مصر موتورز مجتمع السيارات - طريقة فك طابلوة الماروتى

مصر موتورز مجتمع السيارات (https://www.masrmotors.com/vb/index.php)

- سوزوكى Suzuki (https://www.masrmotors.com/vb/forumdisplay.php?f=33)

- - طريقة فك طابلوة الماروتى (https://www.masrmotors.com/vb/showthread.php?t=34371)

رد: طريقة فك طابلوة الماروتى

اقتباس:

المشاركة الأصلية كتبت بواسطة adidass (المشاركة 284025)

مساء الخير يارجاله :-
انا لسه جايب ماروتي 2011 وفيها كاسيت طبعا كاسيت سانيو عقيم اوي لا وعلشان تغيره لازم تفك التابلوه علشان متركب من جوه
اخدت معاد في التوكيل واخدت معايا الكاسيت الجديد ورحت في المعاد قالي 100 جنيه فك وتركيب .. طبعا سبته ومشيت .. بس المهندس الي كان هناك ابن حلال اوي هوه الي قالي متستاهلش 100 جنيه قلتله انا اعرف اركب الكاسيت بس معرفش اخلع التابلوه .. قالي فك المسامير الي ادامك وكدا هيتفك .. طبعا رحت زي الشاطر افك التابلوه وللاسف التابلوه حالف مايتطلع .. حد ينجدني ياجماعه من الكاسيت العقيم دا ولو فيه كلبسات ولا حاجه تقولولي انا مدايئ جدا :(

الكاسيت العقيم ده ابو بكرتين انا برضو شلته

رحت لواحد بتاع تركيب كاسييتات وهوا اتصرف وشاله ومفكش التابلوه حالص
بس غلبه شويه وشاله وبعدين قصيت شويه في التابلوه وركبت الكاسيت النضيف في نفس المكان وكله تمام والعمليه اتكلفت 25 جنيه فقط

متتضايقش
اي حد بتاع تركيب كاسيت هيتصرف

تحياتي

رد: طريقة فك طابلوة الماروتى

Alf Alf shokr ya man ... rabna ykhalek lena yarab ..
Ur the best :)

رد: طريقة فك طابلوة الماروتى

والله كاسيت الماروتي ده مقرف جداً
انا معايا ماروتي 2010 جبتها شهر5اللي فات
وانا طالع من عند المعرض اللي اشتريتها منه اشتغل ومكنش معايا شرايط فقولت اشغل الراديو اشتغلت اذاعة اغاني
بلف البكرة علشان اجيب اذاعة القرآن الكريم لقيته باظ وحلف ما يشتغل
ريحت نفسي وجيبت البتاع اللي بيركب في الولاعة ابو30جنيه ده وبحط الفلاشة او الميموري وزي الفل كده
بس عايز اغير السماعات لأني بسمع صوت الموتور في السماعة وبيبقى مزعج جداً

رد: طريقة فك طابلوة الماروتى

اقتباس:

المشاركة الأصلية كتبت بواسطة أبو أسكندر (المشاركة 286062)

ياباشا سيبك من الكاسيت دا علشان ردئ جدا وقديم.. دا ملوش غير مخرج سماعه واحده بس والطبيعي بيكون في سماعه رايت وليفت دا مفهوش .. انت تشتري احسن كاسيت سي دي بالفلاش ميموري والميني كارت سوني ماليزي ب 650 جنيه بس وتروح لواحد كهربائي يشيل الكاسيت القديم والساعه علشان المكان يكفي او لو مش عايز تشيل الساعه هتتطر تشتري ستاند عربيه 128 بتاع الكاسيت وتركبه مكان الاستاند الي عندك الي مكتوب عليه ماروتي وفيه بردو مكان تحط فيه حاجاتك واكبر كمان بس روح عند كهربائي نظيف ..
اما بالنسبه للسماعات البورده الاصليه هتلاقيها قوست مع الوقت من الشمس في الاحسن تروح لنجار يعملك بورده تانيه زيها بس خشب وهات السماعات الي تعجبك ووديها للنجار يفتحلك مكانها ويسبهم كويس وبعد كدا حط عليها فرش والزقها بكوله علي الخشب علشان يبقا منظرها جميل .. وبالتوفيق ياجميل

رد: طريقة فك طابلوة الماروتى

انا كمان عايز اركب سماعه ف التابلوه تحسسني ان الصوت متوزع و ظبوط كده مش لازم اعلي اوي عشان اسمع و اللي ورا يتطرش و يتقرف من الصوت
طيب التكلفه كام
يعني سماعه نضيفه و ع المقاس اللي ف التابلوه و كمان سعر التركيب هيكون كام