مصر موتورز مجتمع السيارات - محتاج إستشارة بخصوص كارتيرة زيت الموتور (عـــااجــل)

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

رد: محتاج إستشارة بخصوص كارتيرة زيت الموتور (عـــااجــل)

اقتباس:

المشاركة الأصلية كتبت بواسطة dr_eslam_66 (المشاركة 347863)

تامام أفادكم الله
إنشاء الله سليمة بس لو الشرخ فتح إبقى قولنا.

شكرا لمرور حضرتك على الموضوع،، وأنا أتمنى ان الشرخ ما يتشرخش تانى (ههههههه)

ولو حصل أوعدكم إنى هأبلغكم عشان بردو تاخدو بالكم...

عموما انا لحمتها من حوالى 10 أيام تقريباً
وحتى الآن الحمدلله كل حاجة تمام ومفيش أي تسريب للزيت من ناحية الكارتيرة.....

شكرا ًلجميع المشاركات.........

رد: محتاج إستشارة بخصوص كارتيرة زيت الموتور (عـــااجــل)

انا كان عندى مازدا 323 وكان فيها شرخ برضة وكانت بترشح زيت

رحت جايب اللحام اللى هو بتاع الحديد 2*1
وخلطهم وغسلت مكان الشرخ وحطيت الخليط والحمد لله فضلت كويسة لحد مابعتها

رد: محتاج إستشارة بخصوص كارتيرة زيت الموتور (عـــااجــل)

اقتباس:

المشاركة الأصلية كتبت بواسطة m_elmasoudy (المشاركة 332377)

منا عشان كده يا باشا بسأل هنا لأنى عارف إن أهل الخبرة كلهم هنا وبعدين أنا فى تخيلى شايف انه شرخ بسيط ومش محتاجه للتغيير الكلى مع العلم إن الكارتيرة نفسها ما إتطبقتش ولا إتنت ده اللى حصل ان القنطرة اللى عليها كرسى الفتيس ريحت عليها وموضوع انها جابت زيت ده لاحظته بعدها بفترة يعنى الشرخ ده نتج عن الإحتكاك مع قنطرة اللى عليها كرسى الفتيس
عموما ياباشا الف شكر على مشاركتك وإستجابتك وفى إنتظار المزيد

أخى الكريم
فى أنبوبتين مع بعض بيتباعوا
وهم مخصاصين للحام الحديد
وبيتباعوا عند محلات المسامير
كيفية الاستخدام
1- يتم تنظيف مكان الشرخ جيدا جدا بالبنزين
2- بتم خلط المعجون الموجود فى الانبوبتين فى أى وعاء
3- يتم دهان مكان الشرخ
سعر الانبوبتين 7 جنيهات فقط لاغير
ما تشكوا منة حدث معى
أخدت مطب وأتشرخ كرتير الزيت الموتور
وتم عمل ما سبق
والمحد لله النتيجة جبده جدا جدا
فقط 7 جنيهات