مصر موتورز مجتمع السيارات - أعرف منين إنه المرش ولا البطارية ولا حاجة تانية

مصر موتورز مجتمع السيارات (https://www.masrmotors.com/vb/index.php)

- كهرباء السيارة (https://www.masrmotors.com/vb/forumdisplay.php?f=149)

- - أعرف منين إنه المرش ولا البطارية ولا حاجة تانية (https://www.masrmotors.com/vb/showthread.php?t=34045)

رد: أعرف منين إنه المرش ولا البطارية ولا حاجة تانية

السلام عليكم
بص ياباشا انا معايا 128 حصلت المشكله دى معايا لمده حوالى 3-4 شهور ورحت لكهربائى حسبى الله راح منضف لى المرش واخد المعلوم وقعد يقولى غير المارش لانه وحش والبطاريه كمان مع ان الاتنين زى الفل بس انا ما اقتنعتش وكنت ايام كتير بسيب العربيه عند البيت وبعدين اجى الظهر ازقها وتشتغل.
المشكله دى فى المارش بيبقى الشربون بتاعه اتبهدل رحت لكهربائى نظيف وقلت له نظف المارش وهوة يقولى ده كويس لانى روحت له والعربيه شغاله راح فاتح المارش لقى الشربون ضايع قام غيرة فى ثوانى واخد 30 جم كله على بعضه ولحد دلوقت تكه واحده والعربيه تدور .
ياجماعه العربيه دى زى الفل وصيانتها بحاجه ببلاش كده بس المشكله فى الصنايعيه اللى ماعندهومش ضمير يعنى انا بصراحه صرفت اكترمن نص ثمن العربيه عند صنايعيه معندهومش ضمير لحد لما اتعلمت.
نرجع لموضوعنا لما تضبط الشربون ممكن يكون احد اشباب التنتيش وعدم الدوار الجيد صباحا حاجات فى الكهرباء ودى انا عملتها بس مش كلها مرة واحده يعنى عمل الاتى:
1- غيرت كابلات البطاريه الموجب والسالب بكابلات نظيفه قوة الصفرا المحمله المتر حوالى 15-20 جم
2- نظفت اقطاب البطاريه وصنفرتها قوى وحطيت عليها فازلين خصوصا الموجب
3- ضبطت المارش زى ما قلت لك
4- غيرت كابلات البوجيهات وجبت الانضف حوالى 30 جم من سنتين
5- غيرت البوجيهات ngk او الفرنساوى وده احسن حوالى 30-32 جم
6-غير الاسبراتير كله احسن لو القديم تعب انا جبت الصينى وما انصحكش بيه ب70 جم بس الميكانيكى قالى فيه عيب وانا بس اللى فاهمه والعربيه ماشيه تمام بيه بس التركى احسن بحوالى 240جم
7- ودى اهم حاجه لانها هيه سبب المصايب عندى ودى اللى بوظت المارش وخلته كل شويه عاوز تنضيف وهوة موضوع ترشيح الزيت من وش السلندر هاتلاقيه بينزل زين على الماكينه وعلى الوجيهات وبيهدل الدنيا طبعا هاتروح لاى حد يقولك غير الغطاء انا بقولك فيه جوان بحوالى -3-5 جم تشيل القديم وتحط الجديد ومش هتلاقى ترشيح بعد كده ابدا .

انا اسف للاطاله بس ارجوا اكون افدتك
السلام عليكم

رد: أعرف منين إنه المرش ولا البطارية ولا حاجة تانية

اقتباس:

المشاركة الأصلية كتبت بواسطة ezzat2002mo (المشاركة 508215)

حضرتك جبت كل المفيد بالاضافة لرأى اخواننا الافاضل
مشكورين جميعا

معلش انا اضفت رد بالخطأ

رد: أعرف منين إنه المرش ولا البطارية ولا حاجة تانية

اقتباس:

المشاركة الأصلية كتبت بواسطة coolhazy (المشاركة 498627)

بص حصلت معايا الحركة دي ورحت لكهربائي
جاب ميه مغلية وحطها على اقطاب البطارية
واشتغلت بعديها تمام

نفس المشكلة كانت عندى بالظبط وده كان حلها بالضبط