مصر موتورز مجتمع السيارات - ياريس 1300 اوتوماتك ولا لانسر 1300 برضة اوتوماتك مستعمل

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

رد: ياريس 1300 اوتوماتك ولا لانسر 1300 برضة اوتوماتك مستعمل

انا سوقت الاتنين و ده رأيي بصراحه
الياريس زوايا الرؤيه سيئه جدا
حتي بعد تعديل وضع الكرسي
و كمان البويه بتاعتها بتتقشر بسرعه
و ده كلام صاحبها
اما اللانسر فسحبها مش حلو
و كانت مانيوال اللي جربتها
فما بالك بالاوتوماتيك و كمان مع التكييف
و لكن طبعا الافضل بين الاتنين هي اللانسر
قطع غيار منتشره اكتر و باسعار معقوله

رد: ياريس 1300 اوتوماتك ولا لانسر 1300 برضة اوتوماتك مستعمل

السلام عليكم

شوف يا د/ يوسف

انا بعتبر الياريس دي من سقطات تويوتا بجد

هاقولك على حاجات كفيلة بجد بانك تصرف النظر عنها ...

أولا: تصميم خوزعبلي over over over العربية شكلها غريب جدا

ثانيا: عدادات في النص مش عارف على اي اساس ، و على فكرة رخم اوي الموضوع ده

ثالثا: تابلو كبييييير و ضخم مع زاوية ميل كبيرة جدا جدا في الكابوت بتخلي الرؤية وحشة جدا

و بتبقى سايق العربية و انت مش شايف اي حاجة .. محتاجة وقت طويل علشان تعرف ابعادها

دي اول 3 ملاحظات ،، نيجي بقى للمهم

رابعا: العاربية عالية زيادة عن اللزوم و ده سبب في ثباتها سئ ،، العربية في الملفات تقلق جدا

و ماتعرفش تجري بيها الا اذا كنت محملها كويس

خامسا: الفرامل مش حلوة و اعرف ناس معاها الياريس ،، كل شوية يغيرو طقم تيل و في معاناة مستمرة من الفرامل

اللانسر عربية كويسة و تقدر تعتمد عليها ،، تصميم حلو ،، ركوبة كويس

العربية ثابتة على الطريق الى حد ما هايل ،، حاجتها متوفرة بكثرة

و اعادة بيعها مفيش اسهل من كدة ،، خليك في الامان .. و الضمان و اتوكل على الله اشتري اللانسر

ربنا يوفقك في الاختيار و الشرا ،، و كل سنة و انت طيب :)

رد: ياريس 1300 اوتوماتك ولا لانسر 1300 برضة اوتوماتك مستعمل

اقتباس:

أولا: تصميم خوزعبلي over over over العربية شكلها غريب جدا

يا تري ايه الخوزعبلي في تصميمها؟؟
العربيه فوانيسها جايه للكابود و ضهرها عالي و زاويه سقفها عاليه و رفاريفها ناطره للخارج
زيها زي الكروز و السيراتو(و للعلم الياريس سابقه عصرها قبلهم ب 4 سنين)
فلو تصميم الياريس في نظر حضرتك(خوزعبلي) يبقي التصميمات الجديده بالنسبالك نفس الشئ

اقتباس:

ثانيا: عدادات في النص مش عارف على اي اساس ، و على فكرة رخم اوي الموضوع ده

و ماله تصميم التابلوه؟؟
لو حضرتك جربت تسوقها حتلاقي ان العدادات الوسطيه من السهل جدا التعود عليها

اقتباس:

ثالثا: تابلو كبييييير و ضخم مع زاوية ميل كبيرة جدا جدا في الكابوت بتخلي الرؤية وحشة جدا

اي عربيه جديده التابلوه بتاعها كبير و بلاش نقارن بالبومه علشان البومه تصميم قديم نسبيا يرجع لاوائل الالفيه الجديده.
اما لو بصيت للهوندا سيفيك او اللانسر الشارك او السيراتو و الكروز برضه حتلاقي ان كل العربيات دي تابلوه كبير و دا علشان تزويد مساحه الزجاج و تقليل مساحه الكابود و زياده الفيبر في المقدمه نظرا لمتطلبات السلامه الاوربيه للمشاه

اقتباس:

و بتبقى سايق العربية و انت مش شايف اي حاجة .. محتاجة وقت طويل علشان تعرف ابعادها

معاك ان ابعادها وحشه شويه و انا عن نفسي اخدت يومان للتعود علي ابعادها و بقيت بسوقها زيها زي اي عربيه عاديه الموضوع مش كيميا

اقتباس:

رابعا: العاربية عالية زيادة عن اللزوم و ده سبب في ثباتها سئ ،، العربية في الملفات تقلق جدا

و ماتعرفش تجري بيها الا اذا كنت محملها كويس

العربيه مش عاليه او ولا حاجه معقوله و ثبات العربيه ممتاز حتي سرعه 140 و يبدأ بعد كده تحس بقله الثبات و لكن عمرك ما تحس بفقدانه نهائيا

اقتباس:

خامسا: الفرامل مش حلوة و اعرف ناس معاها الياريس ،، كل شوية يغيرو طقم تيل و في معاناة مستمرة من الفرامل

و انا معايا ياريس و عامله 50 الف كيلو في ثلاث سنوات و عمري ما بصيت علي تيل الفرامل حتي في الصيانات الدوريه قالوا ان تيل الفرامل لسه كويس!!!
و ابن خالي كان معاه واحده اتوماتيك اول مره يغير تيل الفرامل الامامي كان علي 40 الف كيلو

دا رأيي مع العلم اني امتلك لانسر و امتلك الياريس ايضا

رد: ياريس 1300 اوتوماتك ولا لانسر 1300 برضة اوتوماتك مستعمل

اقتباس:

المشاركة الأصلية كتبت بواسطة eng_ahmed_90210 (المشاركة 233483)

والله مافيش حاجة تتقال بعد مشاركتك الانسر فى المجمل تكسب

رد: ياريس 1300 اوتوماتك ولا لانسر 1300 برضة اوتوماتك مستعمل

لانس 1300 اتوماتيك احسن بكتير من اليارس