|
رد: تغطيه الاحداث والتحاليل والاخبار لحظه بلحظه
اغلب الاجانب والعرب
تركوا مصر وسافروا وسط البلد الان .... كلها مصريين تقريبا ربنا يستر يوم الثلاثاء فى المظاهرات المليونيه يارب الامن والامان لمصر عاجلا ...... يارب العالمين |
رد: تغطيه الاحداث والتحاليل والاخبار لحظه بلحظه
ما ينفعشي رجوع يا أ / جنيدي ،،
المسيرة المليونية لازم تستمر و لو منجحتشي لازم وراها جمعة الرحيل المطلب لازم يكون ثابت رحيل مبارك لو علي الفوضي و الضحايا و الخراب ،،،،، فخلاص حصل يبقي يحصل مقابل شئ قيم لو علي المكاسب اللي اتحققت ،،، فعلا مكاسب قيمة ،، أولا تأكد حتي و لو بعد شهور رحيل مبارك ،، ثانيا ،، اتلغت فكرة التوريث و لو علي مطلب حل مجلس الشعب و الشوري ،،، اعتقد مطلب بسيط التنفيذ و لكن دي سياسة الانظمة الاستبدادية ،ن فرق تسد و يكسبوا وقت و ياخدوا مهلة و بعدين يشككوا المتظاهرين في نفسهم و أفكارهم و ممكن جدا يسحلوا كل قيادات الشباب اللي زي الورد و هل فيه حد يثق في إن مبارك أو أتباعه ممكن يعمل انتخابات نزيهة ؟؟ مهما كانت الوعود ؟؟ الخوف الحقيقي دلوقتي و اللي ليه شواهد إن فيه صفقة عقدت مع الأمريكان ،، مبارك يعين نائب و رئيس وزراء ،، مرضي عنهم من امريكا مبارك يستقيل من الرئاسة ،، النائب اللي هوا مرضي عنه من الأمريكان و إسرائيل أصبح ديكتاتور جديد و في نفس الوقت الشعب و المتظاهرون هيحتفلوا و ميقدروش يقولوا إن مطالبهم متحققتش و يكون كأنك يا ابو زيد ما غزيت |
رد: تغطيه الاحداث والتحاليل والاخبار لحظه بلحظه
علي فكرة مظاهرات تأييد مبارك ،،،
أعدادهم قليلة جدا جدا ،،، علي غير العادة يعني كام متوقع إنهم يقدروا يجيشوا الاف كالعادة و كمان الجيش لم يسمحلهم بدخول ميدان التحرير حتي لا يفتك بهم المتظاهرون |
رد: تغطيه الاحداث والتحاليل والاخبار لحظه بلحظه
اقتباس:
|
رد: تغطيه الاحداث والتحاليل والاخبار لحظه بلحظه
اقتباس:
المطلب لازم يكون ثابت!!!؟؟ كلام جميل ...!! لكن !! ياترى بالشكل دة الطلب ثابت ؟ فى البداية كانت المظاهرات تدعوا لتغيير النظام وعندما تمت الاستجابة تبدل الطلب لاسقاط النظام!! اذا لا يوجد طلب ثابت .. الامر اصبح اشبة بالمثل الشعبى هبلة ومسكوها طبلة كل ما النظام يستجيب لطلب تجد العناد يزداد..الامر لن ينتهى فى ليلة وضحاها المظاهرات حققت نجاحات كثيرة على المستوى السياسى وهى بداية تأكدنا انة لا توريث تأكدنا ان مجلس الشعب فى طريقة للحل تأكدنا ان مبارك لن يترشح مرة اخرى هناك وجوة كثيرة تم الاطاحة بها وغيرة الكثير من الايجابيات.. تعالى بقى للسلبيات البلد باظت يا احمد البلد باظت بالامس اتصلت ببعض اصدقائى فى مصر.. اللى ارقامهم جمعت معايا اكثرهم كان يبكى حزنا على ماحدث فى مصر اطباء واصحاب مراكز عليا اصبحوا فجأة بلطجية يمسكون بأيديهم طبنجات وعصي وسكاكين.. الناس لا تنام فى مصر يا احمد الرعب ملاء القلوب الأمنة... من ضمن من اتصلت بهم ثلاث اصدقاء لي ظباط شرطة احدهم يسكن فى المهندسين واخر فى امبابة والاخير فى بنى سويف اتصلت بهم وجدتهم جميعا متواجدين تحت بيوتهم مع رجال المناطق التى يسكنون بها لحماية الاعراض والاملاك مافيش امن فى مصر خلاص كل واحد بيحمى نفسة بنفسة الفضائيات لاتظهر اى شىء منما يحدث ولا تهتم الا بالمظاهرات الجزيرة الفضائية ولعت مصر المتظاهرين تخلصوا من الخوف الذى ملاء صدورهم طيلة 30 عام ولكنهم نقلوة وبشكل اكبر وافظع الى صدور المصريين الأمنيين.. انتقال السلطة سوف يتم ولكن ليس بهذا الشكل الفوضوى !! وان حدث سوف تكون بداية النهاية لمصر وسوف نرجع الى عصور مظلمة ويكون قانون الغابة هو الحاكم والبقاء للأقوى.. الانتفاضة الشعبية حققت نجاحات علينا الصبر لكي نرى نتائجها.. |
| الساعة الآن 05:14 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017