رد: هيونداى I10 ولا فيرنا فيفا ولا رينو لوجان ؟؟
 

السلام عليكم
بصراحة انا عندى نفس مشكلتك تقريبا مع فرق ان انا عندى عربية 128 لازم ابيعها الأول وأزود عليها عشان ادفع مقدم عربية كويسة
انا رأيى لو تقدر تدفع مقدم كبير شوية والباقى بالطريقة دى يقل و فوايده تقل عليك لأن المستعمل برضه مقرف مهما كانت العربية كويسة لأنك فجأة بتلاقى نفسك وراك مشوار مهم والعربية تعطل و تعطلك لأنك هتبقى اتعودت عليها بالكامل وخاصة لو الجو حار ومعاك اسرتك فى عز الشمس وآه بقى لو على المحور أو الدائرىptmnlo123per144
وحاول تفكر برضة فى عربية ارخص شوية زى البرايد الايرانى الجديدة لأن الناس بتقول عليها كويسة و انا شخصيا ناوى اشتريها بعد ما ابيع اللى معايا
كمان نقطة مهمة انك لو جبت مستعمل هتلزق لك ومش هتعرف تبيعها بسهولة اليومين دول الا اذا قدمت تنازلات كبيرة فى تمنها وساعتها هتحتاج مبلغ اعلى عشان تدفع منه مقدم عربية جديدة لما تيجى تجدد
يعنى الخلاصة هات حاجة جديدة على قد امكانياتك ما تزنقكش فى الفلوس وخاصة انك متجوز ووراك مصاريف
وخلى بالك من حاجة : لو دلوقتى القسط 1000 جنيه , السنة اللى جاية الألف جنيه دى مش هيبقى لها نفس القيمة يعنى مش هتبقى خسران قوى بس المهم اشترى راحتك وراحة عائلتك
ربنا يوفقك بس ابقى قول لنا عملت ايه

رد: هيونداى I10 ولا فيرنا فيفا ولا رينو لوجان ؟؟
 

هو ده نفس رايى خصوصا ن العربيه دى عجبانى وامكانياتها كويسه على حسب ما سعمعت وسعرها برضه فى المعقول
يعنى لو حبيت تجيبها تقسيط هتبقى كويسه اوى معاك
بس بالنسبه لامكانيات العربيه بالظبط وقطع غيارها دى مش بفهم فيها

بس ياريت لو حد يعرف يقولى عشان دى اول اختيار ادامى لو حبيت اشترى عربيه
ptmnlo123per1127

رد: هيونداى I10 ولا فيرنا فيفا ولا رينو لوجان ؟؟
 

انا راى ان كنت مش عاوز عربيه اوتوماتيك يبقى اللانوس انسب من كل النواحى

اللوجان تكسب
 

اللوجان سيارة عملية قوية اعتمادية ثبات محترم واساسيات قوية أمان مرتفع ماتور قوى قطع غيار اسعارها معقوله ولسه هاترخض اكثر لان العربية عليها طلب كبير وبالحجز والاستلام بعد ثلاثة شهور وكماليتها ممتازة من الاخر عربية سعرها فيها وطبعا مفيش مقارنة بينها وبين الانوس ده واحد عايش فى فرنسا بيقول ان سعرها قديمة اكثر من سعرها جديدة لان الجديد فى حجز لمدد طويلة
من الاخر العربية ديه اثبتت كفاءة فى الدنيا كلها وبتتصدر لدول اوربا ومنتشرة انتسار رهيب فى الخارج والمصانع مش مكفيه انتاج كل ده حجات بتقول ان ديه عربية كويسة وبعدين فى نصيحة مهمة دايما اسأل الى راكب العربية عنها

رد: هيونداى I10 ولا فيرنا فيفا ولا رينو لوجان ؟؟
 

لوجان افضلهم