مصر موتورز مجتمع السيارات - ارحموا السيراتو شوية؟

مصر موتورز مجتمع السيارات (https://www.masrmotors.com/vb/index.php)

- كيا سيراتو Cerato (https://www.masrmotors.com/vb/forumdisplay.php?f=137)

- - ارحموا السيراتو شوية؟ (https://www.masrmotors.com/vb/showthread.php?t=22730)

رد: ارحموا السيراتو شوية؟

الشركة خلاص كرهت اليوم اللي فكرت فيه انها تدخل السيراتو مصر

رد: ارحموا السيراتو شوية؟

وأنا من هذا المكان وبالأصالة عن نفسى وبالإنابة عن شعب مصر اضم صوتى الى صوت الأستاذ بدر ويالا نقفل الموضوع ده بقى يالا ................خلاص الحمد لله اتقفل معتش حد يفتحه تانى بقى السلام عليكم *

رد: ارحموا السيراتو شوية؟

اقتباس:

المشاركة الأصلية كتبت بواسطة بدر بسيونى (المشاركة 155140)

الخلاف ى الرائ لايفسد للود قضية ودى نحليها قاعدة

وانا لا اعنى شخص بعينه فى الاساس بس مؤخرا حضرتك لو تابعت المنتدى نحس ان الكل بيتكلم عن عيبوب السيراتو ومشاكلها وبالعكس موضوع الاخ اللى اتفلبت بيهانا مقتنع انها مش حتفتح لان الايرباج مصممة للخبطة من ادام وتكون الخبطة قوية بحيث ان يكون مالايقل عن تلت الجزء الامامى راح فدى نقطة محل نقاش وده عادةى لكن بعض المواضيع اللى بتتناول الهجوم على السيراتو للهجوم ده انا معترض عليها مصر موتورز مرجع لكل مواضيع السيارات فى مصر وهو الاقوى فعشان كده الكلام اللى من غير اساس وغير منطقى بالنسبة لمنتدانا عيب

وصدقنى اكتر حاجة محترمة فى الدنيا الاختلاف فى الرائ والنقاش بمنتهى الاحترام زى ماحضرتك عملت وعمره مايولد عصبية او اختلاف وشكرا ليك

والله الحقيقة يا أستاذ بدر انا بحب قوى اتناقش مع حضرتك ومع باقى الأعضاء ومش بحس بخجل فى توضيح وجهة نظرى وده يرجع لاحترامكم الفائق وكلامى والله مش مجاملة ابدا بجد

وبردو مش هتنسينى انك مردتش على نقدى بخصوص الجراج الزجاجى وان كنت احب اعرف وجهة نظر حضرتك

رد: ارحموا السيراتو شوية؟

بصراحه السيراتو الشكل الجديد
يمتاز بتصميم داخلى وخارجى اكبر من ان يقال عليه روعه
تصميم جميل جدا جدا
ما شاء الله
سياره نظيفه ومن عملاق كورى مشهور
وصيته عالى

رد: ارحموا السيراتو شوية؟

بصراحه يا استاذ بدر انا مكنتش ناوي اتكلم خالص في موضوع السيراتو ده .. لأني شايف انه موضوع ملوش اي لازمه الكلام فيه .. واحسن حل التجاهل التااام
اللي عجباه العربيه يفرح بيها و ربنا يبارك له فيها .. و اللي مش عاجباه وماله ... عنها ما عجبته ... براحته خالص
الغريبه ان السيراتو هي اللي بتتقلب ومقصاتها بتتكسر و الكارينز اللي تعتبر مين فان واتقل منها مسمعناش عنها حاجه !!!
ما علينا
انا اساسا كنت داخل عايز اقولك مبروك على الالنترا وتستلمها على خير ان شاء الله

وبما اننا شاركنا فعلى رأي شيرين في المتزوجون "طب ما الفول من الطعميه و الطعميه من الفول "
يعني السيراتو و الالنترا زي الفول و الطعميه ... الفرق كله في السلطه :)
والعربيتين زي الفل يا باشا و خيار موفق ان شاء الله

الف مبروك مره تانيه .. وربنا يديك خيرها و يكفيك شرها