|
رد: مشكلة منكده عليا ومش لاقى الحل ارجو مساعدتكم
اقتباس:
الأخ المحترم المهندس سمير حسبت الاستهلاك من خلال العداد والمؤشر وتموين العربية بالبنزين يعنى اروح احط 30 لتر بتكون العربية عاملة ع العداد 150 كيلو يعنى 100 كيلو للصفيحة ورحت لكثر من ميكانيكى اكدوا ان العربية سليمة مفيش فيها حاجة لكن اخر واحد هو ال قاللى لازم تغير الرشاشات برشاشات هيونداى ومتابع فى المنتدى لقيت ناس بتشتكى وناس بتنصح اسيب العربية على وضعها وناس تالنية بتقول حط رشاشات بى ام دبليو وده الرأى ال لقيته مكرر كتير جدا وللأسف انا معلوماتى فى عالم الرشاشات ضعيفة لن كان معابا عربية كربراتير المشكلة دى مأرقانى جدا علما بأنى مش بجرى بالعربية كل مشيى 80 واخرى 90 على السريع والعربية فى سحسبها ما شاء الله لما تفتح بس تبقى مشكلة استهلاك البنزين الزائدة عن الحد مش لاقيلها حل ........ قريت ان المشكلة ممكن تكون فى الأيدلر وحساس الأكسجين ولسة بتعرف عليهم دلوقتى من حضراتكم بالنسبية للى عملته فيها غيرت تقريبا كل سيور العربية الكاتينة الدينامو التكييف طقم الكهربا غيار زيت وفلتر وفرامل وكل الحاجات دى فى التوكيل ودى كانت حاجات اول ما اشتريت العربية علشان اطمئن ... انا طولت اوى وشكرا على تواصلك وجزاك الله كل خير خالص احترامى د/ هشام |
رد: مشكلة منكده عليا ومش لاقى الحل ارجو مساعدتكم
اقتباس:
أنك مش أول مالك للسياره إذا أنت لسه شارى العربيه قريب وبالتالى ماهو عدد الكيلومترات المقطوعه ...........؟ وهل غيرت فلتر الهواء وسير الكاتينه ..........؟ وعاوزك متستعجلش فى قرار تغيير الرشاشات إلا أما تتكشف جميع الأمور ونقتنع أنها السبب فى الأستهلاك الزائد للبنزين |
رد: مشكلة منكده عليا ومش لاقى الحل ارجو مساعدتكم
اقتباس:
وعاوزك تتأكد برضه أن خط راجع البنزين للتنك شغال تمام وأنت مدور وواقف على السلانسيه |
رد: مشكلة منكده عليا ومش لاقى الحل ارجو مساعدتكم
1 مرفق
اقتباس:
الأخ الفاضل المهندس سمير اولا اشكرك على تواصلك واهتمامك ومش لاقى كلمة شكر توفيك حقك غير جزاك الله خيرا بالنسبة لفلتر الهوا تم تغيرة ايضا فى التوكيل وتغيير سير وبكرة الكاتينة لكن تقريبا لم يتم تنظيف بوابة الموتور ولا اعرف اين هذه البوابة ياريت تقوللى اروح للميكانيكى اقوله يعملى ايه بالظبط وياريت اى معلومات عن رشاشات ال bmw لأنى سمعت عنها كتير http://www.stocksvip.net/p/ap/%2833%29.gif |
رد: مشكلة منكده عليا ومش لاقى الحل ارجو مساعدتكم
اولا ازايك يا بشمهندس سمير هو ممكن يكون العيب فعلا يا بشمهندس ممكن حساس الاكسجين وفى احتمال تانى ممكن يكون السبب ممكن يكون من موتور الطلمبة انا اعرف لما بيبتدى يبوظ بيستهلاك بنزين زيادة بصراحة انا ممرتش بالموضوع دة بس سمعت كدة ممكن الاخ الكريم يكشف عالية وممكن يغير فلتر الهوا وربنا معاك فى المشكلة
|
| الساعة الآن 05:51 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017