رد: محتار و نفسى افهم
 

بصراحة يا شريف الكلام عام وفيه تحامل زيادة عن الازم

انا اديتك مثال فوق زى الشيرى ال A1 ناجحة حالياً فى مبيعاتها وده لانها الوحيدة 1300 سى سى بالسعر ده وبعدين فيها كماليات مش موجوده فى الفئة ديه خالص يعنى بصراحة عربية من فئة تانية ب 52 الف والفرق بينها وبين عربيات اقل فى الفئة والكماليات عشر الاف جنية وتصميم ايطالى كمان مش هنقول شكلها زى الصينى الغريب بتاع الفروتة والفلاير والحاجات ديه

مش عارف ازاى مش عايز تشوف الفرق ده عشر الاف جنية توفير وموتور اعلى و(كبشة) كماليات وتصميم جميل عايز ايه تانى

ونفس الكلام دلوقتى ينطبق على ال FRV

رد: محتار و نفسى افهم
 

AboNora عنده حق ....
و بعدين ما هي كل الناس اللي مشتريا صيني اكيد مش ساذجه ولا مضحوك عليها .. المفروض ان كل واحد عارف هو بيعمل ايه ... و بيجيب اللي يناسبه ويناسب امكانياته...
يعني انا لو محتاج عربيه 4×4 وامكانياتي 100الف بس حقارن بين التيجو و التيريوس.. ( بالرغم ان التيريرس معديه ال100) وممكن اوي اجيب التيجو.. طبعا مش حفكر لا في هوندا او راف4 او فيتارا... لانهم بعيد اوي
يا اما افكر في مستعمل وده موضوع تاني

رد: محتار و نفسى افهم
 

انا حبيت اعلق بس على موضوع الشكل الى الناس كلها بتتكلم عنه ؟
انا مش شايف حاجه شكلها حلو غير ( البريليانس _ اسبيرانزا 113 ) والتيجو الى حدا ما مش جامده ولا حاجه
والباقى زى الزفت الى مصممهم بيبقى نايم وهو بيصمم
يعنى مثلا 213 مش عربيه دى حاجه مقززه ماشيه على الارض _ وال516 المنتشره اوى دى مافيش فيها اى تناسق فى التصميم والابعاد :بمعنى انك تلاقى الواجهه انسيابيه والشنطه مربعه ( بحس انهم بيقطعوها بالمنشار ) والمحاور بتاعتها كبيره اوى على العربيه والكاوتش تحس انه مسكين جوه المحور ,
وسيبين مكان للارباج فى التابلوه بشكل مش حلو , غير الفوارق الواضجه فى التابلوه .
ونفس الشى للاسبيرانزا 620 .
وبرده الهندى (الماهيندرى_ سكوربيو ) سبحان الله,
انا بتضايق اوى لما اشوف العربيه دى وانا ماشى
وبحتقر الى اشتراها ودفع فيها ( 135&160) الف جنيه
وصفها الوحيد ( كشك متحرك ) وتصميم متخلف من شخص متخلف وشركه متخلفه وطبعا الوكيل الى نزلها مصر شكله مش فاهم حاجه .
وكفايه كدا علشان انا اتخنقت .ptmnlo123per135

رد: محتار و نفسى افهم
 

لو تسمحولى انا ليا سؤال هى الناس تاعبه نفسها ليه بموضوع الصينى دا اللى يشترى هو حر و اللى ميشتريش برده هو حر مش من حق اى حد مهما كان او مهما كان الغرض من كلامه انه يحجر على حريه اى طرف تانى فى اى شئ مش بس شراء سياره معينه يعنى انا شايف انى لما اشترى حاجه مش لازم اقول و ابرار و ادافع عن قرارى ببساطه انا اشتريت لانى عايز اشترى هذا الشئ بس كده من غير خوض فى معارك ضاريه و احتقار و ازدراء من الاخرين لقرارى لانى المتحمل الاول و الاخير لعواقب هذا القرار .


أسف على حده كلامى .

رد: محتار و نفسى افهم
 

Brilliance FRV

2 air bags
ABS
EBD
2 زجاج كهرباء أمامي فقط
- تكيف
CD player
- سنتر
- 1600CC
- موتور Matsubishi
- العربية بتقفل الترابيس عند سرعة 24كم\س أوتوماتيك للأمان
- تنبيه في حالة عدم غلق المصابيح
- مفتاح يعمل بالقصور الذاتي لغلق دورة البنزين عند حدوث الصدمات.

- عفشة ألماني بتستحمل جامد وبتعمل إتزان للعربية بشكل آمن جدا وده علي حسب رأي الناس اللي مجربنها في المنتديات
- العربيةبـ75ألف مانيوال ومافيش منها أوتوماتيك في مصر
أو
- 82ألف علشان ممكن تزود كماليات رفاهية وهي الآتي :
Fog light
مرايات كهرباء
مفتاح ريموت
sensors
جنوط سبور

- بس ممكن تجيب إنت الحاجات دي من بره التوكيل حتبقي أرخص وتخليهم يركبوهالك هم.
- خلي بالك مع BMW ماتركبش أو تصلح حاجة بره التوكيل وإلا حتطلع بره الضمان وده شيء مقنع .

في حاجات تانية :
FRV فيها قوائم فولاذ علي شكل حرف B مما يعطي الأمان في حالة حدوث حوادث من الأجناب.
- كمان العربية حقن مباشر للوقود
- الفرش الداخلي من المخمل
- مقعد الراكب قابل للضبط في أربعة اتجاهات

- شكل الFRV مسروق من الـHyundain I30 إللي بـ128 ألف وده بيدي منظر جامد طحن ...مش إيطالي زي ماهم بيقولوا