مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - العربية والشمس (https://www.masrmotors.com/vb/showthread.php?t=59679)

رد: العربية والشمس

معايا مشمع ووتر بروف بدء يقشر من الشمس مع الرغم انى شارى من 6 شهور بس ده غير انه بيلم تراب وايدك بتبوظ الصبح انت بتشيله من على العربية مش عارف اقولك ايه فى رائى مفيش حل من الافضل ان تتجنب الشمس وخلاص

رد: العربية والشمس

اقتباس:

المشاركة الأصلية كتبت بواسطة mrastra (المشاركة 449861)

استاذ ايمن عبد الحميد حمد لله على السلامة اية الغيبة الطويلة دى والله العظيم وحشتنا لعل المانع خير وانا والله لو كان معاياموبايلك كنت اتصلت بيك والله عشان اطمن عليك
بالنسبة للاخ السائل متهيالى فى الظروف اللى احنا فيها دى لو جبت غطا غالى هايتسرق فى حل عندى
تجيب شجرتين فايكس كبار وتزرعهم واحدة تبقى مغطية الازار اللى ادام والتانية تغطى الازاز الورانى يبقى انت كدة ضربت عصفورين بحجر واحد حميت عربيتك وغرست شجرة وتمنهم زهيد جدا وتبقى شاركت فى المحافظة على البيئة وكسبت ثواب وانت تواليهم بالمية

حل جميل بس مش كل الناس ينفع معها الحل ده

رد: العربية والشمس

فيه غطاء قماش قوي بيسموه قماش خيم بالإضافه إلى عدم قفل الزجاج للآخر بس خللي بالك سيب مللي أو 2 مللي فقط علشان بعيد عنك الحراميه بيستغلوا الفتحه لو كبيره في فتح المسوجر

رد: العربية والشمس

أنا شاكر لكل اللى قام بالرد. هذا هو حلاوة المنتدى أن أعضاءه كلهم حماسة

1- بالنسبة للشجر مش نافع الأن فى محلات تجارية تحت فأكيد محدش هيرضى تحط قدامة شجرتين يخبوا المدخل بتاع المحلات

2- الجراج فكرة سيئة لان كدة هدفع فلوس قد كده وفى الأخر دى عربية مش جديدة يدوبك 40 الف يعنى مش كرولا ولا الأوكتافيا
3- الغطاء الواتر بروف حلو صيف وشتاء ولكن مع الشمس اللى بتغطى العربية 8 ساعات دى يبقى هجيب واحد كل سنة. امرى لله أعتقد دة أحسن حل.

رد: العربية والشمس

نفس الموقف اللى انا فيه
انا بركن العربية و حاطط الشماسات من جوه العربية و من بره فارد كراتين على الزجاج ومغطي العربية بغطا قماش ابيض
و مش بستعملها الا قليل
كانت فيه فكره اني اعمل زي خيمه فوقها او ظليلة بواسطه اعمده اثبتها فى اطراف الكابوت والشنطه و الاعمده دي تفرد قماش فوق العربية و الاعمده دي مش تتشال الا بفتح الشنطه او الكبوت وكان حسب الفكره ان ممكن تظبيط حجم و زاوية الخيمه دي بس في الاخر خوفت من السرقة