|
رد: سيارة النترا مخبوطة و مطحونة...ممكن مشورة ضروري
انا رايى انك تصلحها فى الحرفيين صنايعيه جامدين وهايخلصوك بسرعه ورايى انك تركبها ان شاء الله بعد كده ولا تبيع ولا حاجه وعلى فكره كل اللى انت عاوزه هاتلاقيه فى الحرفيين بعنى مكان واحد واللى هاتشتريه من نفس المكان ومعلش لو بعيد عنك لازم تتعب بس تعمل شغل صح
ربنا معاك |
رد: سيارة النترا مخبوطة و مطحونة...ممكن مشورة ضروري
هو انت اساسا منين؟؟
|
رد: سيارة النترا مخبوطة و مطحونة...ممكن مشورة ضروري
الى الاخ الفاضل الاستاذ نسيم
بداية حمدللة على سلامتك وسلامتك اهم بكتير من العربية لو حضرتك اشتريت عربية وبعد كدة اكتشفت انها كانت عاملة حادث وعرفت ان اللى باعهالك خدعك هتعمل اية وتتصرف ازاى اللى ما ترضهوش لنفسك ياريت ما ترضهوش لغيرك وشكرا |
رد: سيارة النترا مخبوطة و مطحونة...ممكن مشورة ضروري
رايي تبيع العربيه حوادث و تشتري عربيه جديده انضف و احسن لو العربيه هاتجيبلك 30 الف بيعها و كمل و اشتري واحده جديده احسن و انضف و الفلوس دي فداك يا عم و ربنا يخلف عليك ان شاء الله بالخير و يسترك و ماتشفش وحش تاني يا رب
و فداك كل العربيات الالنترا الي عند عمك غبور يا باشا |
رد: سيارة النترا مخبوطة و مطحونة...ممكن مشورة ضروري
اسف حضرتك مفيش حاجه بتتفك و ترجع زي ما هيا ابدا لا لو من قبل الشركه المصنعه حتي التوكيل صنيعي محترف عمره ما هيبقا زي المصنع
طبعا العزل هيقل و بعد كام سنه هتلاحظ عيوب في البواب و الصاج دا لو معموله عند حد نظيف و طبعا العربيه سعرها هيتخسف بيه الارض بمعني الكلمه و اي حد هييجي يشتريها طبعا هيعرف انها مقلوبه و عن الحاجه المستورده فطبعا هي افضل من العادي الا في حلات قليله بتكون بيظه بس مش عارف ازاي هيجيب لك حاجه مستورده دا العربيه 2011 اصلا يعني اكيد منزلشي ليها مصمار لسه!! لازم تتاكد من الموضوع ده عشان ميطلعشي نصاب و يصلح الحاجه عنده و يقول دا انا اشتريت! حضرتك عندك حلين لاما تحصلها و ترضي بنصيبك و العربيه تفضل معاك تاخد كل خرها و تظبطها عربيه تعيش معاك لاما تبعها كدا و ربنا يعوض عليك و تكمل علي تمنها و تجيب عربيه تنيا جديده تريحك و تمسك فلوسك منها تاني و انت بتبعها ولله لو انت كنت لسه في السعوديه كانت تتعمل هناك و كانت هتبقا ارخص من التوكيل هنا طبعا و هتتعمل شغل عالي طبعا لانهم هيجيبو لك كل حاجه اصليه جديده بسعر رخيص في النهايه الاعمار بيدي الله و كل شئ اسمه و نصيب لكن انا القي عليك اللوم انك اكيد سمعت و شفت ان الانترا ديما بتتقلب و مفهاش ثبات يبقا حضرتك رايح تجبها من السعوديه و تسافر بيها لمصر عشان تملكها في مصر اظن ان ده قرار غير صائب و كانت المفروض تدور الاول علي الامان ابل الشكل و عربيه2011 و فكر في الحادثه ايا كانت لو كانت لو كنت راكب فكترا مثلا كانت حصلت من الاصل! علي العموم عسى تكرهو شئ فهو خيرا لكم و ربنا يعوض عليك |
| الساعة الآن 11:29 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017