رد: ايه رأيكم فى البونتو كلاسيك يا رجاااله
 

ي جماعه العربيه البونتو كلاسيك عربيه محترمه جدااا وفعلا 2011 تقفيل صربى لاكن لو اتقارنت بعربيات كتير ااولا هيه اوسع من ال i10 وتانى حاجه انها مواصفات اوروبى وعلى فكره العربيه 60 حصان بس مش 77 حصان العربيه على الطريق 180 وثابته جدا جدا الفرش بتاعها كويس جدا وخامتها جميله جدا جدا وتعقيب على الموتور والمكان الواسع هيه ميزه بكل الطرق لان اى مكنيكى ممكن يشتغل فيه وعلى فكره العربيه ديه بينزل منها موتور 1200 تربو ديزل علشان كده المكان بتاع الموتور واسع والتكييف بتاعها قوى جدا واستهلاكها للبنزين كويس جدا غير كل ده فيها 2 ايرباج وفيه خاصيه سيتى باور ديه مش موجوده ف عربيات كتير

رد: ايه رأيكم فى البونتو كلاسيك يا رجاااله
 

طيب يا باشا ممكن بس تقولى البونتو الكلاسيك اللى انت شوفتها كانت الكماليات اللى فيها ايه يعنى فيها cdplayer ولا كاسيت ولا مفيش اصلا و كمان لو حد فاهم موضوع الموتور بتاعها هو ضعيف ولا هو كده قوى بس سحر الايطالي بقى هو اللى مخليه 1300 و 102 عزم و 60 حصان ؟
ارجو الافادة عشان البونتو بصراحة داخلة دماغى اوى و بفكر فيها هى او الفيرنا و انشاء الله فى خلال اسبوع هنزل المعرض و كمان قطع الغيار انا سمعت انها غالية و ان التوكيل زبالة و المراكز معاملة مش حلوة

رد: ايه رأيكم فى البونتو كلاسيك يا رجاااله
 

بص يا باشا كماليات البونتو كلاسيك 2011 تتلخص فى 2 ازاز كهربا و 2 ايرباج وخاصيه سيتى باور - فتح الشنطه من الداخل - تكييف قوى
مفيهاش كاسيت اساسا
موتور العربيه بناء على أراء ناس جربته كويس جدا جدا جدا والسحب مبيقلش كتير وانت بتجرى ومشغل التكييف والموتور يتهيألك انه ضعيف بس هو مناسب جدا بالنسبه لوزن العربيه يعنى لا اقوى من العربيه زى الفيرنا ولا اقل من العربيه ف تحس انك راكب بطه بالعكس الموتور بيسحب سحب كويس جدا ومبتحسش انك راكب عربيه 1300 سى سى ومواتير الفيات اللى بتنزل مصر هتلاقيها 1300 و 1400 و 1500 لان الايطالى هنا كده ورأيى الشخصى 1300 سى سى فيات = 1600 اى عربيه تانى

قطع الغيار مش غاليه اوى ومش رخيصه يعنى اغلى من الفيرنا واللانوس بس موصلتش للوجان والبروتون ساجا
التوكيل ناس كتير هتلاقيها معارضاه وناس بتشكر فيه بس اللى جرب التوكيل وانا على معرفه بيه قالى انه كويس سواء النيل اللى فى اسكندريه او اوماترا فى القاهره وعموما اوماترا هتفتح توكيل صيانه فى اسكندريه على الطريق الصحراوى مع بدايه السنه الجديده وداااااااااايما فى خلاف بين الناس على التوكيلات ناس تقول كويسه وناس تقول وحشه ( ده انا لقيت ناس قالتلى ان توكيل بروتون عز العرب كويس) مع ان 90 % من الناس اجمعت انه أسوأ توكيل فى مصر

وكلمه اخيره بالنسبه لقطع الغيار هى هترخص تانى لان العربيه انتشرت بطريقه فظيعه ولقيت ناس كتير ركبتها ..... اتمنى انى اكون افدتك والكلام ده كلام ناس جربت العربيه مش كلامى انا مقتنع بالعربيه دى بس لسه مشترتش ونااااااااوى ان شاء الله عليها
أسف على الاطاله