رد: الشورت بلوك للسياره النوبيرا
 

الحمد لله غيرت الشورت بلوك واللى حصل انه غيرلى كمان الرشاشات والمارش والكباس من الموتور الجديد .. المهم حاسبنى على الشغل ده 2800 للماتور و600جنية مصتعية وغيرلى طقم الدبرياج لانى كنت يشتكى من ان دواسة الدبرياج بتتقل وتنزل لتحت مع الزحمة ومع كتر الضغط عليها والمشكلة دلوقتى انها لسه زى ما هى فقالى انه عايز ديسك واسطوانة اصلى لان الجديد اللى انا ركبته من نوع فاليو وده مش حلو ....المهم روحت لميكانيكى تانى قالى ان المشكله فى انى اعمل طقم اصلاح للماستر الامامى والخلفى ولو العيب لسه موجود اغير (الفورش) وهو دراع بينقل الحركة للماستر وده هايحتاج انى اسقط الفتيس... فبصراحة مش عارف اجيب ديسك واسطوانة جداد والا اعمل طقم اصلاح .... وجزاكم الله خيرا

رد: الشورت بلوك للسياره النوبيرا
 

يعنى ايه من المشاكل الاساسية لسه موجود ولا كل حاجة زى ما هى ؟؟؟
عموماً استهلاك البنزين فى النوبيرا مش حلو خلقة وبالكتير بتغير رشاشات مش كل اللى حضرتك عملتة ده
وبالنسبة لصعوبة النقل على الاولانى مش كارثة فى فتيس مانيوال بصراحة مش لاقى العيب الاساسى اللى يخليك تصرف كل المبلغ ده

رد: الشورت بلوك للسياره النوبيرا
 

انا الموتور عندى كان فيه مشكلة وانا كاتب من اول الموضوع لو حضراك خدت بالك انى عندى مشكلة اساسا فى الموتور بجانب مشكلة الفتيس ودواسة الدبرياج ... الموتور الحمد لله خلص بس الدبرياج لسه ... فانا مش عارف اعمل ايه اغير ديسك واسطوانة تانى والا اعمل طقم اصلاح للماستر

رد: الشورت بلوك للسياره النوبيرا
 

انا خدت بالى من اول مشاركة علشان كدة سالتك ايه من المشاكل الاساسية (استهلاك البنزين - وصوت الفتيس مع الغيار الاول ) لسه موجود
لكن لو كل ده تمام والمشكلة دلوقتى بس فى هبوط الدواسة مع الاستخدام فاحتمال الماستر وارد صحيح

رد: الشورت بلوك للسياره النوبيرا
 

ربنا يبارك لحضرتك فيها و يكفيك شرها .
معايا 2001 مصري و كان الدبرياش بيسقط بعد ما جبتها بشهرين و عملتها فيه في سفر و المهم تعاملت في سفري ابطل و ادي الغيار ,,, المهم غيرت طقم دبرياج لما وصلت و فاليو بس الاصلي لاني سمعت ان فيه منه مضروب و الحمد لله من ساعتها تمام بس كل فتره طويله ابص علي زيت الفرامل و الدبرياج و طبعا الافضل من فاليو هو الجي ام بس مكنش معايا فلوسه ساعتها ...
ملاحظه اخيره بالنسبه لعضه الاولاني , سيادتك بتقول العربيه بتاخده و هي واقفه تمام , فتأكد انك لما بتديه و انت ماشي بتبقي هديت تماما لسرعه الاولاني و الا لازم هتعض معاك ...