رد: ازاى تظبط كهرباء عربيتك
 

اخى الكريم pointer مشكور على التواصل الجميل والبناء لكن دعنى اوضح بعض الامور
العلامة وهاقتبس من حضرتك الجملة التالية
" العلامة معمولة عشان ظبط التقسيمة بتاعة الموتور مش الكهرباء "
فعلا كلامك صح ان العلامة اللى على طنبورة الكرنك عند تطابقها مع الدليل الموجود على جسم المحرك دة الهدف بتعنا الموتور دلوقتى بقى فى النقطة الميتة العليا وتقدر تركب عامود الكامات على الوضع مقفول لكل من الصبابين ( السحب - العادم) وايضا دة الوقت المثالى لانتاج الشرارة .... يعنى يجب فى التوقيت دة تحديدا ان يكون شاكوش الاسبراتير اتجاهه على البوجية رقم واحد
الخلاصة ان فعلا العلامة الموجودة بتاعة تقسيمة الكرنك مع الكامة وايضا توقيت الاشعال اللى هو موضوعنا المثار
اقتباس من كلامك"طب هاتعرف تظبط كهرباء ازاى وانت مش عارف انهى بوجية اللى هايدى اسبارك دلوقتى "
زى ما قلت لحضرتك ان اما يكون البستم رقم واحد فى النقطة الميتة العليا بمدلول الزنبة على طنبورة الكرنك بيكون البستم رقم واحد هو اللى هياخد الشرارة مش اى بستم اخر
اقتباس " معرفتش اية موضوع اللمبة "
اللمبة هنا هى ترجمة ان الشاكوش وصل كهرباء الى البوجية رقم واحد بمعنى اما تنور يبقى الشاكوش على نحاسة وش الاسبراتير اللى بتوصل للبوجية رقم واحد ..........انا معرفش انت شوفت الفديو ولا لأ بس لو شوفتة اكيد هاتعرف
اقتباس " لو هتشتغل على المكبس ودة عاوز فهم وخبرة معاك "
فعلا انا بعرف اسمع مواتير كويس جدا واقدر احدد المكنة مقدمة او ماخرة او مرتلة بس مش هو دة هدفى ...كان هدفى الاساسي مع الموضوع ان اى عضو ملوش خبرة كبيرة يقدر يعمل الشغلانة دى بنفسة والنتايج بامر الله انا واثق فيها جدا .......وبعدين بلافعل ممكن اى اتنين يختلفو المكنة دى مظبوطة ولا مش مظبوطة اعتمادا على الصوت ولون العادم والحاجات دى انما لو ركب جهاز تحليل عادم يقدر يقيس ثانى اكسيد الكربون وبخار الماء فى العادم دة المظبوط مية فى المية وبيضاهيه بالظبط الطريقة المشروحة فى اول الموضوع وبدون اى اجهزة

اقتباس "ما هو ده اللي بقوله و كويس ان حضرتك فتحت الموضوع ده لان فيه مدارس و فكر
و فكرتني بايام ال 128 من يجي 10 سنين و الورشه اللي كنت فاتحها ههه"
صراحة مش قادر افهم المقصود من الجملة

رد: ازاى تظبط كهرباء عربيتك
 

شوف يا كبير
كلامك برضو صج
وياريت تقترح مواضبع و نتكلم فيها انا وانت وندردش مع بعض
بس هي المشكله بتاعه العلامه دي ان الطنبوره لازم هتبقي متغطيه
وحسب طراز السياره ممكن تكون الحته ديقه و ممكن لا
طالما الحاجه ممكن تكون اسهل بطريقه اخري يبقي هي اولي
طريقه المفك و وضع المكبس دي لازم تكون في شوط القدره علي شان المكبس ممكن يبقي فوق في الاربع اشواط
و الاحسن من كل ده المسدس
بس اسهل طريقه بتاعه الصباع و مجربها ولا ميت مره
و موضوع الاسبراتير ده انا اقصد وضعه هو مش وضع البساتم
يعني احنا ضبطنا البساتم خلاص علي النقطه الميته في السلندر الاول تمام
ازاي نضبط الشاكوش علي السلندر ده من غير ما نفك غطاء الاسبراتير
انا شفت الفيديو ما فهوش لميه خالص
بس انا قصدي هو هيقوا ان المفروض ان البوجيه يشتغل بس انهي بو جيه فيهم
ازاي اعرف ان الشاكوش ده هيدي البوجيه ده من غير ما نفك الغطاء
الفقره الاخيره دي
لشكرك فيها ان حضرتك فكرتني بالذي مضي ايام ال 128 اللي كانت معايا
شكرا يا كبير

رد: ازاى تظبط كهرباء عربيتك
 

مشكور على التواصل اخى الكريم pointer

رد: ازاى تظبط كهرباء عربيتك
 

طيب مفيش طريقه للسيارات الانجكشن؟

رد: ازاى تظبط كهرباء عربيتك
 

السلام عليكم اولا :)

هو الموضوع ده ممتاز جدا لكن كان عندى بعض الاضافات هو الاستاذ لما قال ان العلامه الموجوده لضبط البستم الى اعلى نقطه هو كلامه صحيح لكن لو ركزت شويه فى الكلام البيقوله الراجل الموجود فى الفيديو الانت منزله هاتلاقى الراجل بيظبط الكهرباء على علامه الكهرباء مش علامه البستم , و للتوضيح اكتر انت فى اى عربيه هاتلاقى كذا علامه مش علامه واحده و فى الغالب هاتلاقى 2 علامه على الموتور و علامه واحده على الطنبوره العلمتين الموجودين على الموتور دول هاتلافى واحده فيهم لو وقفت علامه الطنبوره امامها هاتلاقى البستم رقم واحد فى اعلى نقطه له و العلامه التانيه لو وقفت علامه الطنبوره عليها دى كده المفروض تظبط عليها وقت اشعال البوبينه
اذا 1 - اعلى نقطه فى البستم هى ليست نقطه اشعال البوبينه و نقطه اشعال البوبينه تسبق اعلى نقطه بفارق بسيط جدا و الفكره ان الموتور و هو ماشى بيكون على سرعه عاليه جدا و لازم نقطه الاشعال تكون قبل اعلى نقطه للبستم عشان مع سرعه الموتور لحظه الاشعال الحقيقيه تكون فى اعلى نقطه لانه يوجد فارق زمنى بسيط جدا بين لحظه اشعال البوبينه و وصول الكهرباء الى البوجيه بالضبط زى ما تكون واقف بتصطاد حمامه طايره بسرعه انت انت لو نشنت عليها بالضبط و هى بتجرى الرصاصه مش هاتيجى فيها لان عبال لما الرصاصه توصل هاتكون الحمامه بعد المكان الانت نشنت فيه و البستم هنا هو الحمامه و الرصاصه هى الكهرباء :)

2 - مش شرط كل عربيه فيها علامه واحده على الطنبوره البتخلى البستم رقم واحد هو الفوق يوجد سيارات كثيره فيها 4 علامات على الطنبوره يعنى مثلا عندك البيجو القديم هاتلاقى فى الطنبوره 4 علامات كل بستم له علامه و ده موضوع صعب جدا انك تعرف انهى بستم الفوق .

3 - يوجد سيارات بها علامات على ترس الفلام زى مثلا ال 128 هاتلاقى فى ترس الفلام 3 علامات ( 0 و 5 و 10 ) علامه الزيرو دى اعلى نقطه فى البستم و علامه 5 دى نقته اشعال البوبينه و علامه 10 دى نقطه الاشعال الثانيه الهى المفروض تظبط عليها الفاكيوم الموجود على الاسبراتير و ده مش هاتلاقيه فى كل العربيات و ده بيغير توقيت الكهرباء على سرعات الموتور العاليه لكى تحصل على اعلى اداء للموتور فى مختلف السرعات .

4 - عند اداره الاسبراتير و انت ظابط الموتور على نقته اشعال البوبينه المفروض انك تلف الاسبراتير عكس اتجاه الشاكوش يعنى زى ما انت قولت توصل اللمبه على البوبينه و لو عندك الشاكوش بيلف فى اتجاه عقارب الساعه انت تلف الاسبراتير فى اتجاه عقارب الساعه و بعدين ترجع عكس اتجاه عقارب الساعه اول لما تلاقى المبه نورت تعرف ان هى دى ظبطه الاسبراتير و طبعا اثناء العمليه دى لازم تكون مشغل الكونتاكت او لو مش عاوز تشغل الكونتاكت خوفا من حرق الابلتين واذا وصل طرف الموجب لللمبه على البطاريه و وصل الطرف السالب على سالب البوبينه لان البوبينه اول لما انت بتشغل الكونتاكت البوبينه بيوصلها كهرباء متواصله مع الكونتاكت و الابلتين هو الذى يعطى اشاره سالبه للبوبينه لكى تعمل البوبينه و هو البيخلى اللمبه تنور معاك . و اهلا وسهلا بأى استفسار او تعديل او اضافات فى هذا الكلام .