المشاركة الأصلية كتبت بواسطة aboaya (المشاركة 241812)

المشاركة الأصلية كتبت بواسطة احمد بدر1978 (المشاركة 241826)

الف مبروك ربنا يباركلك فيها ويكفيك شرها

المشاركة الأصلية كتبت بواسطة cars admire (المشاركة 241938)

مبروك وعقبال 100مليون كيلو وانتى بالصحة والعافية ربنا يبارك لك فيها

المشاركة الأصلية كتبت بواسطة aymanlaw (المشاركة 242038)

الف مبروك وربنا يسعدك بيها ويكفيك شرها وشر الحاسدين --- حضرتك انا كمان عندى البى كلاس وهى عمله الى الأن 2225 كيلو --- وعايز انبه حضرتك بلنسبه للصيانه --- ارجوك ان تلاحظ سيارتك جيدا يعنى يجب ان تصر على وجودك اثناء عمل الصيانه مع السياره --- واى شىء تشعر بيه طوال هذه الفتره ارجوا ان تدونه قبل ذهابك للصيانه --- وبعد ذلك لاتوقع على استلام السياره الا بعد مراجعة كل ماتم عمله بناء على ماورد فى تقرير حضرتك الذى بلغته لهم ---ده اولا . ثانيا . راجع على نظافة السياره من الداخل لأنهم للأسف بيشتغلو وهما مشحمين وبيدخلو العربيه وبيو سخوها --- للأسف مفيش فيده فى المصريين . لذلك ارجوا ان تكون دقيق معاهم ومركذ قوى . وأى شىء مش عجبك خش فيهم شمال طالما حضرتك على حق . وعموما اتمنى من الله ان تكون توقعاتى كلها مش فى محلها بلنسبه للتوكيل ويكونو عند حسن ظن الجميع --- وللمره المليون مليون مليون مبروك لحضرتك وكل سنه وحضرتك بخير وكل المنتدى العزيز بخير وصحه وسلامه --- ورمضان كريم علينا جميعا .....

المشاركة الأصلية كتبت بواسطة ahm2020 (المشاركة 241597)

إمبارح رخصت العربية و بعد الفطار خرجت بيها أنا و الأولاد من حلوان لروكس لجنينة مول مع العودة يعني تقريباً 100 كيلو
أنا عاوز أكتب تقرير مفصل عنها بس للأسف أنا بعتبر الموضوع أمانه يعني مش عاوز أستعجل و أكتب العربية ممتازة و أتحمل ذنب ناس لو ظهر فيها حاجة
بعد كده
بس أنا هتكلم بمنتهى الحيادية عن الـ جاك بي كلاس
أولاً قبل ذكر المزايا و العيوب أحب أقول إن كان في حاجة كنت قلقان منها أوي و هي الموتور الـ 1500 سي سي مع عربية بالحجم ده
لكن إمبارح بعد ما مشيت بيها على الطريق الموتور مناسب جداً جداً ليها بس طبعاً مش بتاع شد و فرك وطلعات أمريكاني أنا بقول مناسب
العربية أدائها كان هايل و صوت الموتور يكاد يكون مش مسموع وأنا مش هتكلم كتير عن النقطة دي لأن دي إن شاء الله هتكلم عنها بعد صيانة الألف و الخمسة
آلاف

أولاً المزايا:
1- العربية مريحة جداً من حيث الأبعاد و الإتساع و سحب الموتور و صوته
2- ملفتة جداً للنظر يعني تمشي و كأنك راكب رينو فلوانس .. يعني أنا أول إمبارح بعد الفطار كنت عاوز أظبط الهوا بتاع العجل لأني مكنتش ظبطته بعد
الإستلام وخفت أحسن عجلة تريح ولا حاجة و أنا رايح أرخص .. والله أنا عديت على كمين كان شادد و موقفين الدنيا وأنا ماشي بالعربية من غير نمر أنا مش
عاوز أحلف إن أمين الشرطة قعد يبص على العربية من إعجابه أو إنشغاله بيها ما أخدش باله إن العربية من غير نمر و أنا اللي كنت بسأله عن حد بتاع كاوتش
قريب و فتح لي الطريق علشان أعدي
3- التكييف بصراحة ممتاز ماشفتش منه حاجة وحشة بس أنا مش بشغله كتير لأني لسة مكملتش الألف كيلو الأولى
4- الكاسيت صوته جميل جداً
5- الغيارات ناعمة و متحددة بشكل كويس
6- و في ميزة صغيرة أوي بس أحب أذكرها هي التميز إنك مش مقلد حد أو عربيتك مش زي عربية حد تعرفه

العيوب
1- أكبر عيب هتقابله مع العربية هو "الوسواس الصيني" و إسمحوا لي أسميه كده ..
أقصد إن من كتر كلام الناس و رد فعلهم لما يعرفوا إنها صيني يعني اللي يقول لك ليه عملت كده و اللي يقولك مش انت جبت صيني قابل بقى يا باشا واللي
يقول لك يا عم دي اللانوس برقبة أي عربية صيني الخلاصة كتر الكلام ده بيعمل حالة من الوسواس بتحسسك بعدم الثقة في العربية مع إنك ما شفتش منها حاجة
وحشة .. يعني أنا طول ما كنت ماشي بيها إمبارح مركز أوي مع صوت الموتور ومتابع لحركة الأزرار كلها بصورة زايدة لدرجة إن أي صوت في أي عربية
ماشية جنبي كان بيروشني
2- زي ما قلنا نقطة إنها ملفتة للنظر في المزايا فهي أيضاً يمكن ذكرها في العيوب لأنك بتحس بعيون الناس ملاحقاك في كل مكان و في بعض الأحيان في ناس
بتسألك عنها لدرجة إنك ممكن تخاف من الحسد يعني تبقى سايق و تسمع اللي بيقول لصاحبه "بص العربية دي" "حتة عربية" وحاجات زي كده لأني زي ما قلت
الناس بتفتكرها حاجة غالية أوي .. ربنا يسترها معانا جميعاً
3- العفشة مش ناشفة و مش ناعمة يعني إحساسي بيها بالظبط زي الميكروباص التويوتا الكبير الجديد أول ما نزل بتبقى حاسس بكل حاجة في الأرض بس مش
ناشفة
4- إمبارح بعد ما خلصت مشواري و جيت أركن العربية فكنت بركن في حتة طالعة فوق الرصيف هو في مطلع بس و هي طالعة سمعت صوت "تزيئ" بسيط
أوي في التابلوه بس ما قدرتش أحدد مكانه فين بالظبط علشان كده مش هقدر أذكره كعيب أساسي قبل ما أحدد مصدر الصوت وسببه ولو اتكرر تاني هل يمكن
علاجه و لا لأ.
5- الموتور صوته مش عالي بس الكاوتش علشان عريض صوته عالي شوية على الأرض
6- عندي إحساس إن ارتفاع الزجاج الخلفي مع الميل بتاعه و كمان وجود مساند رأس على الكنبة الخلفية كل ده بيعوق الرؤية من الزجاج الخلفي الإعتماد الأكبر
على مرايات الجنب و السينسور وبعدين في حاجة تاني لاحظتها إن الشمس لما بتكون وراك أشعة الشمس بتضيء الجزء اللي ورا الكنبة و بينعكس على الزجاج
الخلفي المائل وبتخليك مش شايف غير إنعكاس للجزء اللي ورا الكنبة في الزجاج الخلفي