رد: تجربتى مع تغيير سير الكاتينة لـ A516
ومن ضمن التجارب التى نتعلم منها ايضاً ذهبت منذ شهرين لتغيير سير الكاتينة فقط فى التوكيل وطلبت منهم تغيير السير والبلى فقط المهم دخلت العربية وبعد فترة خرج مهندس الاستقبال ومعاه البلية الثابتة بتاعة سير الدينامو وبيقولى ان البلية مكسورة من الجنب وما بنفعش تركب تانى ولابد من تغيرها قلت له ازاى انا جاى اغير سير الكاتينة وبلى الكتينة بس وبعدين دى ايه اللى كسرها وطلبت اشوف البلية لقيت ان الكسر جديد وقلت له انه من الصعب جدا انى آجى مشوار 60كم بالبلية مكسورة بالشكل ده لأن سير الدينامو هايتقطع فوراً وبعدين الكسر واضح انه لسه جديد ايه ياترى حاول المهندس بكل الطرق انه يقنعنى انى انا جاى بالبلية مكسورة وفى الآخر قلت له غيرها وخلاص بكام البليه دى كمان قالى 150 جنيه قلت بجملت المصاريف قعدت فى الاستراحة مستنى العربية لغايت لما خرجت بس بصراحة كنت هاشيط من الغيظ وبمجرد ماخرجت العربية واطمنت عليها قلت للمهندس انا عايز اقابل مدير المركز قالى فيه حاجة احنا ممكن نحلها لحضرتك قلت له لا انا بس عايز اسلم عليه واشكره 444546 المهم دخلت له وحكيت له الموقف كله والكلام اللى حاول يقنعنى بية المهندس وطلب يشوف البلية ولما شافها واتأكد ان الكسر جديد طلب الفنى اللى كان شغال فى العربية وقاله البلية دى ايه اللى كسرها طبعاً الفنى اتلخبط جامد وفى الآخر قال الصراحة هى اتكسرت منى وانا بافكها ساعتها ارتحت وقلت لمدير المركز انا بأحيى الفنى ده على شجاعته واعترافه بخطأه بينما مهندس الاستقبال مصر على الكذب والافتراء وطلبت انى اتحمل تكلفة البلية ولكن مدير المركز اصر على حذفها من الفاتورة عذراً انى طولت عليكم بس بعد قرائتى لهذا الموضوع المهم للأستاز المتميز/احمد فاروق اردت ان اروى عليكم تجربتى للاستفادة مع العلم انى ما بروحش التوكيل الا لتغيير سير الكاتينة فقط اما باقى الصيانات العادية بتكون خارج التوكيل على الأقل العربية بتكون تحت عينى وعارف ايه طبيعة الشغل اللى بيتم فيها |
رد: تجربتى مع تغيير سير الكاتينة لـ A516
موضوع مهم جداااااااااااا
بجد تسلم ايدك يا ابو حميد |
رد: تجربتى مع تغيير سير الكاتينة لـ A516
شكرا على المعلومات القيمة
جزاك الله خيرا |
رد: تجربتى مع تغيير سير الكاتينة لـ A516
جزانى وإياكم خير الجزاء وشكراً لمروركم جميعاً ==== أستوقفتنى مشاركة أخونا الأستاذ / أشرف صبحى وإن دل فيدل على وجود أخطاء فى مراكز الخدمة أنا نفسى مره من سنتين كنت فى الكويت والبلاد العربية الفنى وهو بيفك غطاء الموتور قطع كاوتشة بوابة الأكسلتير http://www.a7lashare.net//uploads/im...96bb7389bd.jpg وطبعاً أنكروا تماماً ودخت على الكاوتشة ده السبع دوخات لغاية ما رحت غيرتها فى أبو رواش وكودها للى يحتاجها A91-9817 ودفعت ثمنها بالتركيب تقريباً 33 جنية http://www.a7lashare.net//uploads/im...bdd739d184.jpg أنا معرفش دلوقتى الكاوتشة ده متوفرة برا التوكيل ولا لا ؟ لأن الكلام ده من سنة ونص تقريباً |
رد: تجربتى مع تغيير سير الكاتينة لـ A516
الف الف الف شكر يا باشا
|
الساعة الآن 04:47 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017