رد: بتحب السواقة بسرعة ؟؟
 

طبعا انا ماليش الحق انى اتكلم فى الموضوع ده بالتوقيع بتاعى ده
اوعوا حد يقول لابو نورا
انا بحب الشد والجرى بس فى المعقول وباخد غرز بس مش كتير
بس معظم الوقت بلاقى الدنيا زحمه ولا بجرى ولا اى حاجه
ملحوظه(الصوره دى كنت بجرب العربيه بشوف اخرها كام وكنت على طريق العالمين فااااااااااااضى يعنى معرضتش حياه حد غيرى للخطر)ptmnlo123per1127

رد: بتحب السواقة بسرعة ؟؟
 

مش حنضحك على نفسنا ..... خصوصا اللي بيحبوا يجروا
مهما قلنا عن السلامه و المسئوليه ....... السرعه ليها نشوه
وطبيعي كل ما نكون اصغر شويه في السن كل ما يكون الادرينالين اعلا
واكيد كل واحد فينا جرب يشد او ياخد غرزه حتى لو سواقته عاده متزنه وهاديه (ولو مره من نفسه )
بس الموضوع مش موضوع سرعه وبس ..... فيه ناس بتمشي بالراحه و تعمل مصايب
زي اللي يعمل يو ترن و يدي اشاره ويقطع طريق سريع بالعرض على اقل من مهله من غير ما يبص (قال يعني ماشي براحه).... او يمشي مخالف و يضرب النور العالي في عين اللي ماش صح
المهم تكون السرعه متناسبه مع العربيات اللي حواليك ( فرق السرعه مهم جدا)

ايام الجامعه كان معاي 128 موديل 71 ... العربيه اساسا اخرها 110 كم
كنت بسهر كتير بحكم طبيعه دراستي ... يعني عندنا مشروع و لازم نعد في الكليه و ساعات نطبق ليله التسليم
كنت ببقى راجع البيت موجه للسرير
كنت بنزل من كوبري اكتوبر لشارع رمسيس المنزل عباره عن يمين في شمال ( طبعا حافظه صم )

في الشتا الساعه 2 باليل مفيش بني ادم في الشارع ... دايما اول المنزل على 90 و اسيب العربيه بسرعتها و اخد الملف على الواسع و افرمل اول العدل .... خطوات اوتوماتيك كل يوم.

وانا في اول الملف خير االله ما اجعله خير ...... اتوبيس راكن عطلان في اخر الملف ....
اعمل ايه؟؟؟؟
افرمل في ملف .... لو فرملت جامد العربيه حتتزحلق و البس بوشي
ولو فرملت براحه حتحدف و البس بجنبي
اتشاهدت و كسرت زياده من غير ما افرمل ......
لقيت نفسي رايح براسي ..... العربيه بقيت على عجلتين ..... و يادوبك الحمد لله عديت من جنب الاتوبيس و رديت العجل و نزلت العربيه
لحظه اقل من ثانيه .... بس كل مافتكرها قلبي يضرب كاني كنت طالع 10 ادوار جري

مش مشكله السرعه ... مش مهم تكون حافظ الطريق ..... العمليه نسبيه
امتى اجري وامتى امشي براحه ... و حاول متخليش حد يستفزك و لو ان ده صعب ptmnlo123per111ptmnlo123p er195

رد: بتحب السواقة بسرعة ؟؟
 

ازيك يا بوب .... الظاهر كنت بكتب موضوعي في نفس الوقتptmnlo123per14

رد: بتحب السواقة بسرعة ؟؟
 

ربنا يستر طريقنا جميعا يارب بس فى سؤال بيلح عليا

انت لو شوفت بورشة هتعمل اللى قولتة ده بجد !!؟؟

اصل انا حصل معايا الموقف ده بالظبط وانا نازل من اكتوبر على الهرم (كانت بورشة بجد ) وحاولت بس مقدرتش خاااااااااالص ptmnlo123per1106

تفتكر الجنوط بتفرق ptmnlo123per1127 ؟

لا الجنوط او الطاسة


و بعدين علشان افكر لازم يكون معايا على الاقل زية و انا غلبان معايا لانسر 1300 كريستالة


بس هحاول ptmnlo123per122

رد: بتحب السواقة بسرعة ؟؟
 

بمناسبة البورش
كان الطريق فاضى تماما
و انا اتجرات و عملتها مع بورش و انا مشغل ال over drive بس لسوء حظى انه كان بورش twin turbo فضلت اجرى معاه(وراه بشوية يعنى :) ) لحد ما وصلنا 240 و انا خلاص اخر عدادى 260 و هو عداده 340 على الاقل بس و حسيت انى هطير من على الارض و موتورى فاضله شوية و يتحرق و هو ساحب برده ولا هاممه اى حاجة فا قدرت شعوره و سبته يسبقنى :) علشان ميزعلش على الفلوس الكتير قوى قوى اللى دافعها فى العربية
بس بصراحة كانت نشوة السرعة فى اليوم ده مش طبيعية