مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- كهرباء السيارة (https://www.masrmotors.com/vb/forumdisplay.php?f=149)

- - Mp3 Car (https://www.masrmotors.com/vb/showthread.php?t=35612)

السلام عليكم
انا آسف لدخولى بسؤال لكنى محتار ومش عارف اجابه بخصوص ام بى ثرى كار انا جبت واحد وكانت الولاعه شغاله واشتغل ولكن اجى اشغله بعد فتره يكون منور يعنى واصل كهرباء لكن مافيش صوت قعدت احركه يمين وشمال وفى الاخر طفى خالص والولاعه مش شغاله انا مش عارف بصراحه ايه الى حصل وياترى الولاعه كده باظت واغيرها منين ولا الفيوز ضرب واعرف ازاى يالايت ياجماعه حد يرد عليه .السياره 128
ولكم جزيل الشكر

استكمالا لسؤالى انا روحت امبارح للكهربائى عشان موضوع الولاعه طلع الفيوز وحطه تانى اشتغلت وطبعا اشتغل ام بى ثرى بس برضه لسه بيعلق فى التشغي يعنى ساعات يشتغل وساعات لا وبالذات لما ادور العربيه بيفصل وميشتغلش مع انه بيكون منور بصراحه ياريت حد يفيدنى فى الموضوع ده بعد اذنكم

MP3 MODULATOR انا جبته ب25 جنيه هو كويس بس بيفصل بعد المطبات واول ما العربيه تسخن يوش ويفصل ولازم تطلعه وتحطه تاني وتاعبني قوي روحت شلته وبحط الموبايل علي الشريط الي ب10 جنيه بس البطاريه بتاعت الموبيل كده بالسلامه ومش عارف الحل ايه؟؟؟:crazyW14:

الحل تغير الكاسيت وتجيب زي اللي عندي بيشغل فلاشة وميموري موبايل و كمان راديو fm

و زي العسل ب 100

اقتباس:

المشاركة الأصلية كتبت بواسطة Injection (المشاركة 255225)

الشريط بيقعد حسب أستخدام حضرتك ليه, تمنه جملة مايكملش 5 جنيه وصينى, وزى أى حاجة من النوعية دى بيحتاج أستخدام "رقيق" وغير قاسى, بس لبساطة تصميمه هيعيش كتير.

فيه أنواع وكواليتى كتير بتختلف حسب الأسعار, يعنى فيه شرايط زى ده, بتشغل ميمورى وفلاشة وفيها ذاكرة داخلية 256 ميجا, ووو, وأمريكى والثمن طبعا بنفس المميزات.

http://cdn.gadgetvenue.com/wp-conten...obiblu-mp3.jpg

وفيه حاجات تانية بتتباع فى فى راديو شاك زى اللى مع حضرتك أو مختلفة فى اللون, بس المواد المصنوعة منها نضيفة جدا وبتستحمل كل حاجة, ونقلها للصوت أحسن بكتير من اللى مع حضرتك, بس السعر هيبقى فى حدود 100 جنيه.

وللأسف بما ان الصين بتقلد كل حاجة بكواليتى زبالة مافيش غير المحلات الكبيرة أوى زى راديو شاك وغيره هى اللى بتجيب كواليتى عالى, لأن حضرتك لورحت محل تشوف الشريط ده ولقيته ب 50 مثلا ورحت محل تانى لقيته ب 10, 99.5% هتشترى اللى ب10 رغم أن نوعيته سيئة, وده خلى التجار يبطلوا يجيبوا حاجات نضيفة.

قصد حضرتك ان فية شريط زى الشريط العادى بيبقى داخلة كارت ميمورى

لو كدة تبقى فكرة حلوة

بس دة بيشتغل ازاى وتقلب منه الاغانى ازاى

دة لو أنا فهمت الموضوع صح

وشكرا