مصر موتورز مجتمع السيارات - تجربة الكيا نيو سيراتو

مصر موتورز مجتمع السيارات (https://www.masrmotors.com/vb/index.php)

- كيا سيراتو Cerato (https://www.masrmotors.com/vb/forumdisplay.php?f=137)

- - تجربة الكيا نيو سيراتو - 1600 سى سى اوتوماتيك. (https://www.masrmotors.com/vb/showthread.php?t=33240)

رد: تجربة الكيا نيو سيراتو - 1600 سى سى اوتوماتيك.

مبدئيا التقرر اكثر من رائع واحيك على طريقة سردك له مع اختلافى فى بعض نقاط التقيم، والتى اتفق فيها تماما مع الاستاذ بدر .

اقتباس:

المشاركة الأصلية كتبت بواسطة بدر بسيونى (المشاركة 234129)

نجحت لعدة اسباب

شكل خارجى متطور وجديد(وطبيعى ناس كتير حتختلف عليه لانه جرئ ومبتكر

عربية مناسبة لفئتها السعرية بامكانيات اعلى من منافسيها)

صيانة سهلة وممكنة خارج التوكيل بكل بساطة لاتحتاج لامحترف ولا ساحر

قطع غيار متوفرة فى كل الاماكن وعربية فغير معقدة ولامبالغ فى التفنية فيها

عربية مطلوبة فى السوق ومصر كلها بتحبها

لو عاوز تبيعها حتبيعها وانت حاطط رجل على رجل وبمنهى السهولة وباقل خسارة

توكيل محترم وضامن عربيته ضد عيوب الصناعة 5 سنوات او 100 الف ايهما اقرب

تصميم دالخى متطور وخاماته مناسبة للفئة السعرية وانا متفق ان السيراتو خامتها مش تحفة بس مناسبة لفلوسها

قدرة اعتمادية مقبولة لفئتها وموثوق بها بدليل نجاحها فى الشرق الاوسط بالمقارنة بالاوربى (ماعدا الالمانى)

اداء مقبول بالنسبة لفئتها وهى عربية مش رياضية

فى المجمل العربية ناجحة مهما اختلفت الاقاويل بس هى نجحت وكان الامر بدليل انتشارها والانتشار لاى منتج دليل نجاحه غالبا وللان ماحدش قال عليها من ملاكها انها سيئة ولا انها مرسيدس عربية كورية محترمة ب100 الف ممتازة لفئتها

وللعلم والله انا مش محبى السيراتو وانا من ملاك الالنترا اللى مش مفضلة بالنسبة ليا بس الواقع وعقليا العربيتين مناسبين جدا لفلوسهم

رد: تجربة الكيا نيو سيراتو - 1600 سى سى اوتوماتيك.

اقتباس:

المشاركة الأصلية كتبت بواسطة Ahmed Anwer (المشاركة 234054)

أعتقد فيه معلومات فنية خاطئة في الجزئية دي

هوا مين قال إن الستبترونك مش أوتوماتيك عادي ؟؟؟

الستيبترونك فتيس أوتوماتيك عادي جدا كل الحكاية إنه بيسمحلك إنك تنقل بنفسك بدلا من منظومة الأتوماتيك العادية

بقية التقييم مقدرشي أحكم عليه عشان مجربتهاش لفترة طويلة

باستثناء نقطة التصميم الخارجي لو أنتا محايد كان عاجبك لأنه أوربي الطابع تماما

و بعدين أيه المبالغة اللي فيه ؟؟؟ ده لا فيه بروزات و لا نتواءات و لا تنفيخات

ده العربية نازلة صبه كده ،،،

الستيب ترونيك ممكن يكون اوتوماتيك بمحول عزم عادى و ده اللى موجود فى المرسيدس,
و لكن الستيب ترونيك فى العادة يتكون من 6 نقلات أو أكثر و ليس 4.
و يمكنك التأكد من ذلك
http://en.wikipedia.org/wiki/Kia_Forte#Engines

رد: تجربة الكيا نيو سيراتو - 1600 سى سى اوتوماتيك.

اقتباس:

(الموضوع ده كان لفترة لكن بعد استقرار التوكيل مؤخرا الوضع اختلف تماما بدليل نسبة المبيعات المرتفعة جدا وظهور السيارات الخليجى منها) ل(مع فائق احترامى الشوما والسيفيا كانت عربيات وحشة فى مصر بالعكس عربيات محترمة جدا بشهادة ملاكها )

انا اتحدث عن سمعة كيا عالميا و ليس فى مصر فقط,
سمعة كيا عالميا سيئة للغاية.

اقتباس:

ياسيدى الفاضل كلام حضرتك بيحسسنى انى بتكلم عن عربية 165 الف جم عربية ب100 الف مش مطلوبة من الفئة السعرية فى مصر كل اللى حضرتك بتدور عليه الى جانب عربية شكلها حلو وذات امكانيات وسعر اعادة بيع مرتفعة وصيانة سهلة و قطع غيار رخيصة

انا هنا لا اتحدث عن السعر, هناك سيارة, و انا اختبرها و انقل احساس القيادة بكل أمانة,
اللى شايف انو هذا الاداء يساوى 100 الف فليشتريها, مش عشان العربية رخيصة هقول انها سريعة نسبة لسعرها مع العلم ان هناك سيارات فى نفس الفئة السعرية و ربما ارخص و لكنها تقدم اداء افضل بكثير.

اقتباس:

انا بستغرب كتير فى المنتدى من ان انا شارى عربية ب100 الف او 120 الف وعاوز منها ثبات خرافى واداء رياضى وجير متقدم كله ده موجود ابتداء من السيفيك فبالتالى العربية مش مطلوب منها ثبات اكتر من 100 الى 120 وشكرا عاوز سرعة اعلى اشترى عربية اغلى وكله على قد فلوسك اللى الحكومة وسياسة البلد اللى حطة العربيات دى فى السعر ده

كون السيارة اقتصادية, لا يشفع لشركتها اهمال عوامل الثبات و الأمان.

عندك مثلا الرينو لوجان, هى سيارة رخيصة للغاية, و رغم ذلك لا تنازلات كبيرة على صعيد الاداء و متعة القيادة.
قس على ذلك ايضا الفيات سيينا, و غيرهم.
عموما انا تحدثت عن مميزات السيارة أيضا و منها انها مريحة للغاية.

رد: تجربة الكيا نيو سيراتو - 1600 سى سى اوتوماتيك.

شكرا يافادى على شرحك ولا انسى انك اول من على علق الكورولا الجنوب افريقى وافدت ناس كثيرين تجربة القيادة التى تشرحها فعلا تجربة خبراء وارجو اول نزول السيارة الهيونداى 2011 الافانت الاوتوماتيك الست سرعات ان تجرى تجربة قيادة وتعلق عليها اول نزولها لان السيارة ملفته للنظر وسمعتها تسبقها بشكل غير عادى ودائما ادعو فى سرى يارب فادى يسوقها ويعلق عليها قبل مايشتريها احد فياريت تضع الموضوع فى الاعتبار وشكرا جزيلا

رد: تجربة الكيا نيو سيراتو - 1600 سى سى اوتوماتيك.

تقرير ممتاز يا فادي باشا و انا معاك في كل جزء فيه ما عدا حتة الشكل بس شكلها بالنسبالي مش مزعج لكن مش جبار برضه فيه احلي و اشرس من كده كتير

لكن عموما تقرير ممتاز ;)