مصر موتورز مجتمع السيارات - عايز ابيع عربيتى واشترى زيرو

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - عايز ابيع عربيتى واشترى زيرو (https://www.masrmotors.com/vb/showthread.php?t=138873)

رد: عايز ابيع عربيتى واشترى زيرو

اقتباس:

المشاركة الأصلية كتبت بواسطة miam0502788391 (المشاركة 1014201)

آسف على التأخير
اقول لحضرتك انا نصحتك بالبى واى دى ليه
انا مش من ملاكها ولا حاجة
بس انا بقالى حوالى شهرين او يمكن اكتر بعمل بحث عن البى واى دى الاف 3
انا دخلت على منتديات ومواضيع كلها بتتكلم عن البى واى دى والمشاركات معظمها من ملاكها
والغالبية محدش عاب فى العربية F3
كمان من سواقين التاكسى انفسهم شكروا فيها وفى العفشة بتاعتها
فى مواضيع كانت بتتكلم كمان عن L3
الخلاصة
l3 هىى هى f3 نفس الشاسيه والعفشة والموتور لكن الأختلاف فى الشكل وبعض الكماليات الزيادة لصالح L3
السؤال الاخير
ايه اللى يخلينى افضل l3 عن الافيو او اللوجان مثلا اللى فى نفس السعر ؟؟؟

قاعدة عجلات اطول وبالتالى صالون اوسع
الثبات اعتقد انها بتتفوق عن الاثنين
فرامل ديسكات امامية وخلفية
abs , ebd
AIR BAGS
فرش جلد
فتحة سقف
جنوط اسبور بما فيهم الاستبن
نظام بصمة لادارة الموتور
فتيس ستيب ترونك مش اتوماتيك عادى
حساسات ركن خلفية
مبنية على شاسية تيوتا كورولا 2007
عفشة امامية وخلفية هى هى التيوتا كورولا 2007 باستثناء المساعدين الخلفيين مختلفين شوية

كل هذه المميزات غير متوفرة فى سيارات منافسة فى نفس الرينج
استخير ربنا وتوكل على الله
وربنا يوفقك للاختيار السليم

الف شكر على كلامك وانا زيك بالظبط بقالى فترة متابع موضوع العربية لانى تعبت من العربية اللى معايا وعايز اغير باى شكل ونزلت شركة الامل الفرع اللى عند حديقة الميرلاند وشوفت العربية هيا بصراحة مش عجبانى اوى ولكن انا سألت ناسي كتير عليها والكل فعلا بيشكر فيها وتعمدت انى اسأل الملاكى مسألش التاكسى وبرضه الكل بيشكر فيها جدا .
وبناءً عليه شكلى كدة وربك ييسر الحال هشترى ال 3 بس ربنا يكرمنا فى سعر العربية اللى معايا ومتكسفنيش لانى هدفع اللى هيطلع منها مقدم والباقى قسط .
ربنا يوفقنا جميعا ولو فى اى جديد اكيد هعرفكوا ومتشكر ليكوا جميعا على الافادة

رد: عايز ابيع عربيتى واشترى زيرو

اقتباس:

المشاركة الأصلية كتبت بواسطة لآخنه (المشاركة 1014271)

لا شكر على واجب
ممكن تقول انا برضه زى حضرتك بالظبط وقرفت من عربيتى الاكسيل كل يوم عاوزه شغل وانا مش فاضى واللى هيتصرف عليها مش هيرجع لما تيجى تتباع
والفلوس مقصرة معايا شوية
ففكرت فى البى واى دى الاف 3 المانيوال وقلت ابيع واقسط الباقى تبع بنك ناصر ب 7 % لموظفى الحكومة لحد 90 شهر
L3 بصراحة عاجبانى اكتر من الاف 3 لكن فرق 10 الاف جنيه ونفس الاداء تقريبا يمكن شكل داخلى وخارجى افضل وكماليات اكثر لكن 10.000 فرق كبيير شوية برضه
ربنا يوفقنا جميعا للإختيار السليم

رد: عايز ابيع عربيتى واشترى زيرو

اقتباس:

المشاركة الأصلية كتبت بواسطة miam0502788391 (المشاركة 1014329)

طيب دلوقتى انا لما روحت شركة الأمل قالى انه هيقسط على 5 سنين ولو فى استعلام عمل الفايدة هتنزل من 11% الى 9% ايه نظام بنك ناصر دا انا اول مرة أسمع عنه .
انا موظف فى شركة حكومية والحمدلله الراتب يعتبر معقول بس على البنك الاهلى المصرى هل عشان اجيب تبع بنك ناصر لازم احول المرتب ولا النظام بيكون ازاى ؟؟

رد: عايز ابيع عربيتى واشترى زيرو

اقتباس:

المشاركة الأصلية كتبت بواسطة لآخنه (المشاركة 1014404)

على حد علمى بنك ناصر بيقسط على المرتب وبفترة تصل الى 90 شهر بفايدة 7%
يعنى بنك ناصر هو اللى هيدفع وبالتالى المرتب هيتحول عليه
اهم حاجة ان القسط لا يتعدى الراتب
يعنى واحد مثلا مرتبه 2000 جنيه ميرحش يدفع مقدم ويقسط الباقى والقسط يكون مثلا 2500 شهريا
ممكن زيارة لبنك ناصر تفى بالغرض وتعرف حضرتك الاوراق الاطلوبه

رد: عايز ابيع عربيتى واشترى زيرو

اقتباس:

المشاركة الأصلية كتبت بواسطة miam0502788391 (المشاركة 1014445)

الف شكر ليك والحمدلله المرتب معدى القسط وزيادة :)
الف شكر ولو فى اى جديد هبعتلك وجزاك الله خير