مصر موتورز مجتمع السيارات - بيجو 307 ولا مازدا ولا لانسر بوما؟

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - بيجو 307 ولا مازدا ولا لانسر بوما؟ (https://www.masrmotors.com/vb/showthread.php?t=15405)

رد: بيجو 307 ولا مازدا ولا لانسر بوما؟

اقتباس:

/ وايه حوار العفشة الاسبور ده ؟
بتبقي المساعدين ناشفين بمعني ان حريه حركه المساعدين صعودا و هبوطا قليله عشان متحسسش الركاب بالمطبات

العفشه الاسبور نبضها قاسي عن العفشه العاديه او بمعني اصح المساعدين ناشفين
علشان تحقق ثبات اكبر للعربيه
لكن علي حساب راحه الركاب
.........................
بالنسبه للمقارنه فالاول حنخرج البيجو منها لانها ركوبه تانيه ولا تقارن بالعربيتين الباقيين
البيجو تعتبر اقوي و امتن و افضل عربيه فيهم لكن لو قدرت علي تحمل فاتوره التوكيل .
اما بالنسبه للعربيتين الباقيين يبقي عندك اختيارين
عاوز تركب عربيه ليك و للسوق او بمعني اصح زي ما الناس بتركب يبقي لانسر
عاوز تركب عربيه قويه و شكلها حلو و مميزه لمده 3 سنين علي القليل يبقي مازدا

رد: بيجو 307 ولا مازدا ولا لانسر بوما؟

اقتباس:

المشاركة الأصلية كتبت بواسطة hazem_khidr (المشاركة 95623)

الف شكر يا مان انا بصراحة عاوز اركب المازدة وهجبها كدة كدة مستعملة يعني مش هخسر لما هاجي ابعها تاني .. بس المشكلة في حوار قطع الغيار ده؟؟؟؟ يعني لو حاجة باظت مش هلاقيها ولا ايه؟

رد: بيجو 307 ولا مازدا ولا لانسر بوما؟

اقتباس:

المشاركة الأصلية كتبت بواسطة hossamhamdy (المشاركة 95581)

1-لانسر بوما (لا تعليق)
2- مازدا3(قطع الغيار غاليه و اعادة البيع سعرها بينزل بس عربيه مجرمه ما شاء الله سوقتها و ركبتها فى سفر والثبات تمام تمام...بس واطيه سنه و الكنبه مش واسعه اوى)

البيجو لا لسبب ان فى مشكله فى اغلب الاوتوماتيك فى الفتيس ولازم كل 45000 قطعه مهمه بتتغير من الفتيس
قطع الغيار مش متوفره حتى فى الوكيل زى قواعد الفتيس و احد صاحبى داخ عليهم فى مصر و جابهم من السعوديه بعد دوخه برضه....انا مره ركبت الخليجى اوتوماتيك سحبها مش حلو و الكنبه الخلفيه ضيقه

اى واحده فيهم تكشف عليه فى الوكيل

الف شكر بس ليه اللنسر لا تعليق؟ يعني احسن ولا اوحش ولا ايه النظام؟

رد: بيجو 307 ولا مازدا ولا لانسر بوما؟

اقتباس:

المشاركة الأصلية كتبت بواسطة pro mada (المشاركة 95392)

عيوب و مميزات البيجو 307
عربيه مش بياعه يعني سعر اعاده البيع بتاعها قليل و قطع غيارها غاليه بطريقه مبالغ فيها و مش متوافره اوي و طبعا صيانتها لازم تتم في التوكيل و لكن عربيه صاجها ناشف و قطع غيارها عمرها الافتراضي طويل وطبعا ده غير اداءها الممتاز و خامات و تقفيل العربيه الممتازين

عيوب و مميزات المازدا 3
عربيه مش بياعه يعني سعر اعاده البيع بتاعها قليل و ملهاش وكيل معتمد هنا في مصر اصلا فطبعا توافر قطع الغيار و اسعارها بتخضع لمزاج المستوردين و طبعا صيانتها صعبه عشان مفيش توكيل ليها و لكن العربيه شكلها جااااااااااااامد جدا و اداءها اكثر من رائع و خاماتها و تقفيلها ممتازين

عيوب و مميزات اللانسر البومه
عربيه منتشره انتشار رهيب و مفيش تميز لاي حد بيركبها و لكن قطع غيارها متوافره داخل و خارج التوكيل باسعار معقوله و طبعا الصيانه سهله جدا خارج التوكيل ده غير سعر اعاده البيع الممتاز نظرا لانتشارها الهائل

زي ما حازم باشا قال لحضرتك هي دي الخلاصه

رد: بيجو 307 ولا مازدا ولا لانسر بوما؟

اقتباس:

المشاركة الأصلية كتبت بواسطة khaledcare (المشاركة 95710)

الف شكر بس ليه اللنسر لا تعليق؟ يعني احسن ولا اوحش ولا ايه النظام؟

عربيه كويس جداا...ركبتها و سوقت منها اكثر من فئه عربيه جميله جدا خاصة السبورت كامله من كله...واعادة بيع تمام و قطع غيار متوفره....بس المازدا اثبت و التسارع اعلى