رد: ارجوكم افيدونى فى تغيير زيت الفتيس فعلا رايكم هيفيدنى جدا
 

انت اللى محير نفسك ، الناس بتلخصلك خلاصة تجاربهم وانت تاخد برأى الاغلبية واحمد ربنا لأن غيرك ساب نفسة للصنايعية وملقيش حد ينصحة ، تغير الزيت زى الكتالوج 85/90 شل اسمة كدة او موبيل اللى يريحك فى النوعين المهم تغيرة ، وتغيرة وهى ::باردة ودى خلاصة تجارب الناس اللى غيرت زيت كرونة او فتيس والعربية سخنة والنتيجة ونة فى التروس نتيجة اختلاف درجة حرارة المعدن ، انت عارف التروس بتاعة الفتيس دى حرارتها بتوصل لكام؟ مش اقل من 90 او 100 درجة مئوية وتعالى انت بقى نزل الزيت فجأة ويدخل الهوا بارد على التروس يخليها تنشف وبعدين تحط زيت بارد وبعدين تمشى بالعربية اوتوماتيك التروس تخشن 00 والرأى الاخير لك
والكمية اتنين لتر وربع تقريباً حسب الكتالوج ولازم تشوف بنفسك الزيت وهو بيسيل من الطبة علشان ميبقاش ناقص ولا زايد وربنا يوفق

رد: ارجوكم افيدونى فى تغيير زيت الفتيس فعلا رايكم هيفيدنى جدا
 

اشكر حضرتك وفعلا افضل منتديات للسيارات وربنا يجزيك خير وكل اللى ساعدونى انا هتوكل على الله واغيرة انهاردة وهقولكم الونة راحت ولا اية واحساسى بالتجديد

رد: ارجوكم افيدونى فى تغيير زيت الفتيس فعلا رايكم هيفيدنى جدا
 

انا رحت التوكيل وقالى انى الزيت اللى موجود 80w\90
موبيل لون الجركن ابيض
والغريب انة قالى لازم يتغير وهو سخن وعندى طبة صغيرة تتفك الزيت ينزل كلة ولازم يكون سخن عشان يسهل النزول ويكون معاة الشوائب ولكن هنا فى المنتدى بيقولولى انة لازم يكون بارد طب مين الصح وممكن اعرف موبيل ممتاز واتوكل على الله ولا اروح القاهرة وادور واجيب شل وهل 80\90 عادى مع العلم فى الكاتالوج 75\90
هل دا فية مشكلة اصلى مش بثق فى التوكيل اوى يعنى وهل التغيير البارد دا بيكون للزيت اللى لازم تفكلة الكارتيرة زى اللانوس ولا لكل العربيات حتى اللى عندها طبة زى بالله عليكم افيديو عشان انا هروح الصبح الشغل وقبل ما اروح هشوف اجابتكم وعليها هغير لما اروح من الشغل
وشكرا ليكم مقدما

رد: ارجوكم افيدونى فى تغيير زيت الفتيس فعلا رايكم هيفيدنى جدا
 

اللى اعرفه ان زيت الفتيس المانيوال للفيرنا 75w90 وافضل انك تغيره بنفس النوع

رد: ارجوكم افيدونى فى تغيير زيت الفتيس فعلا رايكم هيفيدنى جدا
 

اخى الكريم ، التوكيل زى اى صنايعى مستعجل ، يعنى لما تروح والعربية سخنة الزيت هينزل بسرعة ومش هتضيع وقتهم ؟؟؟؟؟؟؟؟ هو دة السبب الوحيد لتغيير الزيت وهو ساخن ، ولمعلوماتك الزيت الوحيد الذى يتم تغيير وهو ساخن هو زيت الموتور فقط وكمان بنسيب العربية تهدى شوية ومنفتحش غطا الزيت بسرعة بعد ما نبطل العربية وذلك على سبيل الاحتياط ، وكمان مفيش فرق بين نوعين الزيت اللى بتقول عليهم الاتنين واحد المهم تشوف تاريخ الصلاحية وتشترية بنفسك من بنزينة موبيل او بنزينة شل ، وتتأكد من تاريخ صلاحيتة ، وياريت تروح لأى محل غيار زيوت عادى جداً وكبر دماغك عن السفاحين بتوع التوكيلات ، الوضوع دة عندهم هيكلفك على الاقل 100ج غير البقشيش
لكن برة هتجيب عبوتين موبيل تروس 90/85 او 75 مش هتفرق ب36ج واللى هيغيرة هياخد بالكتير 5 ج او 10 لو هتكرمة يعنى كلة مش هيكمل 50ج غير انك هتنجز مش هتستنى دورك زى التوكيل ويشربوك بيبسى فى الاستراحة يقف عليك ب 50 ج ومتشوفش عربيتك حصل فيها اية ، على الاقل عند الصنايعى هتتعرف على الحكاية وتعملها لوحدك بعد كدة زى كلنا دلوقتى ما بنعمل بعد التوكيلات والصنايعية ما سرقونا، وبعدين يا زميلى العزيز جمد قلبك مش هتقع فى البحر يعنى الموضوع بسيط ومتخافش قوى كدة على العربية علشان ما تكرهاش :Bravo: