مصر موتورز مجتمع السيارات - تجربى مع إطار ديستون

اقتباس:

المشاركة الأصلية كتبت بواسطة AboNoRa (المشاركة 202960)

مش عارف ليه حاسس ان الصح ان الكاوتش الجديد ده كله ظبتته تبقى 32 - 35 او اكتر كمان وبتوع الكاوتش واخدين على 30 وخلاص لانى لما بكون ظابط الكاوتش على 32 بحس ان الاداء احسن واستهلاك البنزين افضل ؟ عايزين حد يدعبس لنا فى الموضوع ده :)

حازم : المقاس 185/65R14 اكتر مقاس بحبه فعلا بس ساعات بفضل 175 علشان الفردة الورانيه متحكش فى طبق المساعد بس هو مقاس ممتاز فى الثبات والمناورة وبيخلى العربيه تكلبش فى الارض

الجماعة بتوع الربع نقل والميكروباص بيضبط على 50 وده بيدى حركة أسرع وخفة وتقل المقاومة وبكدا يريح الموتور
لكن من عيوبه الإحساس بالمطبات وبيخلى العربية ناشفة خاصة فى الطرق الغير جيدة ويساعد على تلف للإطار سريع وعرضة للإنفجار فى الأجواء الحارة وخاصة أن مستوى الضغط بيزيد لسخونة الهواء يعنى لما نضبط الكاوتش على 30 لازم يكون الكاوتش بارد ولم تتحرك السيارة لمسافة حتى يكون الضبط دقيق ومساو للمقياس ومع السير لمسافة يرتفع المقاس درجات
وأعتقد أن مقاس الضبط الموصى به من صنّاع الإطار هو أنسب مقياس للإطار مع تخفيضه قليلا والله أعلم
وأعتقد إنه فعلا هذا الموضوع يحتاج للبحث