رد: لو كنت مكاني - ادفع الفرق و لا اوفر فلوسي >>>>> استطلاع
 

موضوع جميل وفكرة العرض بعنوان يجذب القراء يستوجب التحية.

أتفق مع معظم الاراء فى تلخيص الاولويات كالتالى:
1- تقفيل بلد الصنع (المنشأ)
2- عوامل الامان
3- الكماليات

على سبيل المثال:
- دايو لانوس 1 الناس بيشكروا فيها عن لانوس 2 لأنها وارد كوريا وليس تقفيل محلى.
- حاليا أفيو المستورد افضل من مثيلتها فى التقفيل المحلى

وأخيرا ممكن حد يفيدنا عن معلومة موديلات الفيات (بونتو - برافا - سيينا) الحديثة هل هى تقفيل ايطالى ؟
انا قريت على احد الموقع ان فيات باليو (على سبيل المثال) متجمعة فى الصين !!!!! هل هذا صحيح ؟

ولكم جزيل الشكر وتقبلوا تحياتى .

رد: لو كنت مكاني - ادفع الفرق و لا اوفر فلوسي >>>>> استطلاع
 

رد: لو كنت مكاني - ادفع الفرق و لا اوفر فلوسي >>>>> استطلاع
 

Mawdo3 tare2et 3ardo testahel tas2efa b sra7aptmnlo123per154

Wana ra2ye.....1) Ashtery tab3an ta2fel bladha l2enhom adra beha bdal ma nefty hena w yeb2a kol hamen el tawfer

2) el kamaleyat kfaya el basic w b sra7a mabtefre2sh m3aya la el airbags wala el ABS

رد: لو كنت مكاني - ادفع الفرق و لا اوفر فلوسي >>>>> استطلاع
 

انا متشكر جدا يا جماعه على مشاركتكم و اهتمامكم بالموضوع
واحلى حاجه في الموضوع ارائكم القيمه و مشاركاتكم الفعاله .... هي دي القيمه الحقيقيه للموضوع
انا نفسي ارد على كل مشاركه بس حبقى رغاي اوي .... ولو انجزت في الرد حبقى قصرت في حق الناس اللي شاركت....
بس بصراحه مش قادر انام قبل ما اشارك

اغلب الناس تقريبا اجمعت ان الجوده اهم حاجه
واعتقد ان اي حد عارف ان المستورد احسن من المحلي ...
بس يمكن الناس بتضطر تشتري المحلي عشان ارخص او لان سعره في حدود الميزانيه المتاحه

بالرغم من ان الكماليات اقل اهميه من الباقي الا ان المشكله اللي اثارها احمد انور فعلا تضايق ... الواحد يجيب عربيه و عليها سدادات !!!!! ما هو اكيد حيبقى متضايق .... و حتى لو عملها عند مركز نضيف حتبقى فيه حاجات فاضيه او مسدوده ..... و ساعتها الواحد نفسه هي اللي حتتسد من العربيه وحيحس انه فعلا درجه تانيه على رأي أ/حازم....
يمكن علشان كدا اغلب الوكلا بينزلوا العربيات فول اوبشن من غير سيفتي وخصوصا المحلي ....

هل احنا بنشتري بناء على الشكل و ميهمناش المضمون .... او لما نيجي نشتري .... الكماليات بتزغلل عينينا؟؟
ولا السيفتي دي حاجه ثانويه بالنسبه لنا ؟؟ او حاجه مش بنحس باهميتها الا ساعه الجد ؟؟

للاسف مش كل الناس بتهتم بعوامل الامان يا بشمهندس محمد ..... بالرغم من انها اهم حاجه !!!! الحديد بيتصلح لكن البني ادم ..... عليه العوض ؟؟؟!!!!!

طبعا عندك حق يا ابونورا ... فيه اساسيات و حدود دنيا لقبول العربيه و لو ماكانتش موجوده تسقط العربيه
(منك لله يا غبور ال تييييييييييييييت ...)

فعلا يا استاذ بنداري .... فيات بتجمع عربياتها في الصين و البرازيل .... بس بصراحه احسن من ما كانت بتتجمع في مصر !!!! و الدليل .... سيينا
الكلام دا اكيد بالنسبه للسيينا - باليو - بونتو كلاسيك - .... لكن مقدرش اجزم بالنسبه للبرافو ... اشك بصراحه

المشكله فينا يا ايمن ... احنا بنشتري الحاجه لما تغلا فاكرين اننا لو استنينا حتغلا اكتر زي حديد التسليح .... و لو رخصت نسيبها ونقول لسه بكره حترخص كمان !!!!!
وده بيخلي الوكلا مصممين ميرخصوش
بس كدا كدا غصب عننا او عنهم حيرخصوا ..... لأن مفيش حد بيشتري والسوق نايم ولازم يصرفوا المخزون

عجبتني اوي وجهه نظرك يا بشمهندس احمد في موضوع عدم تأثير الكماليات على سعر اعاده البيع .... بس بصراحه انا من الناس اللي متحبش التقسيط و اجيبها ناقصه اي حاجه احسن

نور .... الله ينور رأيي من رأيك تمام
وغالبا لو انا في الموقف ده حاعمل زي ما قلت يا استاذ مهاب .... الجوده وبعدبن الكماليات و للاسف السيفتي اخر حاجه لو الميزانيه تسمح ... و ده اللي انا عملته بالفعل لما جبت الماتريكس

شكرا م/ بركات

اتمنى اكون رديت بسرعه و مطولتش .... حاولت اقصر على اد مااقدر...
بس فعلا استمتعت و استفدت يارائكم ....
وكل الشكر و التحيه ليكم

رد: لو كنت مكاني - ادفع الفرق و لا اوفر فلوسي >>>>> استطلاع