رد: بى ام دبليو 2002 ولا كيا سيراتو 2011
 

يا رااااااااااااااااااااجل حد يقارن البي إم بالسيراتو.
خلاصة الكلام عايز حاجة رخيصة شعبية تركبها سنتين تلاثة وبعدين هتطلع عينك بمشاكلها يبقى هات سيراتو.
عايز حاجة محترمة ، قيمتها فيها مهما مر الوقت، بس هتصرف عليها وما تبخلش وهتكلفك شوية زيادة يبقى البي إم طبعا.
أما لو أنا مكانك لا هأجيب دي ولا دي.
الألماني ممتاز وفخامة لكن غالي يا عم علينا في صيانته، وبرده اسمه مستعمل والأمر ما يسلمش.
الكوري شعبي وضعيف ومشاكله معروفة، لكن قطع غياره متوفرة.
فخلينا في النص حاجة ياباني محترمة زي الانسر أو التيدا، وبرده زيرو وهتعيش معاك أحسن من السيراتو. وربنا يوفقك

رد: بى ام دبليو 2002 ولا كيا سيراتو 2011
 

اوجزت فانهيت كل الكلامGIFT4U
خد بالك ان اة البى ام حلوة واحسن من السيراتو
بس للاسف قطع غيار غالية جدا جدا وصيانة غالية بالتبعية

رد: بى ام دبليو 2002 ولا كيا سيراتو 2011
 

انا بعد ازنكو اقول راى انا بقول ان البى ام هتصرف عليها حجات كتير يعنى لو ربنا ادالك نصيب فيها متبخلش عليها هيا ممكن تصرف عليه كتير بس فى الاخر ليك بس انا من راي الاحسن السيراتو برضو فيها امكنيات الافضل السيراتو

رد: بى ام دبليو 2002 ولا كيا سيراتو 2011
 

حاول تزود شوية وتجيب لانسر شارك بينزل كل جمعة فى جرنال الأهرام ملحق سيارات فيه أسعار السياارت طبقا للفئة السعرية,حاول تشوف اللى يعجبك فى 120 ألف

رد: بى ام دبليو 2002 ولا كيا سيراتو 2011
 

ربنا معاك للاختيار الصح بس خالى بالك الجديد جديد يعنى ولا تصرف عالية ولا تتعب قلبك والف مبروك مقدما