|
رد: باشا
والله فعلا عنك حق
|
رد: باشا
أنا من رأى ان الجهاز ده كله يتغير ويسرحو على باقى الوزرات وذلك لكم الكره والقرف ألى سببوه فى نفوس الشعب وذلك لعدم المصادمات الى ممكن تحصل لان هما من معشتنا ليهم عمرهم ما هيتعلمو هيتمسكنو لحد ما يتمكنو وعلى أى المثل ال ؟؟ما ؟؟ الا امام بيته وبعدين يبدئو بتغييرمناهج الكليه ويخرجو جيل يعرف معنى كلمة أنسان
|
رد: باشا
رأيي الشخصي نعاملهم باحترام
يجب ان يتم احترام ضابط الشرطة يا اما ازاي المجرمين حيحترموه!!!! انا اسف بس ابدا ابدا ابدا محدش يقل ادبه على ضابط شرطه او مرور و يقول هما كانوا و كانوا زي ما قلتوا قبل 25 حاجة و بعديها حاجه تانية خالص نبقى احنا محترمين معاهم مش علشان خايفين لأ علشان واجب علينا احترامهم احترام انهم بيسهروا بالليل علشان يحمونا علشان انه بيخرج من بيته الصبح مش عارف حيروح سليم و اللا لأ لانه بيراعي مصالحنا و لو حد فينا اشتكى بيساعده على حل شكوته ده اللي احنا متوقعينوا من ضابط الشرطة بعد 25 و ده ان شاء الله حيحققهولنا فلازم نحترمه علشان يحترمنا و اللا حتبقى بغضاء و كراهية من جديد بين الشعب و الشرطه هما دلوقتي متوقعين و متوجسين.. يللا نفاجئهم اننا اخواتهم و بنحبهم طول ما هما بيحبونا و خايفين علينا اهنئ كل ضابط شرطه شريف و شايف شغله و حعاقب و اشتكي اي ضابط شرطه مخالف و مقصر |
رد: باشا
بصراحه فيهم ناس محترمين جدا
لكن قله قليله منفلته كان لها دور فى النظام السابق شوهت صوره الكل والنظام السابق إستغل جهاز الشرطه لأغراض قذره خارجه عن نطاق عملهم وأنتشر الفساد والرشوه بينهم . |
رد: باشا
اقتباس:
أؤيدك تماماً علاقتنا برجال الشرطة تكون قائمة على الإحترام المتبادل الأدب على قد الأدب الذوق على قد الذوق الإحترام على قد الإحترام نبرة الصوت على قد نبرة الصوت والله يا جماعة زى ما قال دكتور كمال فيهم ناس قمة فى الأدب والرقي والإحترام فلا نعمم ولا يروق لي التشجيع على معاملتهم بالسخرية والأستهزاء على فكرة البلطجية والصيع أتفرعنوا كل اللى كان مخبي حته سلاح " سنجة - سيف - كزلك - خرطوش " أيام الأزمة الأمنية بقوا عادى جداً مشيين في الشارع بيها وأصبحوا ظباط وبيعملوا كمائن ولجان ويقول للناس رخصك فالفئة ده بالتحديد لابد لها من رادع كنت عند واحد صاحبي في شارع فيصل النهاردة وقعدنا على قهوة .... القهوجى حاطط في جنبه مطوه قرن ...... فبقوله مش خايف ليجى ظابط يأخدك بالمطوه ده ؟ قالى خلاص يا باشا عرفنا الحل ... أى ظابط حيتكلم حنولعله في القسم بتاعه !!!!!!! بالذمة ده أسمه كلام ؟؟؟؟؟؟؟؟؟؟؟؟؟؟؟؟؟؟؟؟ |
| الساعة الآن 03:34 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017