رد: عاوز اشتري عربية .......... ساعدوني
اقتباس:
1- غرضك من السيارة :- 1- بتتنقل كتير خلال اليوم 2- السكن في مكان بعيد عن مكان العمل وصعوبة التنقل ما بينهم خلال اليوم 3- العمل في مكان او وظيفة تتطلب الحركة بسرعة وفي اوقات صعب تلاقي فيها مواصلات 4- عندك اسرة كبيرة صعب تتنقل بيها في المواصلات 5- بتتحرك بمعدات او ادوات تقيله ، حساسه ، كبيرة الحجم 6- عايز عربية كنوع من الاستثمار كل ديه حاجات حتقصر معاك في حجم العربية واعتماديتها وكثرة اعطالها وقطع غيارهم وامكانية التصليح برة التوكيل كل ده بالنسبة لامكانيات المادية البونتو هاتشباك مش بتاعت عيلة وشنطتها صغيرة كمان اعتماديتها مش قد كده مش زي البومة وكمان قطع غيارها غالية بالنسبة للباقي |
رد: عاوز اشتري عربية .......... ساعدوني
اقتباس:
شكرا ياباشا عل اهتمامك بالنسبة للسفر فانا بسافر كتير بحكم شغلي " ملازم في الأمن المركزي "في أسكندرية وأنا مش قاعد في اسكندرية فبطضر اسافر كتير دي غير إني بروح القاهرة كتير بحكم الشغل وتقريبا بركب لوحدي في العربية أغلب الوقت ولسه متجوزتش ومش ناوي خالص علي الموضوع ده يعني مش هيهمني قوي موضوع إذا كانت عائلية ولا لأ المهم تستحمل الشغل الكتير ومصرفش عليها كتير |
رد: عاوز اشتري عربية .......... ساعدوني
باشا
بالنسبة للسفر وقوة التحمل البومة صفقة رابحه عشان :- 1- ثبات في السرعات وتجميع عالي خصوصا للـ 1600 2- التكييف مش بيأثر علي السحب والتكييف تلاجه 3- بالنسبة للعفشة فهي عفشه رياضية وتتحمل الخدمة الشاقة 4- انتشار قطع الغيار في كل حته (ممكن تلاقيها عند البقال تحت البيت ) وناس كتير بتفهم فيها عشان العربية من 2003 5- العربيه اعطالها تقريبا معدومة مع الصيانة وكده مش حتحس بيها 6- الشارك مش في ثبات البومة ( وده عشان السفر والسحب علي السرعات ) 7- برده الشارك قطع الغيار مش في انتشار البومة يعني ممكن تضطر تجيبها من التوكيل وحتبقي غاليه حبتين بص يا اباشا انا حكلمك عن اليارس عشان مع واحد صاحبي وبركبها معاه كل يوم لمده 3 سنين 1- العربية واسعه جدا سواء في الامام او في الكنبة الخلفية وشنطتها كمان واسعه كنا بنركب فيها 5 مستريحين ماشاء الله عليها 2- العربية بالامانه موتورها مش ضعيف واحنا شباب وبنحب الجري وخلافة العربية تجميعها كويس وخصوصا لما تسقط تاني او ثالث ( اوتوماتيك ) 3- العربية ثباتها كويس جدا لحد الـ 160 مش خط مستقيم سافرنا بيها كذا مرة القاهرة 160 وثبات معقول بس هي عشان عاليه حبتين تحس انها بتميل في الملفات لكن ثابته 4-العربية بتشم البنزين شم اقتصاديه جدا 5- التكييف بتاعها للامانه مش قوي اوي ولو العربية مركونة في الشمس حتاخد وقت لحد متحس بالتكييف حوالي 12-15 دقيقة 6-العربية عفشتها مريحه ومش ناشفة حتي في السفر والقاعده الطويلة فعلا مريحه 7-خامات التابلوه مناسبة لفئتها والتقفيل ممتاز 8- العربية عاليه عن الارض حتي بكامل حمولتها وده مناسب لمطبات بلدنا المحروسه 9- العربية ابعادها مش واضحه قوي حتاخد وقت علي ما تتوعد عليها 10 - اعتماديه عاليه جدا واعطالها تكاد لا تكون موجوده سوي الصيانة الدورية 11- قطع غيارها موجوده كتير بره التوكيل 12 - العربية فراملها قوية 13- عزل الكابينة مش قوي لأن الموتور موجود جوه الكابينه تقريبا يعني تسمع صوت الموتور فوق ال 3000 rpm وخصوصا في الشد وديه كانت حاجه ممتعه بالنسبة لي عشان تحس ان الموتور بيزمجر وتحس بقوته متحسش انه 1300 ابداش 14- الموتور مزدوج الحقن ده بيعطي توزيع اكبر للبنزين داخل الموتور وبيحقق اقتصاديه في الاستهلاك في تبقي قويه وموفره في نفس الوقت مش عايز ادخل في تفاصيل تخضع للاذواق عشان ديه بتفرق من واحد للتاني زي شكلها وموضوع ان العدادات في النص وان كراسيها من جوه عاليه (ناس بتقول تحس انك قاعد في ميكروباص بس انا بالنسبالي كانت مريحه جدا) وفي الاخر كلها اذواق بصراحه الاوبترا مليش تجارب معاها ومن راي بص علي الالنترا يا باشا مع انها كوري بس عربية جامده جدا http://masrmotors.com/vb/showthread.php?t=22410 والموضوع ده فيه مقارنة جامده بين اللانسر والالنترا وكده يبقي تمام يا فندم وربنا يوفقك ptmnlo123per154 |
رد: عاوز اشتري عربية .......... ساعدوني
اقتباس:
وياريت نبقي اصحاب |
رد: عاوز اشتري عربية .......... ساعدوني
اقتباس:
|
الساعة الآن 08:55 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017