المشاركة الأصلية كتبت بواسطة exelence (المشاركة 985739)

انا مع الرأى السفر بالطيارة لانه يا دوب ساعة زمن و تبقى هناك

المشاركة الأصلية كتبت بواسطة ahmed_eng2001 (المشاركة 985742)

مشكور على نقل التجربة :)

كنت افكر فى عمل هذه الرحلة .... و لكن زوجتى ابدت قلقها من الظروف الامنية ....

و كنت افكر ... ااجر عربية ميكروباص من شركة نقل سياحى تاخدنى لغاية الاقصر ... و ازور بعض الاماكن السياحية الموجودة بالطريق .. زى اثار المنيا و سوهاج .. و مرورا بمعبد دندرة فى قنا و نهاية بالاقصر .. مع عمل رحلة كروز نيلية من الاقصر حتى اسوان .. و زيارة معالم اسوان و الرجوع للقاهرة بالقطار

المشاركة الأصلية كتبت بواسطة aymanlaw (المشاركة 985752)

الحمد لله على سلامت حضرتك والأسرة الكريمة ,إذا كنت ناوى تسافر باالسيارة يبقى تسلك نفس طريق الغردقه يعنى السويس والسخنة والزعفرانة ورأس غارب وصولاً باالغردقة ثم حوالى 53 كيلو الى سفاجا يليهم 164 كيلو حتى قنا ومن قنا الى الأقصر 60 كيلو باالضبط ,,الأهم عندما تدخل طريق سفاجا ياريت يكون نهاراً يعنى لو تريح فى الغردقة وتبدأ مع اول ضوء تتحرك متجهاً الى الأقصر وذلك لأن طريق سفاجا به منحنيات تبدوا خطيره للبيمشى عليه لأول مره وهو مش خطير بمعنى مرعب يعنى لالا ولكن يجب السير عليه نهاراً حتى تحفظه وتتعامل معه بحرفية ,,ولكنه من اجمل الطرق فى مصر من حيث المناظر الجبلية حيث تكون مرتفع عن سطح البحر ,مش عارف قد إيه الأرتفاع ولكن دائماً سوف تسد الأذن فتبتلع ريقك كى تتفتح الأذن باالضبط مثل سفر الطائرة,, ولكن اجمل مافى الموضوع هو المغامرة ورؤية طرق جميلة اوممكن حضرتك تقول مناظر طبيعية جميلة فى بلدنا المنهوبة,,وتروح وترجع بأذن الله بألف سلامة ,,قبل ماأنهى موضوعى الطريق من الغردقة الى قنا هو تجاه واحد مع بعض منحنيات طريق سفاجا وسلسلة جبال البحر الأحمر التى بها منحنيات كثيرة ,واقصد طريق واحد مش حارة واحده لا ولكن مابتخشش على طرق فرعية كتير علشان توصل لأصل الطريق يعنى لماهتسأل هتلاقى الطريق امامك مباشرتاً ,,مرة إخرى باالتوفيق لكم وللأسرة الكريمة وارجوك خلى السرعة متزدش عن 80,90 والله الموفق

المشاركة الأصلية كتبت بواسطة aymanlaw (المشاركة 985754)

نسيت اقول لحضرتك لما هتوصل قنا تدخل على طريق سيدى عبدالرحيم القنائى وهيكون الأتجاه على يديك الشمال ومنه للأقصر وهو ايضاً طريق مستقيم الى الأقصر مروراً بمدينة قوص التى بها مصنع السكر يعنى هتشوف طريق قطار قصب السكر وهواحياناً بيقطع طريق السفر وعلى فكرة مدينة قنا من اجمل مدن جمهورية مصر من حيث النظافة والتنظيم ولما هتوصل الأقصر بعد الكمين تدخل المدينة يمين الى ان تصل الى الكورنيش وهتكون قريب من معبد الكرنك ثم معبد الأقصر وتعمل تور فى المعبدين ثم بعد ذلك تعدى الغرب واعتقد فيه عبارة للسيارات علشان تزور البر الغربى ومعبدالملكة حتشبسوت وتشوف تماثيل هابو ومقبرة الملك توت عنخ أمون وتزور وادى الملوك والملكات وتعمل كروزه فى النيل ,رافقتك السلامة