المشاركة الأصلية كتبت بواسطة salahabdelnabi (المشاركة 91167)

استاذى الفاضل قالو ها حكمة زمان " الا***** هو الذى لا يتعلم من اخطاءه والعاقل الذى يتعلم من اخطاءه والحكيم الذى يتعلم من اخطاء الاخرين "
وواضح ان حضرتك عارف اخطاءك كويس جدا وبتكررها بدل المرة 60 و 90 مرة حسب كلامك ومافيش فايدة ....... مابتتعلمش !!!!!!!!!!

لما حضرتك مش عارف تعمل ايه يبقى احنا اللى هانقولك تعمل ايه ؟؟!!!!!
اقولك انا تعمل ايه
اتقى ربنا فى نفسك وفى مالك - اللى هو عربيتك - وفى الناس اللى فى الشارع سواء راكبة او ماشية بمختلف انواعهم
واعرف اللى ليك واللى عليك وهاتلاقى الدنيا بقت زاى الفل
ولو ده ماحصلش
يبقى تقعد فى البيت الى ان يقدر الله امرا كان مفعولا

كلامى ناشف حبتين اعذرنى بس كلام حضرتك بصراحة يخلى الواحد يخرج عن شعوره

المشاركة الأصلية كتبت بواسطة hazem_khidr (المشاركة 91156)

اهم حاجه يا برو انك بتعترف بأخطائك
و بالنسبالي دي اخطاء قاتله و نصيحتي ليك تتعلم سواقه
من اول و جديد لانك كده مش بتعرف تسوق صدقني
و حتجيب مصيبه لنفسك قريب لو فضلت علي المنظر دا

اكتر حاجه تجيب اجل العربيه المطبات و الميه و لو فضلت علي كده العربيه دي حتنتهي منك

يبقي انت ماعندكش حسن تقدير للمسافات و مش عارف فرامل عربيتك نظامها ايه و حتوقفك فين!!!
و بالتالي برضه الغلط منك لان لو انت سواق و ماشي بعربيه من غير فرامل حتي حتعرف توقفها و مش تاخد بيها مطبات!!!

لا ما تقلقش دي سهله و ما فيهاش حاجه
مسيرك تقع تحت ايد ضابط ابن ستين في سبعين تتنطط عليه حيعرفك ان الله حق
او تقع تحت ضابط محترم برضه حيعرفك ان الله حق بسبب استهتارك دا
فمتقلقش من النقطه دي نهائي ححتتحل لوحدها!!!!!!!!!

ماهو الغلط منك مش منهم انت اللي بتتروش انت لازم تعمل حسابك انك ورا الدركسيون ما تمشغلش غير باللي حواليك بس و عينك تبقي في وسط راسك

اعتقد انك جاوبت علي نفسك
ماشي سرحان فلازم تغلط و بالمنظر دا عمر ما رد فعلك حيبقي سريع لو لا قدر الله حصلك موقف مفاجئ

لا يا برو مش ممكن كده!!!!!!
يعني انت حتخيش 90 مره و ما اتعلمتش من دا كله
الواحد لما بيغلط غلطه مره و التانيه بيبقي خلاص حفظ الدنيا ماشيه ازاي و بيحاول يتعلم من اخطاءه


طب دا مش اهمال امال تسميه ؟؟؟
هو المفروض انك اللي جنبك ياخد باله ان عربيتك جايه عليه
ماهو صحيح حتعمل ايه و لا ايه مش كفايه سرحان ..
كمان عاوز تاخد بالك من السواقه مش معقول طبعا!!!!!ههههههه

ربنا يستر عليك انت كمان و يكفيك الشر
لان خبطه البني ادم صعبه جدا و ربنا ما يوريهالك ولا يوريها لحد
تخيل كده واحد بيعدي الشارع من الناس اللي انت مش بتفاديها دي و جه علي عربيتك
و سين و جيم و قسم و محضر و قضيه و محكمه
و اهلك يتشحططوا وراك و تدخل الحجز مع المشبوهين و المسجلين
لو فكرت في الكلام دا كله حتخاف تنزل من الشارع من اساسه باسلوب سواقتك دا.

مافيش حاجه اسمها بتنسي
بتنسي يبقي تقعد في بيتك ما تسوقش عربيات و تجيب الضرر لنفسك و اللي حواليك
لان اللي بتعمله دا يا برو مش اسمه سواقه
السواقه مش بنزين و فرامل و مجرد اني بعمل اوازن البنزين و الدبرياج و الف الدركسيون
يبقي كده انا بقيت سواق
السواقه تحكم و تناغم بينك و بين العربيه و بين الطريق و اللي ماشيين فيه
لاني مش عايش لوحدي في الشوارع .
ارجو ان تتقبل كلامي بصدر رحب رغم اني عارف اني كنت عصبي شويه
لكن انا فعلا بتغاظ من اللي بيمشي بالمنظر دا في الشارع و لقيتك قدامي بقي
قولي اعمل ايه:HAPPY_~211:
لازم تقعد فتره ما تسوقش و بعدين اتعلم السواقه و انسي اللي كنت
بتعمله دا لان دا مش اسمه سواقه خاااااااالص