رد: صنى سوبر صالون ولا سيراتوا
 

الصني طبعا دون الدخول في التفاصيل المعروفة

رد: صنى سوبر صالون ولا سيراتوا
 

كمقارنه عادله يجب ذكر نقاط تفوق كل عربيه وعيوبها كل على حده:
اولا: من ناحية الشكل الخارجى
السيراتو. بصراحه تصميم ثورى ومظهر ملفت جذاب
النيسان صنى. التصميم قديم وغير مبتكر وان كان كشكل مقبول جدا وهيه مسألة أذواق وان كان لا يقارن بتصميم السيراتو.
ثانيا: من ناحية قوة الصاج والابواب.
السيراتو كعادة العربيات الكورى ضعف الصاج وقلة سماكته.
الصنى صاج العربيه ممتاز واقوى بمراحل من السيراتو
ثالثا: من ناحية الاتساع الداخلى
السيراتو الاتساع الداخلى جيد جدا ورحابة الكنبه الخلفيه
الصنى الكنبه الخلفيه ضيقه بعض الشىء وتتفوق السيراتو فى هذه الجزئيه
رابعا: الكماليات والتجهيزات
المختصر المفيد تفوق السيراتو الملحوظ من ناحية الكماليات
حيث تتفوق السيراتو حتى فى اول فئه فى كم التجهيزات عن اعلى فئه فى الصنى (السوبر صالون)ناهيك عن جمال تابلوه السيراتو وشكل لوحة العدادات .
خامسا :قوة المحرك.
السيراتو محرك من نوع جاما يعطى قدره حصانيه 124حصان
الصنى محرك اقدم نسبيا ذو قدره حصانيه 105 حصان
تكنولوجيا المحرك فى السيراتو اعلى من الصنى
التسارع تتفوق السيراتو عن الصنى من ناحية التجميع والتسارع خصوصا مع ناقل الحركه الجديد ذو الست سرعات.
وان كان ناقل الحركه الاتوماتيكى فى الصنى قليل الاعطال ومريح.
سادسا:نظام المكابح :
يوجد بكلا العربتان نظام مانع الانزلاق ABS
الفرامل جيده جدا بكليهما ونفس نظام الفرامل الاساسى موجود طنابير وديسكات
وان كان التفوق للصنى من ناحية قوة الفرمله
سابعا:جودة التقفيل والعزل
تتفوق السيراتو بشكل ملحوظ (تقفيل كورى بالكامل وعزل جيدوصوت الماتور هادىء
الصنى (تقفيل مصرى وان كانت لا توجد عيوب تقفيل جوهريه وصوت الماتور اعلى نسبيا)
ثامنا : استهلاك البنزين
يلاحظ زيادة استهلاك البنزين للصنى عن السيراتو بالرغم من ان الماتور له نفس السعه اللتريه1600cc
لا يرجع ذلك لزيادة وزن الصنى عن السيراتو حيث ان فرق الوزن لايتجاوز 150كجم.
وانما يرجع ذلك لتكونولوجيا ماتور السيراتو الاحدث CCvt
Gamma 2 enjine
عموما فرق استهلاك البنزين لا يتجاوز 7لتر بالصفيحه.
تاسعا انظمة التعليق
بايجاز شديد تفوق ملحوظ للصنى حيث تم تزويدها بعفشه رياضيه ومساعدين خدمه شاقه والتعليق الخلفى وصلات متعدده.
السيراتو من عيوبها الاساسيه عفشة السياره قاسيه , التعليق الخلفى لها single torsion beam .يعنى بالبلدى على دونجل او بار عرضى وليس تعليق مستقل.
مما يضعف من ثبات السياره فى منحنيات الطريق وان كان قد استعانو فى اعلى فئه للسيراتو على جنط 17 بوصه لزيادة الثبات مما ادى لزيادة قساوة ونشوفية العربيه.
تاسعا:التحكم فى القياده وزاوية دوران العجل.
كلا العربتان يوجد بهم معزز للثبات الالكترونى EPS
الباور فى الصنى هيدروليكى
الباور فى السيراتو كهربائى
تفوق بسيط للسيراتو من ناحية راحة القياده.

الخلاصه فى الرأى كما سبقنى جميع الاعضاء الكرام:
السيراتو عربيه جميله بتكنولوجيا محرك احدث لها شكل رائع وقوة استجابه للماتور فى التسارع وكماليات غزيره يعيبها بشكل اساسى ضعف الصاج ونظام التعليق الخلفى للعفشه .

الصنى عربيه اعتماديه تمتاز بقوة التحمل وسهولة الصيانه وثبات اكثر من رائع وعيوبها ليست جوهريه (شكل قديم نوعا ما- الضيق النسبى للكنبه الخلفيه- زياده استهلاك البنزين)
هذا رأيى المتواضع المبنى على تجربة عمليه لكلا العربتان:14369D~149:



السيراتو .صاج ضعيف

رد: صنى سوبر صالون ولا سيراتوا
 

الله ينور عليك بس انا بصراحه جربت السيراتو ستربتونيك بس 4 غيار لاقيتها عامله ذي البطه البلدي و تقيله جدا جدا مش عارف ليه يمكن يكون ال 6 غيار عالج المشكله دي الله اعلم