبتاع مفاتيح يركبلك مفتاح فى الريموت ..

- مصنعية تركيبه 40 - 50 جنية فى الرينج ده ..

- كمان فى موديل من سباى فيه زرار منفصل لفتح الشنطة (هيفيدك علشان الشنطة بتفتح من بره) وهتلاقيه برضو بنفس السعر ..

- الاسعار اللى قابلتها كانت ما بين 150 و 170 .. نفس الجهاز بس اختلاف المكان فقط ..

- السرينة صوتها مش عالى اوى (السرينة اللى بتدى 6 نغمات دى) .. انا اصلا مركبه علشان الفتح والقفل عن بعد ووحده رفع الزجاج بس .. يعنى ميهمنيش الانذار اوى ...

- حاول تخلى الكهربائى يثبت السنسور فى اى حته صاج فى العربية علشان يبقى حساسيته اكبر ...

- ممكن تشغل السرينة من الريموت لو عاوز تبعد حد من على العربية مفيش مشاكل ...

يا رب يا باشا اكون قدرت افيدك كويس .. واى استفسار انا تحت امرك فى اى وقت ..