رد: شيزوفرينيا - 1- الفانوس بالفانوس والبادى اظلم
 

وكمان كفاية بس إنك ضربته حرام تحط نفسك فى موقع الظالم وتكسر له عربيته

بص انا هزود على الكلام اللى زى الفل اللى فوق ده " حطيت نفسك مكانه"

فى قاعدة فى التنمية البشرية بتقول إن افضل أنواع الإنفعالات هى الإنفعالات المتحكم فيها من الشخص المنفعل

وأنت كسرت هذه القاعدة ثلاث مرات

المرة الاولى لما قولت إنك كنت منفعل بالسلب ضد إلى زميلك بيعملوه فى الزفه وكان الاحرى بك إنك تتحكم فى إنفعالك وتاخد قرار سليم وتجبر الزفة إنها تركن وتتكلم معاهم وتقولوهم يفتحو الطريق بدل ما أنت متنغص عليك وكمان بقيت إيجابى والأهم إنك تلاقى البديل يعنى مثلا تعالوا نمشى ارتين لحد منروح مكان هادى نهيص فية براحتنا وهكذا

المرة التانى ودى أنا لا أعاتبك عليها لأن فى مبدأ بيقول إحذر الحليم إذا غضب بس معلش إبقى حاول تيجى على نفسك يعنى لو إنت كنت متحكم فى إنفعالك كنت ممكن بمنتهى البساطة تضرب بوز تمااااااام وتاد المفتاح بس وانت مسيطرعلى نفسك كنوع من التخويف لسواق الشاهين وتضربه بإيدك تزعقله جامد شويتين بس مش تعمل اللى عملته تخيل نفسك بدون صحابك حوليك وفى غمرة إنفعالك لا قدر الله خبطت الراجل بالمفتاح فى دماغة موته ولا وديت نفسك فى داهية على شيء ميستحقش

المرة الثالثة وبرضه أنا لا الومك لأنك طلاما كسرت القاعدة المذكورة سابقا فى المرة الاولى و الثانية بذات فلازم تكسرها فى المرة الثالثة وهى عدم تحكمك فى شعورك القهرى بالذنب أو بالعكس المهم أنا بنصحك بإنك تكبر دماغك وتحمد ربنا على كل حال وحط فى دماغك إنك مينفعش تبكى على اللبن المسكوب بس ممكن تحافظ على اللبن اللى فى الإناء

و احب اشكرك على شعورك الإيجابى اللى ظهر برضه ثلاث مرات

الاولى عند إحساسك بالضيق مما يحدث فى الزفه

والثانية لما نزلت وهزقت السواق عشان ميتفرعنش ويحل مشاكله كلها بالطريقة المهببة والهمجية دى

والثالثة عند شعورك النبيل بالخطىء والإعتراف به

وكما قلت لك سابقا لو دعمت شعورك الإيجابى بتصرف إيجابى لكان افضل ولاكن قدر الله وماشاء فعل

رد: شيزوفرينيا - 1- الفانوس بالفانوس والبادى اظلم
 

السلام عليكم

طرح القصة للنقاش فى حد ذاتة بة الرد على سؤالك. أستغفر الله وأدعو للسائق الذى لربما لن تقابلة أبدا مرة أخرى طوال حياتك أرجو أن تكون أستفدت من التجربة للمستقبل فمن الواضح أنك من أصحاب النفس اللوامة.

هشام باهى

رد: شيزوفرينيا - 1- الفانوس بالفانوس والبادى اظلم
 

مع احترامى الكامل لصاحب الموضوع
ومع تقديرى الكامل لموقفه وعذره وقت الغضب وبالاخص انه لم يكن المخطأ

ولكن كلمة ساقولها فقط على سبيل المشاركة وليس على سبيل النصح حيث ان كل الاعضاء على قدر كبير من الثقافة والرقى
ليس الشديد بالقوة ولكن الشديد من يتمالك نفسه وقت الغضب

انا عارف وعايش فى ارض الواقع وانا عن نفسى عصبى جدااا والحمد لله لدى علاقات تخرجنى من اى مشكلة بفضل الله ولدى قدرة جسميه على اخذ حقى بيدى بفضل الله

ولكنى اخاف شر نفسى وغضبى لان وقت العصبية والشر نصبح ملكا للشيطان ونخرج عن وعينا فيمكن ان تتطور الامور الى مالايحمد عقباه
زمان جدا فى اول مراحل الشباب والقوة والاندفاع اتخانقت مع شخص سئ كان ( مستلمنى فى الرايحة والجايه ) اتهورت عليه واطلقت العنان لغضبى وقوتى وبكل اسف تركت لديه عاهه مستديمة

لا تتخيلوا مقدار المعاناه التى عشتها سنين طويلة نتيجه لذلك لان الامر كان ممكن يتطور وكنت فى طريقى الى قتله لولا رعايه الله
ومن يومها اتخذت مبدأ ( اى تلفيات فى اى حاجة عدا روح انسان او جسمه ( فى داهية ) وسوف يعوض الله خيرا منها
اى اهانة فى حقى ( عدا الاعراض طبعا وما شابه ) افوض امرى لله واحتسب حقى عند الله
فانا لا اخاف على من اهاننى او اتلف ممتلكاتى ولكنى اخاف على نفسى وعلى من حولى من اهلى اخاف ان اذا اطلقت غضبى ان اتسبب فى تطور الامور الى مالايحمد عقباه

هذه ليست دعوة للجبن والتخاذال ولكنها دعوة للسيطرة والتحكم فى النفس

رد: شيزوفرينيا - 1- الفانوس بالفانوس والبادى اظلم
 

رد: شيزوفرينيا - 1- الفانوس بالفانوس والبادى اظلم