رد: كورسا 2004 1600 سي سي موضوع تفاعلي
 

أ/ شادي ممكن أعرف كانت عامله كام ألف كيلو وكان سعرها كام؟

مش عارف ليه الناس بتخوف الكل من شراء الأوبل (عشان موضوع قطه الغيار وإعادة البيع) بحس إن الجات دي عندنا عامل زي العدوى, لو حد قال إوعى تشتري تلاقى الكل بيقول نفس الكلام, ويفضل الموضوع لازق في العربية لحد متنقرض.

بس بيتهيألى الموديل ده مش بعبع زي الفيكترا مثلا ولا إيه؟

أنا بعد مكنت بفكر في الجديد (كوري طبعا) بدأت أفكر فى مرحلة إنتقاليه (خمس سنين مثلا), بعربية تكون محترمة تحسسني بنقله عن إللى أنا راكبة دلوقت (مازدا ٣٢٣) وفي نفس الوقت سعرها حنين.

رد: كورسا 2004 1600 سي سي موضوع تفاعلي
 

انا عاوز اجيب العربية دى بس خايف منها, بصراحة بقارن بينها وبين السيفيك و الانسر الكريستالة ؟ بس عاجبانى الكورسا اكتر علشان شكلها محترم و ماسكة نفسها افيدونا ؟

رد: كورسا 2004 1600 سي سي موضوع تفاعلي
 

السلام عليكم

انا معايا العربية دى Corsa 2005 و كان معايا Corsa 95 العربيه رائعه من حيث الاداء و التسارع و استهلاك البنزين
العفشة 10/10 و الحمد لله انا طرت بيها من على مطب كان جديد على طريق سريع - أحد حركات الاستاذ احمد السقا بالظبط و العافشة مش حصل فيها حاجة مع ان المفروض فى اى عربية تانية كان على الاقل عمود الكردان اتقطم
و كنت مسافر بيها الغردقة و السرعة جابت 190 -- و بعدها لمبة التشك نورت ههههههه
طبعا تكييف 100/100 صالون مريح
تقييمى للعربية دى انها شبابية و عائلية صغيرة
و ربنا يبارك فيها بقى

رد: كورسا 2004 1600 سي سي موضوع تفاعلي
 

العربية دي جمده جدا يا جماعة وانا مش عارف ازاي دي بسعر الفيرنا و اللانوس اكيد الناس دجي مش فاهمة حاجة. العربية دي بقالها معايا سنتين عملت بيها 40000 كيلو ما فتحتش بقها معايا غير مره واحده بسبب فيوز التابلوه. عبها الوحيد البوية بتغيرفي الشمس والجلد بتاع الهاند و الفتيس بيشقق بسرعة. السنتر بتاعها معايا في مشكله ولاحظت ان معظم اللي معاهم العربية دي عندهم نفس المشكله.الأسعار اللي كتبها شادي حقيقية وكل حاجتها متوفرة في الحرفين من اول كلبسات الفرش لحد بعد الشر نص عربية. كمان في مجموعة ميكانيكيه جامدين اوي في الحرفيين. شوف الكشف اللي جاي
اسماء تجار قطع الغيار:
==============
اولا المستعمل:
-----------------
1- هاني العايدي (عنده عربيات متقطعة)
2- حسن وعلي
3- الشاطر (اسعاره غالية بس عنده كل حاجة)
4- الأصدقاء (اسعار معتدلة)
5- النواصرة
6-مجدي البيومي (عنده نصين امامي و خلفي ابيض)
ثانيا الجديد:
--------------
1-التوكيل(ارخص مكان تشتري منه الأصلي)
2-الأصدقاء
3-رضا اوبل
4-الشاطر
5-الوطنية (عنده 90% من حاجات العربية الأصلي و التايواني)
اسماء مراكز الصيانة:
==============
1- محمد علام (المفضل لي)
2- الأصدقاء
3-هيثم اوبل
4-محسن اوبل (في شارع المرسيدس)
5-محمود اوبل (كهربائي شاطر جدا بس لازم تسيبلوا العربية 3 شهور!!)
6- احمد الكهربائي (جامد وبينجز)
7-الشاطر

يارب اكون قدرت اقدم معلومة كويسه ليكم.
انا كنت عايز اعرف سمكري و دوكو كويس علشان عايز ارش و اروقها

رد: كورسا 2004 1600 سي سي موضوع تفاعلي
 

ana asef eny mesh bad5ol keter
Mr Ahmed Ashraf asef gedan eny lesa shaief now so2alak. el 3arabeia fe3lan momtaza we delwa2ty ba2alha sana ma3aia ma3amaltesh fiha ay 7aga 3'er el zeet wel falater wel sior.
we 7adsa so3'aiara 3'aiart fiha shwaiet 7agat keda bas mesh mechanical ya3ny, we till now thx god mafihash el hawa we kolo tamam thx god tany. we law fi ay 7aga gededa had5ol aktebha isa thx for Mr. Antar too for his great effort. we bgd ay 7ad beifakar yegeb Verna or Lanos yegeb di a7san menhom 100000000000 mara fi kol 7aga