مصر موتورز مجتمع السيارات - ايه الأفضل ؟ نيسان صنى ولا أوبترا؟؟؟؟

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - ايه الأفضل ؟ نيسان صنى ولا أوبترا؟؟؟؟ (https://www.masrmotors.com/vb/showthread.php?t=18300)

رد: ايه الأفضل ؟ نيسان صنى ولا أوبترا؟؟؟؟

أشكركم يا جماعه على ردودكم و تفاعلكم

بس أنا الحمد لله رسيت فى الأخر على النترا لما قارنتها بيهم و كنت كمان حاطت معاهم سيراتو

بس بشكل عام النترا أفضل بكل المقاييس

شكرا

رد: ايه الأفضل ؟ نيسان صنى ولا أوبترا؟؟؟؟

الحمد لله انو احنا اقناعك .......وانشاء الله تكون افضل معاك وتكون موفق في الشراء وما تنساش الاستخارة

رد: ايه الأفضل ؟ نيسان صنى ولا أوبترا؟؟؟؟

مبروك مقدما

رد: ايه الأفضل ؟ نيسان صنى ولا أوبترا؟؟؟؟

اقتباس:

المشاركة الأصلية كتبت بواسطة mido-spicy (المشاركة 134219)

انا عايز اقولك يا زيزو ان كلام مومو بيرسونا صح ... فعلا البيرسونا عربية جميلة جدا انا شخصيا معجب بيها كل مشكلتها معايا هو الوكيل وسعر اعادة البيع هما دول الحاجه الوحيده اللى ممكن تلاقى فيها مشكلة
وعلى فكرة السوبر صالون مافيهاش اى اختلاف عن ex فى الشكل من بره
الفرق كله ان الكونسول بتاع التابلوه ابانوس وكمان الكاسيت فى cd changer دا طبعا فى السوبر صالون
على فكرة عفشة السوبر صالون تحفه بس التانيه فيه ناس بتشتكى من عفشتها
انا مع د/ عمرو فى ان شكل 2007 / 2008 احسن من شكل 2009/2010 بس هو دا اللى موجود دلوقتى بالذات لو هتشترى قسط
على فكرة العربية دى كانت معايا من سنتين وموضوع التفقيل المصرى دا مش مشكلة خالص بجد العربيه حلوه وكمان راسية على الارض انا جبت بيها لغايه 190 و 200
من الفروق التانيه ان الex فيه منها مانيوال واتوتوماتيك اما السوبر اوتوماتيك بس
وex فيه منها موديلات بدون اير باج و abs بس السوبر صالون كلها فيها الحاجات دى
بص نصيحه لو هتشترى السوبر صالون اللى فى حدود 95000 فيه حاجات تانيه افضل كتيير فى السعر دا
ارجوا انى اكون افادتك

شكرا على المعلومات القيمه دي يا ميدو باشا
حضرتك بتقول ان في عربيات في نفس سعر السوبر صالون واحسن منها
ياريت تقولي زي ايه لاني تقريبا قربت اخذ قرار بالسوبر صالون وحاسس ان مافيش زيها بنفس السعر
فلو عندك معلومات عن عربيات احسن منها وبنفس السعر ياريت تلحقني قبل ما اشتريها
وشكرا ليك

رد: ايه الأفضل ؟ نيسان صنى ولا أوبترا؟؟؟؟

ياسيدي ألف مبروك عليك الإلانترا وعموما إنتا إخترت الإختيار الشعبي ربنا يوفقك ويباركلك فيها قول آمين ياجدع
ثانيا بقى مساعدة منك لأخوك الغلبان عرض إيه ده الي معمول للصني وهيخلص إمتى دا
علشان أنا بفكر جديا أشتري سوبر صالون بس لسة مش رسيت على القرار النهائي.