رد: مساعدة مبتدئ فى كيا العصفورة
 

نويت بإذن الله على أول الشهر اروح اغير زيت الموتور فعرفت من واحد صاحبى انى لما اجى اعمل المشوار ده ابص برضو على زيت الفتيس والكارونا وازودهم ، طبعا انا دورت كعادتى فى الموضوع فعرفت ان فيه نوعين من الزيت 90 و 140 وان الفرق بينهم فى الكثافة .

المهم سمعت كتير وقليل فى الموضوع ده لغاية اما بقيت مش عارف راسى من رجليا شوية يقولولك ال 140 ده للنقل التقيل والعربيات القديمة وال 90 للعربيات الجديدة وشوية يقولوا ال 140 ما يخسرش ومع الوقت حايخف ، وكمان سمعت ان البنزينات علطول بتحط من 140 ومعندهمش 90 علشان ما عليهوش طلب وان اللى بيتحط فى البنزينة من مسدس ده بيبقى 140 ولو عايز 90 يبقى تشترى بالليتر وبيتحط بحاجة شبه الحقنة .

طيب أنا دلوقتى اعمل ايه علشان اعرف نوع الزيت اللى عربيتى ماشية عليه أو من خبرتكم فى البرايد ايه الزيت اللى بتمشى عليه ومناسب للفتيس والكارونا ؟

رد: مساعدة مبتدئ فى كيا العصفورة
 

كنت عايز اعرف هو ممكن انى اركب عداد rpm فى العربية ؟ أنا عندى مكانها موجود جنب عداد السرعة بس هو فاضى من غير مؤشر ولا أى حاجة فما المطلوب عشان اشغله وتكلفته تبقى فى حدود كام ومين اللى يركبهالى ؟

حاجة كمان أنا عندى البنزين لما يقل العلامة مابتنورش فى التابلوه بس كل الانوار التانية عندى شغالة يعنى المشكلة مش من التابلوه فلما سألت الميكانيكى قالى انها ممكن تكون العوامة اللى عايزة تتغير فدى تطلعلها فى حدود كام دى ؟

رد: مساعدة مبتدئ فى كيا العصفورة
 

زيت الفتيس بتاع البرايد 90 وبالنسبة للار بى ام دة ممكن تجيبو استيراد من نص جديد فى الحراقيين وفية عداد كيلو متر كمان ب 140 ج انا كنت جايبو من الحرفيين قبل كدة وبالنيبة لمشكلة التبطيل دى مشكلة كهربة 90% واكيد مشط اسبراتير لانها كانت بتحصل معاي وجبت مشط نضيف من عند محمد عثمان فى التوفيقية ب180ج وشغال فل الحمد لله وربنا يباركلك فيها يا باشا

رد: مساعدة مبتدئ فى كيا العصفورة
 

مشكلة لمة البنزين دى ممكن تكون من عوامة البنزين او ممكن تكون المبة احرقة الى فى طقم العدادات

رد: مساعدة مبتدئ فى كيا العصفورة
 

السلام عليكم ورحمه الله وبركاته بعد اذنكم هو فيه فرق بين كيا برايد وسابيا برايد وفيه فرق في قطع الغيار واعارها وايه نظام الاوتوماتيك منها الي هو موديل 2001 وده تبع كيا ولا سابيا وشكرا جزيلا